ફ્રૂટ કસ્ટર્ડ હવે ઘરે જ બનાવો, જાણો પરફેક્ટ માપ અને બનાવવાની રીત

હોળીના તહેવાર પર મહેમાનો માટે બનાવો ઠંડુ-ઠંડુ ફ્રૂટ કસ્ટર્ડ, અહીંથી નોંધી લો તેની સરળ રેસીપી

હોળીનો તહેવાર માત્ર રંગો સુધી જ સીમિત નથી, પરંતુ આ ખાસ અવસરે ઘરોમાં જાતભાતના સ્વાદિષ્ટ પકવાન પણ બનાવવામાં આવે છે. ઉત્તર ભારત હોય કે ગુજરાત, હોળી પર ગળ્યું ખાવાનો એક અલગ જ આનંદ હોય છે. આ વર્ષે જો તમે મહેમાનો માટે કંઈક હેલ્ધી અને સ્વાદિષ્ટ બનાવવા માંગતા હોવ, તો ‘ફ્રૂટ કસ્ટર્ડ’ એક બેસ્ટ ઓપ્શન છે. તે ખાવામાં જેટલું ટેસ્ટી લાગે છે, તેને બનાવવું એટલું જ સરળ છે.

ફ્રૂટ કસ્ટર્ડ બનાવવા માટેની જરૂરી સામગ્રી

કસ્ટર્ડ બનાવવા માટે તમારે બહુ ઓછી અને ઘરમાં સરળતાથી મળી રહે તેવી સામગ્રીની જરૂર પડશે:

• દૂધ: 1 લિટર (ફુલ ક્રીમ દૂધ વધુ સારું રહેશે)
• કસ્ટર્ડ પાવડર: 2 મોટી ચમચી (વેનીલા ફ્લેવર સૌથી વધુ લોકપ્રિય છે)
• ખાંડ: 4-5 મોટી ચમચી (અથવા તમારા સ્વાદ મુજબ)
• તાજા ફળો: 1 કપ ઝીણા સમારેલા (સફરજન, કેળા, દ્રાક્ષ, દાડમના દાણા)
• ડ્રાય ફ્રૂટ્સ: કાજુ, બદામ અને પિસ્તા (ઝીણા સમારેલા)

કસ્ટર્ડ બનાવવાની સ્ટેપ-બાય-સ્ટેપ રીત

1. દૂધ ગરમ કરો: સૌથી પહેલા એક જાડા તળિયાવાળા વાસણમાં દૂધ ગરમ કરવા મૂકો. દૂધ ગરમ થાય તે પહેલા તેમાંથી અડધો કપ ઠંડુ દૂધ અલગ કાઢી લો.
2. મિશ્રણ તૈયાર કરો: હવે અલગ કાઢેલા ઠંડા દૂધમાં 2 ચમચી કસ્ટર્ડ પાવડર ઉમેરો અને તેને બરાબર મિક્સ કરો. ધ્યાન રાખજો કે તેમાં કોઈ ગાંઠ (lumps) ન રહી જાય.
3. ખાંડ ઉમેરો: જ્યારે ગેસ પર રાખેલું દૂધ ઉકળવા લાગે, ત્યારે તેમાં ખાંડ ઉમેરો અને ખાંડ ઓગળે ત્યાં સુધી દૂધને હલાવતા રહો.
4. કસ્ટર્ડ મિક્સ કરો: હવે ગેસની આંચ ધીમી કરી દો અને તૈયાર કરેલું કસ્ટર્ડનું મિશ્રણ ધીરે ધીરે દૂધમાં ઉમેરો. આ સમયે દૂધને સતત હલાવતા રહેવું જેથી તે નીચે ચોંટી ન જાય.
5. ઘટ્ટ થવા દો: આ મિશ્રણને 3-4 મિનિટ સુધી ધીમી આંચ પર પકાવો જ્યાં સુધી દૂધ ઘટ્ટ ન થઈ જાય. ત્યારબાદ ગેસ બંધ કરી દો અને કસ્ટર્ડને સંપૂર્ણપણે ઠંડુ થવા દો.
6. ફળો ઉમેરો: કસ્ટર્ડ જ્યારે સામાન્ય તાપમાન પર આવી જાય, ત્યારે તેને એક મોટા બાઉલમાં કાઢી લો. હવે તેમાં તમારી પસંદગીના સમારેલા ફળો અને ડ્રાય ફ્રૂટ્સ ઉમેરો. (નોંધ: ફળો કસ્ટર્ડ ઠંડુ થયા પછી જ ઉમેરવા, ગરમમાં નહીં).

પીરસવાની રીત

તૈયાર થયેલા કસ્ટર્ડને 2-3 કલાક માટે ફ્રીજમાં ઠંડુ થવા મૂકી દો. હોળીના રમ્યા પછી જ્યારે મહેમાનો ઘરે આવે, ત્યારે આ ઠંડુ-ઠંડુ અને કલરફુલ ફ્રૂટ કસ્ટર્ડ સર્વ કરો. તે દેખાવમાં જેટલું આકર્ષક છે, ખાવામાં તેટલું જ ઠંડક આપનારું છે.