છોટાઉદેપુર જિલ્લાના ઇતિહાસમાં પ્રથમ વખત યોજાયેલી મેરેથોનમાં ૧૦ હજારથી વધુ દોડવીરોની ભાગીદારી સાથે રચાયો નવો ઈતિહાસ

જન વિરાસત, પ્રાકૃતિક સૌંદર્ય અને સ્થાનિક કલાને ઉજાગર કરતી છોટાઉદેપુર મેરેથોન બોડેલી ખાતે ભવ્ય રીતે સંપન્ન

છોટાઉદેપુર જિલ્લા વહીવટી તંત્ર દ્વારા જિલ્લાના ઇતિહાસમાં પ્રથમ વખત ‘છોટાઉદેપુર મેરેથોન’નું બોડેલી ખાતે ભવ્ય આયોજન કરવામાં આવ્યું હતું. જિલ્લાની પ્રાકૃતિક સુંદરતા અને સ્થાનિક કલા-વારસાને પ્રોત્સાહન આપવાના હેતુ સાથે યોજાયેલી આ દોડમાં ૧૦ હજારથી વધુ સ્પર્ધકોએ ભાગ લીધો હતો. આ પ્રસંગે સાંસદ શ્રી જશુભાઈ રાઠવા, ધારાસભ્ય શ્રી રાજેન્દ્રસિંહ રાઠવા અને કલેક્ટર શ્રી ગાર્ગી જૈન સહિતના મહાનુભાવોએ ઉપસ્થિત રહી દોડવીરોનું મનોબળ વધાર્યું હતું.

મેરેથોન વિજેતાઓની યાદી અને પુરસ્કાર

વિવિધ કેટેગરીમાં શ્રેષ્ઠ પ્રદર્શન કરનાર દોડવીરોને રોકડ પુરસ્કાર અને મોમેન્ટો આપી સન્માનિત કરાયા હતા:

વિશેષ આકર્ષણ: ભૂતપૂર્વ સૈનિકોની દોડ

આ મેરેથોનનું સૌથી ગૌરવશાળી પાસું ‘Ex-Army Run’ (૫ કિ.મી.) રહ્યું હતું, જેમાં દેશની રક્ષા કરનાર પૂર્વ સૈનિકોએ ભાગ લીધો હતો:

• પ્રથમ: રાઠવા રમલીયાભાઇ (₹૨૧,૦૦૦)

• દ્વિતીય: રાઠવા અનિલભાઈ (₹૧૧,૦૦૦)

• તૃતીય: રાઠવા દિનેશભાઈ (₹૫,૦૦૦)

વહીવટી તંત્રનું સુચારું આયોજન

કલેક્ટર શ્રી ગાર્ગી જૈન અને પોલીસ અધિક્ષક શ્રી ઇમ્તિયાઝ શેખના માર્ગદર્શન હેઠળ સુરક્ષા, ટ્રાફિક વ્યવસ્થા અને દોડવીરો માટેની પાયાની સુવિધાઓનું માઈક્રો પ્લાનિંગ કરવામાં આવ્યું હતું. છોટાઉદેપુરની આ મેરેથોને જિલ્લાને રમતગમત ક્ષેત્રે એક નવી ઓળખ આપી છે અને યુવાનોમાં ફિટનેસ પ્રત્યે જાગૃતિ ફેલાવી છે.