US ના પૂર્વ રાષ્ટ્રપતિ ડોનાલ્ડ ટ્રમ્પે વડાપ્રધાન નરેન્દ્ર મોદીના વખાણ કર્યા અને તેમને સારા મિત્ર અને શ્રેષ્ઠ વ્યક્તિ ગણાવ્યા. તેમણે મોદીના નેતૃત્વમાં ભારતની સ્થિરતા અને મજબૂત નિર્ણયોની પ્રશંસા કરી હતી.
US :મોદીના શાસન પર પોતાનો અભિપ્રાય આપતા તેમણે કહ્યું કે ભારત તેમના કાર્યકાળ પહેલાની સરખામણીમાં વધુ સ્થિર છે. જ્યારથી મોદીએ વડાપ્રધાન પદ સંભાળ્યું છે ત્યારથી ભારતે ઘણા કઠિન નિર્ણયો લીધા છે. વડાપ્રધાન સાથેની અંગત વાતચીતનો ખુલાસો કરતા ટ્રમ્પે કહ્યું કે એકવાર એક દેશે ભારતને ધમકી આપી હતી. ત્યારબાદ તેમણે મોદીને કહ્યું કે તેઓ આ મામલાની તપાસ કરશે પરંતુ મોદીએ ના પાડી દીધી અને કહ્યું કે, હું તેને સંભાળીશ અને જે જરૂરી પગલાં લેવા પડશે તે લઈશ.
નમસ્તે ટ્રમ્પ અને હાઉડી મોદીનો ઉલ્લેખ
તેમની વાતચીતમાં ટ્રમ્પે અમેરિકી રાષ્ટ્રપતિ તરીકેના તેમના કાર્યકાળ દરમિયાન અમદાવાદ, ગુજરાતમાં આયોજિત નમસ્તે ટ્રમ્પ કાર્યક્રમનો ઉલ્લેખ કર્યો અને કહ્યું કે આ એક અદ્ભુત અનુભવ હતો. આ કાર્યક્રમમાં એક લાખથી વધુ લોકોએ ભાગ લીધો હતો. દેશની બહાર કોઈપણ અમેરિકન રાષ્ટ્રપતિની આ સૌથી મોટી રેલી હતી.
આ પછી, 2019 માં પીએમ મોદીના અમેરિકા પ્રવાસ દરમિયાન આયોજિત હાઉડી મોદી કાર્યક્રમનો પણ ઉલ્લેખ કરતા તેમણે કહ્યું કે તે કાર્યક્રમમાં લગભગ 80,000 લોકો હતા અને ત્યાંનું વાતાવરણ ગાંડા જેવું હતું. આ કાર્યક્રમમાં પીએમ મોદીએ હ્યુસ્ટન શહેરના એનઆરજી સ્ટેડિયમમાં ભારતીય-અમેરિકનોની વિશાળ સભાને સંબોધિત કરી હતી.
ટ્રમ્પે ગયા મહિને વડાપ્રધાનના અમેરિકા પ્રવાસ દરમિયાન દાવો કર્યો હતો કે પીએમ મોદી તેમને મળશે પરંતુ એવું બન્યું નહીં. પીએમ મોદી ગયા મહિને અમેરિકી રાષ્ટ્રપતિ જો બિડેનના હોમ ટાઉનમાં આયોજિત ક્વાડ મીટિંગમાં ભાગ લેવા માટે અમેરિકા પહોંચ્યા હતા.
