India-Russia relations:ભારત-રશિયા સંબંધોમાં નવો આયામ, પુતિન ટૂંક સમયમાં લેશે ભારતની મુલાકાત
India-Russia relations :ભારત અને રશિયા વચ્ચેની વ્યૂહાત્મક સંબંધોને વધુ મજબૂત બનાવવા માટે, પ્રધાનમંત્રી નરેન્દ્ર મોદીએ રશિયાના રાષ્ટ્રપતિ વ્લાદિમીર પુતિનને ભારતનો પ્રવાસ કરવા માટે સત્તાવાર આમંત્રણ આપ્યું છે. આ પગલું બંને દેશો વચ્ચે લાંબા સમયથી ચાલતા સહયોગને વધુ ગહન કરવા માટે ઉઠાવવામાં આવ્યું છે. ક્રેમલિન અનુસાર, પુતિને આ આમંત્રણ સ્વીકારી લીધું છે અને તે ટૂંક સમયમાં ભારતનો પ્રવાસ કરશે, પરંતુ યાત્રાની તારીખો હાલ જાહેર કરવામાં આવી નથી.
રશિયા અને ભારતના ઐતિહાસિક અને વ્યૂહાત્મક રીતે મહત્વપૂર્ણ સંબંધો છે, જે સંરક્ષણ, ઉર્જા, વિજ્ઞાન અને ટેકનોલોજીથી લઈને સાંસ્કૃતિક સંબંધો સુધી ફેલાયેલા છે. પુતિનની ભારત મુલાકાત આ દ્વિપક્ષીય સંબંધોને મજબૂત કરવાની તક હશે. ખાસ કરીને, રશિયા-ભારત સંરક્ષણ સહયોગમાં નોંધપાત્ર વધારો થવાની સંભાવના છે, જેમાં રશિયા ભારતને અત્યાધુનિક સૈન્ય ટેકનોલોજી અને સાધનો પ્રદાન કરે છે. આ ઉપરાંત બંને દેશો વચ્ચે ઉર્જા ક્ષેત્રે અનેક મહત્વના કરાર થવાની શક્યતા પણ વ્યક્ત કરવામાં આવી રહી છે.
પુતિનની મુલાકાત પહેલા રશિયા અને ભારત વચ્ચે અનેક ઉચ્ચ સ્તરીય બેઠકો અને સંવાદો થયા છે.જેમા બંને દેશોના વ્યાવસાયિક સંબંધોને પ્રોત્સાહન આપવાનો અને વૈશ્વિક રાજકારણમાં સહયોગ સુનિશ્ચિત કરવાનો પ્રયાસ કરવામાં આવ્યો છે. પીએમ મોદી અને પુતિન વચ્ચેના વ્યક્તિગત સંબંધો પણ બલવાન છે, અને આ પ્રવાસ બંને નેતાઓ વચ્ચે સહયોગ વધારવાનો શ્રેષ્ઠ અવસર પ્રદાન કરશે.
ભારત અને રશિયા વચ્ચે ચાલી રહેલા સહયોગને ધ્યાનમાં રાખતા, આ યાત્રાથી માત્ર દ્વિપક્ષીય સંબંધોમાં સુધારો થશે, પરંતુ વૈશ્વિક સુરક્ષા અને આર્થિક મુદ્દાઓમાં પણ બંને દેશોની ભૂમિકા અને પ્રભાવ વધશે. ખાસ કરીને, ભારત માટે આ યાત્રા રશિયા સાથે વધુ મજબૂત સામૂહિક ભાગીદારીનો સંકેત બની શકે છે, ખાસ કરીને ચીન અને અમેરિકા સાથે વધતા તણાવ વચ્ચે.
આ પ્રવાસ ભારતીય નાગરિકો અને વૈશ્વિક સમુદાય માટે પણ મહત્વપૂર્ણ થશે, કારણ કે આ એ સંકેત આપે છે કે ભારત તેના વ્યૂહાત્મક ભાગીદારો સાથે સંબંધોને વધુ મજબૂત બનાવવા માટે પ્રતિબદ્ધ છે.
