Impact of Radiation in India: ઈઝરાયલના પરમાણુ પ્લાન્ટ પર હુમલાથી રેડિયેશન ફેલાવાનો ખતરો: શું ભારત પણ અસરગ્રસ્ત થશે?
Impact of Radiation in India: ઈરાન અને ઇઝરાયલ વચ્ચે ચાલી રહેલા યુદ્ધે વૈશ્વિક ચિંતાઓ ઊભી કરી છે. હાલમાં બંને દેશો પરંપરાગત શસ્ત્રોથી લડી રહ્યા છે, પરંતુ ઈઝરાયલના સતત હુમલાઓ હવે એક ગંભીર મુદ્દા તરફ ઈશારો કરે છે – ઈરાનના પરમાણુ પ્લાન્ટમાં સંભવિત રેડિયેશન લીકનો ખતરો.
Impact of Radiation in India: આ ક્રમમાં, આંતરરાષ્ટ્રીય પરમાણુ ઉર્જા એજન્સી (IAEA) ના ડિરેક્ટર જનરલ રાફેલ ગ્રોસીએ મહત્વપૂર્ણ માહિતી આપી છે. તેમના જણાવ્યા મુજબ, ઇઝરાયલના હમલામાં ઈરાનના નેતનઝ અને ઇસ્ફહાન સ્થિત પરમાણુ સંસ્થાઓને અસર થઈ છે. તેમનું કહેવું છે કે, ભલે પ્લાન્ટની બહાર રેડિયેશન સ્તર સામાન્ય જણાય છે, પરંતુ અંદર યુરેનિયમ હેક્સાફ્લોરાઇડ ગેસની સંભવિત લીકને નકારી શકાય તેમ નથી.
આ ગેસ ખૂબજ વિસ્ફોટક અને ઝેરી છે. જો સેન્ટ્રીફ્યુજને નુકસાન થયું હોય તો ગેસ લીક થવાનો ખતરો ઊભો થાય છે. આ પ્રકારનું રાસાયણિક રેડિયેશન વ્યક્તિને ગંભીર રીતે ઘાયલ કરી શકે છે અને મોટી જનસંખ્યા પર અસર પાડી શકે છે. ઉલ્લેખનીય છે કે વીજ પુરવઠો ખંડિત થવાને કારણે નિયંત્રણ તંત્રો પણ અસરગ્રસ્ત બન્યા હોવાની આશંકા છે.
આઘાતજનક વાત એ છે કે આજ સુધી મળતી માહિતીના આધારે રેડિયેશનના સ્તર વિશે સંપૂર્ણપણે ખાતરીપૂર્વક કંઈ કહી શકાતું નથી. ઈરાન દ્વારા માહિતી જાહેર ન કરાતા આંતરરાષ્ટ્રીય સમુદાય ગભરાયેલો છે.
વિશ્લેષકો ચેતવણી આપે છે કે જો યુરેનિયમના ઉપયોગ વિના પણ માત્ર પ્રોસેસિંગ પ્લાન્ટમાંથી રેડિયેશન લીક થાય તો પણ તેનો વ્યાપક અને લાંબા ગાળાનો અસરકારક વિનાશ થઈ શકે છે – જાપાનના ફુકુશીમા દૂર્ઘટના પછીનો અનુભવ તેનું જીવંત ઉદાહરણ છે.
હવે મોટો સવાલ એ છે કે શું આ યુદ્ધ પરમાણુ શસ્ત્ર સુધી પહોંચશે? અને જો નહીં પણ, શું રેડિયેશન ભારત સહિત આશપાસના દેશોમાં અસર કરશે?
હાલમાં રેડિયેશનની લહેરો પવનદ્વારા પ્રસરી શકે છે, પરંતુ તેની સખ્ત અસર ભારત સુધી થવાની શક્યતા હાલના પગથિયે ખૂબ ઓછી માનવામાં આવે છે. છતાં, જો મોટી લિકેજ થાય અને વાયુમંડળમાં યુરેનિયમ કણો વ્યાપે, તો સમગ્ર મધ્યપૂર્વ, એશિયા અને યુરોપ સુધી અસર થઈ શકે છે.
આ સ્થિતિમાં વૈશ્વિક રાજદ્વારી વધુ મહત્વ ધરાવે છે. અમેરિકા, યુરોપીયન યુનિયન સહિત ઘણા દેશો ઈરાન સાથે વાતચીતના માધ્યમથી પરમાણુ શસ્ત્રના વિકાસને રોકવા ઇચ્છે છે, જ્યારે ઇઝરાયલ સીધા હથિયારોથી હુમલાનો માર્ગ અપનાવી રહ્યો છે.
વિશ્લેષણકારો કહે છે કે હાલની સ્થિતિ માત્ર ઈરાન કે ઇઝરાયલ માટે નહીં, પરંતુ આખા વિશ્વ માટે ચિંતાનો વિષય છે. જો આ યુદ્ધ પરમાણુ સંકટ તરફ દોરી જશે, તો એ માનવજાત માટે સૌથી મોટું સંકટ સાબિત થઈ શકે છે.
