સફળતાનું બીજુ નામ એટલે આ ઉદ્યોગપતીઓ, જાણો તેમના સંધર્ષથી સફળતા સુધીની સફર

વિશ્વના અબજોપતિઓમાં સામેલ ટાટા-અંબાણી-બિરલા જેવા ઉદ્યોગપતિઓને ધનવાન અને પોતાના ક્ષેત્રમાં આવડતથી તો મોટા ભાગના લોકો ઓળખે છે પરંતુ તેમના શિક્ષણને લઇને બહુ ઓછાં લોકો જાણે છે. ભારતના સૌથી ધનવાન વ્યક્તિ મુકેશ અંબાણી એમબીએનો અભ્યાસ કરવા વિદેશ તો ગયા હતા, પરંતુ પૂર્ણ કર્યા વગર જ પરત ફર્યા હતા. સાધારણ ડિગ્રી મેળવીને આ લોકોએ પોતાનો બિઝનેસ શરૂ કર્યો અને આજે દેશના ટોપ બિઝનેસમેનમાં સામેલ છે. આ પેકેજમાં અમે તમને ભારતના ટોચના ઉદ્યોગપતિઓ પાસે કઈ ડિગ્રી છે તેના વિશે જણાવીએ છીએ.

મુકેશ અંબાણી

દેશના સૌથી શ્રીમંત વ્યક્તિ મુકેશ અંબાણી મુંબઇના યૂનિવર્સિટી ડિપાર્ટમેન્ટ ઓફ કેમિકલ ટેક્નોલોજી (UDCT)માંથી કેમિકલ એન્જીનિયરિંગમાં સ્નાતક છે. હાલમાં UDCTને ઇન્સ્ટીટ્યૂટ ઓફ કેમિકલના ટેક્નોલોજીના નામથી ઓળખવામાં આવે છે. અહીં અભ્યાસ પૂર્ણ કર્યા બાદ મુકેશ અંબાણી એમબીએનો અભ્યાસ કરવા સ્ટેનફોર્ડ યૂનિવર્સિટી ગયા હતા, પરંતુ પૂર્ણ કરી શક્યા ન હતા. એક વર્ષ પચી તેઓ ભારત પરત ફરી પિતા ધીરૂભાઈ અંબાણી સાથે કારોબારમાં જોડાઈ ગયા હતા.

રતન ટાટા

ટાટા ગ્રુપના પૂર્વ ચેરમેન રતન ટાટાએ આર્કિટેક્ચર એન્ડ સ્ટ્રક્ચરલ એન્જિનિયરિંગમાં સ્નાનતકની ડિગ્રી મેળવી છે. તેમણે આ ડિગ્રી 1962માં અમેરિકાની કોરનેલ યૂનિવર્સિટીમાંથી લીધી. ત્યાર બાદ 1975માં તેમણે હાવર્ડ બિઝનેસ સ્કુલમાંથી એડવાન્સ મેનેજમેન્ટ પ્રોગ્રામની ડિગ્રી પણ મેળવી છે.

દિપક પારેખ

દીપક પારેખ હાલમાં એચડીએફસી બેંકના ચેરમેન છે. દીપક પારેખ એક ચાર્ટર્ડ એકાઉન્ટન્ટ છે, તેમણે પોતાની કારકિર્દી ન્યૂયોર્કની અનર્સ્ટ(ernst) એન્ડ યંગ મેનેજમેન્ટ કન્સલટન્સી સર્વિસીસ સાથે શરૂ કરી હતી. ત્યાર બાદ ભારત પરત ફર્યા અને ગ્રિંડલેજ (grindlays) અને ચેજ મેનહટ્ટન બેંકની સાથે કામ શરૂ કર્યું. વર્ષ 1978માં તેઓ એચડીએફસી સાથે જોડાયા.

કુમાર મંગલમ

કુમાર મંગલમ, આદિત્ય બિરલા ગ્રુપની ચેરમેન છે. તેમણે યૂનિવર્સિટી ઓફ બોમ્બેથી બીકોમ કર્યું અને પછી ચાર્ટર્ડ એકાઉન્ટન્ટ બન્યા. ત્યાર બાદ તેમણે બિઝનેસ સ્કુલ ઓફ લંડનથી એમબીએની ડિગ્રી પણ મેળવી.

આનંદ મહિન્દ્રા

આનંદ મહિન્દ્રા એન્ડ મહિન્દ્રાના ચેરમેન અને મેનેજિંગ ડાયરેક્ટર છે. તેમણે હાવર્ડ કોલેજ, કેમ્બ્રિજથી સ્નાતકની કર્યું છે. અહીં જ તેમણે ફિલ્મ મેકિંગનો કોર્સ પણ કર્યો. ત્યાર બાદ હાવર્ડ બિઝનેસ સ્કુલ, બોસ્ટનથી તેમણે વર્ષ 1981માં એમબીએની ડિગ્રી મેળવી.

સુનિલ ભારતી મિતલ

ટેલીકોમ ટાયકુનના નામથી જાણીતા સુનીલ ભારતી મિત્તલ, ભારતી એન્ટરપ્રાઇઝેઝના ચેરમેન અને ગ્રુપ સીઈઓ છે. પંજાબ યૂનિવર્સિટીમાંથી 1976માં સ્નાતકની ડિગ્રી મેળવી. ત્યાર બાદ બેચલર ઓફ આર્ટ્સ એન્ડ સાયન્સની ડિગ્રી મેળવી. તેમણે 18 વર્ષની ઉંમરમાં કામ કરવાનું શરૂ કર્યું. તેઓ હાર્વર્ડ બિઝનેસ સ્કુલ, અમેરિકાના પૂર્વ વિદ્યાર્થી રહ્યા છે.

નારાયણ મૂર્તિ

ઇન્ફોસિસના ચેરમેન નારાયણ મૂર્તિએ વર્ષ 1967માં યૂનિવર્સિટી ઓફ મૈસૂરમાંથી ઇલેક્ટ્રીકલ એન્જિનિયરિંગમાં સ્નાતક ડિગ્રી લીધી. ત્યાર બાદ આઇઆઇટી કાનપુરથી વર્ષ 1969માં માસ્ટર ડિગ્રી મેળવી.