અર્શદીપ સિંહે રચ્યો ઈતિહાસ! એક જ ઝાટકે બુમરાહ અને બોલ્ટનો રેકોર્ડ તોડ્યો

અર્શદીપ સિંહનો ઐતિહાસિક પરાક્રમ: એકસાથે બુમરાહ અને ટ્રેન્ટ બોલ્ટના મોટા રેકોર્ડ્સ તોડી પાડ્યા

ભારતીય ટીમના યુવા અને પ્રતિભાશાળી ડાબા હાથના ફાસ્ટ બોલર અર્શદીપ સિંહે T20 વર્લ્ડ કપ 2026માં પોતાની ધારદાર બોલિંગથી તરખાટ મચાવ્યો છે. ઝિમ્બાબ્વે સામેની મહત્વની મેચમાં 3 વિકેટ ઝડપીને અર્શદીપે ન માત્ર ભારતની જીતમાં ફાળો આપ્યો, પરંતુ દિગ્ગજ બોલરો જસપ્રીત બુમરાહ અને ન્યુઝીલેન્ડના ટ્રેન્ટ બોલ્ટના વર્ષો જૂના રેકોર્ડ્સ પણ તોડી નાખ્યા છે.

ટ્રેન્ટ બોલ્ટને પાછળ છોડી બન્યો નંબર-1 લેફ્ટ આર્મ પેસર

અર્શદીપ સિંહે ઝિમ્બાબ્વે સામેની મેચમાં શાનદાર પ્રદર્શન કરતા 4 ઓવરમાં માત્ર 24 રન આપીને 3 મહત્વની વિકેટો (સિકંદર રઝા, રેયાન બર્લ અને ટોની મુનયોંગા) ઝડપી હતી. આ સાથે જ T20 વર્લ્ડ કપના ઈતિહાસમાં ડાબા હાથના ફાસ્ટ બોલર તરીકે સૌથી વધુ વિકેટ લેવાનો રેકોર્ડ હવે અર્શદીપના નામે થઈ ગયો છે. તેણે ન્યુઝીલેન્ડના ટ્રેન્ટ બોલ્ટની 34 વિકેટનો રેકોર્ડ તોડી નાખ્યો છે. અર્શદીપના નામે હવે વર્લ્ડ કપમાં કુલ 35 વિકેટ નોંધાઈ ચૂકી છે.

ભારત માટે T20 વર્લ્ડ કપમાં સૌથી સફળ બોલર

અર્શદીપ હવે ભારત તરફથી T20 વર્લ્ડ કપમાં સૌથી વધુ વિકેટ લેનાર બોલર બની ગયો છે. આ યાદીમાં તેણે જસપ્રીત બુમરાહ અને રવિચંદ્રન અશ્વિન જેવા દિગ્ગજોને પાછળ છોડી દીધા છે. ભારત માટે સૌથી વધુ વિકેટ લેનારા ટોચના બોલરો આ મુજબ છે:

પંડ્યા બ્રધર્સ વચ્ચે ઝઘડાની વાત માત્ર અફવા? કૃણાલ પંડ્યાએ હાર્દિક સાથેના સંબંધો પર તોડ્યું મૌન

ટીમ ઈન્ડિયાને મોટો આંચકો: ઈજાના કારણે વિરાટ કોહલી અફઘાનિસ્તાન વનડે શ્રેણીમાંથી બહાર!

અર્શદીપ સિંહ: 35 વિકેટ

જસપ્રીત બુમરાહ: 33 વિકેટ (23 મેચ)

આર. અશ્વિન: 32 વિકેટ (24 મેચ)

હાર્દિક પંડ્યા: 29 વિકેટ (30 મેચ)

શું શાકિબ અલ હસનનો વર્લ્ડ રેકોર્ડ જોખમમાં છે?

T20 વર્લ્ડ કપના ઈતિહાસમાં સૌથી વધુ વિકેટ લેવાનો સર્વકાલીન રેકોર્ડ બાંગ્લાદેશના શાકિબ અલ હસન (50 વિકેટ) ના નામે છે. ત્યારબાદ એડમ ઝમ્પા (44 વિકેટ) અને રાશિદ ખાન (43 વિકેટ) આવે છે. અર્શદીપ જે ઝડપે વિકેટો લઈ રહ્યો છે અને ભારત જે રીતે ટૂર્નામેન્ટમાં આગળ વધી રહ્યું છે, તે જોતા આગામી મેચોમાં તે આ યાદીમાં વધુ ઉપર પહોંચી શકે છે.

સૂર્યકુમાર યાદવના સુવર્ણ યુગનો અંત: વર્લ્ડ કપ જીતાડનાર કેપ્ટન કેમ ટીમમાંથી આઉટ થયો?

આઈપીએલ ફાઇનલમાં હાર બાદ શુભમન ગિલ ભાવુક: કહ્યું- ‘ટ્રોફીની આટલી નજીક આવીને હારવાનું મોટું દર્દ છે, નિરાશા ભારે પડી’

ઈડન ગાર્ડન્સમાં આગામી પડકાર

અર્શદીપ સિંહનું આગામી લક્ષ્ય હવે વેસ્ટ ઈન્ડિઝ સામેની મેચ હશે, જે કોલકાતાના ઐતિહાસિક ઈડન ગાર્ડન્સ સ્ટેડિયમમાં રમાશે. ભારતીય ચાહકોને આશા છે કે અર્શદીપ પોતાની આ ફોર્મ જાળવી રાખશે અને વેસ્ટ ઈન્ડિઝના પાવર-હિટર્સને વહેલા પેવેલિયન ભેગા કરીને ભારતને સેમીફાઈનલમાં પહોંચાડશે.