આ મેરેજમાં જે યુવતી ઘરની પુત્રવધુ બનવાની હતી તે જ ખોવાયેલી દીકરી નીકળી. આ યુવતીના લગ્ન તેના જ ભાઈ સાથે થવાના હતા પણ એક બર્થમાર્કને લીધે તેની માતાએ તેને ઓળખી લીધી અને વર્ષો પછી તેનો પરિવાર સાથે ભેટો થયો. સાસુ એ તેની પુત્રવધુના હાથ પર એક બર્થમાર્ક જોયું. આ જ નિશાન તેની વર્ષો પહેલાં ખોવાઈ ગયેલી દીકરીના હાથ પર પણ હતું. એક સમય માટે તો તેમને શું બોલવું, કઈ રીતે બોલવું તેની કઈ ખબર ના પડી. મેરેજ પહેલાં તે મહિલાએ તેના દીકરાની થનારી પત્નીના પરિવારને પૂછ્યું કે, આ તમારી દીકરી છે કે તેને 20 વર્ષ પહેલાં દત્તક લીધી હતી? આ પ્રશ્ન સાંભળીને પરિવારજનો ચોંકી ગયા અને એકબીજાની સામે જોવા લાગ્યા. દીકરીને દત્તક લીધાની સિક્રેટ વાત બધા સામે આવી ગઈ. એ પછી મહિલાની શંકા હકીકતમાં ફેલાઈ ગઈ. તેના દીકરાની દુલ્હન તેની પોતાની જ દીકરી હતી.
તેને ઉછેરનારા પરિવારે કહ્યું, ઘણા વર્ષો પહેલાં અમને તે રસ્તા પરથી મળી હતી. અમે ઘરે લાવ્યા અને તેને મોટી કરી. દીકરી ખોવાઈ જતા મહિલાએ એક દીકરાને દત્તક લીધો હતો. ઘણા લોકોએ વાંધો પણ ઉઠાવ્યો કે ભાઈ-બહેન મેરેજ ના કરી શકે પણ આ મહિલાએ દીકરાને દત્તક લીધેલો છે. તે બંને સગા ભાઈ-બહેન નથી. શાંતિપૂર્ણ લગ્ન પૂરા થયા અને છૂટા પડેલા મા-દીકરી મળી ગયા.
