Malala Yousafzaiની અપીલ: “ભારત નહીં, આતંકવાદ આપણો વાસ્તવિક દુશ્મન”
Malala Yousafzai: પાકિસ્તાન અને પાકિસ્તાન અધિકૃત કાશ્મીર (POK) માં આતંકવાદી ઠેકાણાઓ સામે ભારતીય સેના દ્વારા ઓપરેશન સિંદૂર હેઠળ કાર્યવાહી બાદ બંને દેશો વચ્ચે તણાવ ચરમસીમાએ છે. આવા વાતાવરણમાં, નોબેલ શાંતિ પુરસ્કાર વિજેતા મલાલા યુસુફઝાઈએ સંયમ અને સમજણની અપીલ કરી છે અને આતંકવાદ સામે સંયુક્ત લડાઈનો સંદેશ આપ્યો છે.
મલાલાએ શાંતિની અપીલ કરી
એક મુલાકાતમાં મલાલાએ કહ્યું,
“ભારત અને પાકિસ્તાન એકબીજાના દુશ્મન નથી. આપણો સામાન્ય દુશ્મન ઉગ્રવાદ, આતંકવાદ અને હિંસા છે.”
તેમણે બંને દેશોને આતંકવાદ સામે સાથે મળીને લડવા અને નાગરિકો, ખાસ કરીને બાળકોનું રક્ષણ કરવા વિનંતી કરી.
આંતરરાષ્ટ્રીય સમુદાય પાસેથી હસ્તક્ષેપની માંગ
મલાલાએ કહ્યું કે હવે સમય આવી ગયો છે કે આંતરરાષ્ટ્રીય સમુદાય હસ્તક્ષેપ કરે અને આ ક્ષેત્રમાં સંવાદ અને શાંતિને પ્રોત્સાહન આપે. તેમનું માનવું છે કે ફક્ત રાજદ્વારી અને સહયોગ જ આ ક્ષેત્રમાં સ્થિરતા અને સમૃદ્ધિ લાવી શકે છે.
“હું પોતે આતંકવાદનો ભોગ બન્યો છું”
પોતાનો અનુભવ શેર કરતી વખતે મલાલાએ કહ્યું કે તે પોતે તાલિબાનના હુમલાનો ભોગ બની છે. તેણે કીધુ:
“કોઈ પણ વ્યક્તિ જન્મથી આતંકવાદી નથી હોતો. સમાજ, વિચારધારા અને સંજોગો તેને તે દિશામાં દોરી જાય છે.”
Hatred and violence are our common enemies, not each other. I strongly urge leaders in India and Pakistan to take steps to de-escalate tensions, protect civilians — especially children — and unite against the forces of division.
I send my deepest condolences to the loved ones of…
— Malala Yousafzai (@Malala) May 7, 2025
શાહબાઝ શરીફ અને નેતાઓને અપીલ
મલાલાએ ટ્વિટર પર એક નિવેદન પણ બહાર પાડ્યું, જેમાં તેણે લખ્યું:
“નફરત અને હિંસા આપણા વાસ્તવિક દુશ્મનો છે. હું ભારત અને પાકિસ્તાનના નેતાઓને તણાવ ઓછો કરવા અને નિર્દોષ નાગરિકોની સુરક્ષા સુનિશ્ચિત કરવા અપીલ કરું છું.”
તેમણે કહ્યું કે આ સંઘર્ષમાં સામાન્ય નાગરિકો અને નિર્દોષ બાળકો સૌથી વધુ પીડાઈ રહ્યા છે, તેથી નેતાઓએ શાંતિને પ્રાથમિકતા આપવી જોઈએ.
