Israel-Gaza War:ઈઝરાયેલે ફરી ઉત્તર ગાઝા પર છોડ્યા રોકેટ.
Israel-Gaza War:પેલેસ્ટિનિયન તબીબી અધિકારીઓએ દાવો કર્યો છે કે ઉત્તર ગાઝામાં ઇઝરાયેલના હવાઈ હુમલામાં ઓછામાં ઓછા 20 લોકો મૃત્યુ પામ્યા છે, જેમાં મોટાભાગની મહિલાઓ અને બાળકો છે. નજીકની હોસ્પિટલના ડિરેક્ટર હુસામ અબુ સફિયાએ જણાવ્યું હતું કે સોમવારે હુમલો બીત લાહિયા શહેરમાં એક બિલ્ડિંગ પર થયો હતો જેમાં ઘણા પરિવારો આશરો લઈ રહ્યા હતા.
ગાઝાના આરોગ્ય મંત્રાલયની કટોકટી સેવાઓ દ્વારા બહાર પાડવામાં આવેલ મૃતકોની યાદીમાં આઠ મહિલાઓ અને છ બાળકોનો સમાવેશ થાય છે. આ મામલે ઈઝરાયેલની સેના તરફથી તાત્કાલિક કોઈ પ્રતિક્રિયા આપવામાં આવી નથી. ઇઝરાયેલ લગભગ એક મહિનાથી ઉત્તરી ગાઝાને વ્યાપક રીતે નિશાન બનાવી રહ્યું છે, બીટ લાહિયા, નજીકના શહેર બીટ હુનાન અને શહેરી જબાલિયા શરણાર્થી શિબિરને સંપૂર્ણ ખાલી કરવાનો આદેશ આપી રહ્યો છે, અને છેલ્લા એક મહિનાથી લગભગ કોઈ માનવીય સહાય પહોંચાડવાની મંજૂરી નથી .
