Pakistan: પાકિસ્તાનના નાણાકીય ભવિષ્ય પર મોટો પ્રશ્ન – શું આ લોનમાં છે છુપાયેલો એજન્ડા?
Pakistan: આર્થિક તંગી વચ્ચે પાકિસ્તાનને મોટી રાહત મળતી દેખાઈ રહી છે. દુબઈ અને પશ્ચિમ એશિયાની પાંચ જેટલી પ્રખ્યાત બેંકોના સમૂહે પાકિસ્તાનને પાંચ વર્ષ માટે 1 અબજ ડોલરની સિન્ડિકેટેડ લોન મંજૂર કરી છે. નાણા મંત્રાલયે 18 જૂન, 2025ના રોજ આ લોન માટે સત્તાવાર રીતે કરાર પર હસ્તાક્ષર કર્યા હોવાનું જણાવ્યું છે.
આ લોનની કામગીરીમાં દુબઈ ઇસ્લામિક બેંક મુખ્ય વૈશ્વિક સંયોજક તરીકે અને સ્ટાન્ડર્ડ ચાર્ટર્ડ બેંક મુખ્ય મેનેજર તરીકે આગળ આવ્યા છે. લોનમાં સહભાગી અન્ય બેંકોમાં અબુ ધાબી ઇસ્લામિક બેંક, શારજાહ ઇસ્લામિક બેંક, અજમાન બેંક અને HBL (હબિબ બેંક લિમિટેડ) સામેલ છે.
મંત્રાલયે જણાવ્યું કે આ લોનમાં એશિયન ડેવલપમેન્ટ બેંક (ADB) દ્વારા સમર્થિત $100 મિલિયનની ગેરંટી પણ સામેલ છે, જે પાકિસ્તાનના નાણાકીય સંકલન અને બજારના વિશ્વાસ માટે મહત્વપૂર્ણ પગલું છે.
આર્થિક પરિસ્થિતિમાં ધીમો સુધારો
તાજેતરમાં, ફિલિપાઇન્સની એક બેંકે પણ પાકિસ્તાનને $800 મિલિયનનું વિતિય પેકેજ આપ્યું હતું, જે નાણાકીય વ્યવસ્થાપન સુધારવા માટે ઉપયોગમાં લેવામાં આવશે.
2023-24 દરમિયાન આંતરરાષ્ટ્રીય નાણાકીય ભંડોળ (IMF)ના સહયોગથી નાદારીથી માંડ બચેલું પાકિસ્તાન હવે ધીરે ધીરે નાણાકીય સ્થિરતાની દિશામાં આગળ વધી રહ્યું છે. ચાલુ નાણાકીય વર્ષના પ્રથમ 11 મહિનામાં દેશે $1.8 બિલિયનનું ચાલુ ખાતાનું સરપ્લસ નોંધાવ્યું હતું.
નાણામંત્રીનો પ્રતિસાદ
નાણામંત્રીનો પ્રતિસાદપાકિસ્તાનના નાણામંત્રી સલાહકાર ખુર્રમ શહઝાદે આ સિદ્ધિ પર ખુશી વ્યક્ત કરતાં લખ્યું:
“ADB સમર્થિત ગેરંટી અને પશ્ચિમ એશિયાઈ બેંકોના મજબૂત સહયોગથી પાકિસ્તાનને 1 અબજ ડોલરનું ઐતિહાસિક ધિરાણ મળ્યું છે – આ નવો આત્મવિશ્વાસ અને વૈશ્વિક નાણાકીય સમર્થન દર્શાવે છે.”
અત્યાર સુધી આ સૌથી મોટાં વિતિય પગલાંમાંનું એક માનવામાં આવી રહ્યું છે, જે પડકારોથી ઘેરાયેલી પાકિસ્તાની અર્થવ્યવસ્થાને નવી દિશા આપી શકે છે.
