Sunita Williams: સુનિતા વિલિયમ્સની અવકાશમાંથી વાપસી પર સંકટ, મિશનમાં હજી વધુ થશે વિલંબ
Sunita Williams: સુનિતા વિલિયમ્સની અવકાશમાંથી વાપસીમાં વિલંબની ખબર ચિંતા જનક બની છે. નાસાએ જાહેરાત કરી છે કે સુનિતા વિલિયમ્સ અને તેમના સાથી બુચ વિલમોરની પૃથ્વી પર વાપસી હવે માર્ચ 2025 સુધી મોડી પડશે. બંને એસ્ટ્રોનોટ છેલ્લાં છ મહિનાથી અવકાશમાં છે અને આ પરિસ્થિતિમાં હવે વધુ સમય ત્યાં પસાર કરવો પડશે.
મિશનમાં વિલંબના કારણો
આ વિલંબનું મુખ્ય કારણ સ્ટારલાઇનર સ્પેસક્રાફ્ટમાં સર્જાયેલી તકનિકી ખામી છે. શરૂઆતમાં બંને એસ્ટ્રોનોટ્સની વાપસી ફેબ્રુઆરી 2024 માટે નિર્ધારિત હતી, પરંતુ હવે આ મિશન માટે ક્રુ-9 અને ડ્રેગન સ્પેસક્રાફ્ટનો ઉપયોગ કરવામાં આવશે.
અવકાશમાં પડકારો
– સુનિતા અને બુચને ખાવા-પીવા માટેની સમસ્યાઓનો સામનો કરવો પડી રહ્યો છે.
– સુનિતા, જે માત્ર 7-10 દિવસના મિશન માટે ગયાં હતાં, હવે 182 દિવસથી વધુ સમયથી અવકાશમાં છે.
– તેમની શારીરિક સ્થિતિ નબળી થઈ રહી છે, પરંતુ નાસાનો દાવો છે કે તેઓ અનુભવસંપન્ન છે અને આ પરિસ્થિતિનો સામનો કરી શકે છે.
નાસાનું દૃષ્ટિકોણ
નાસા આ પરિસ્થિતિને “ફસાયેલા” તરીકે નહીં પણ એક ચુસ્ત વ્યવસ્થાના ભાગરૂપે જુએ છે. નાસાના મતે, સુનિતા અને બુચ અગાઉ પણ અવકાશમાં કામ કરી ચૂક્યાં છે અને હાલમાં તેઓ સ્ટેશન પર મહત્વપૂર્ણ જવાબદારીઓ નિભાવી રહ્યાં છે. સુનિતાને સપ્ટેમ્બર મહિનામાં અવકાશ સ્ટેશનના કમાન્ડર તરીકે નિયુક્ત કરવામાં આવ્યા હતા, જે તેમના અનુભવ અને ક્ષમતાને દર્શાવે છે.
વાપસીની યોજના
ક્રુ-9 મિશન હેઠળ ડ્રેગન સ્પેસક્રાફ્ટને સુધારવામાં આવ્યો છે. આમાં સુનિતા, બુચ અને અન્ય બે અવકાશયાત્રી માર્ચ 2025માં સુરક્ષિત રીતે પૃથ્વી પર પરત આવશે. નાસા આ મિશનની સફળતા માટે તમામ શક્ય પ્રયાસો કરી રહ્યું છે.
આ મિશન માત્ર સુનિતા અને તેમના સાથીઓ માટે નહીં પરંતુ અવકાશ અભિયાનોની વિશ્વસનીયતા માટે પણ મહત્ત્વપૂર્ણ છે.
