નવરાત્રીમાં ચમકી જશે કિસ્મત! જાણો 9 દિવસના 9 શુભ રંગો અને તેનું આધ્યાત્મિક મહત્વ

માં દુર્ગાની કૃપા મેળવવી છે? તો આ નવરાત્રીમાં દિવસ મુજબ પહેરો આ ખાસ રંગના કપડાં

હિન્દુ ધર્મમાં રંગોને લાગણીઓ અને ગ્રહો સાથે જોડીને જોવામાં આવે છે. ચૈત્ર નવરાત્રી દરમિયાન જ્યારે આપણે તિથિ અને દેવીના સ્વરૂપ અનુસાર વસ્ત્રો ધારણ કરીએ છીએ, ત્યારે આપણી પૂજામાં એકાગ્રતા વધે છે. ચાલો જાણીએ આવતીકાલ એટલે કે 19 માર્ચથી શરૂ થતા આ ઉત્સવના દરેક દિવસનો કલર કોડ.

પહેલો દિવસ: 19 માર્ચ – માં શૈલપુત્રી (શુભ રંગ: નારંગી)

નવરાત્રીની શરૂઆત માં શૈલપુત્રીની પૂજાથી થાય છે. આ દિવસ નવી શરૂઆત અને ઉત્સાહનો છે.

• નારંગી (Orange): આ રંગ ઉર્જા અને તેજનું પ્રતીક છે. નારંગી રંગના કપડાં પહેરવાથી મનમાં સકારાત્મક વિચારો આવે છે અને શરીરમાં સ્ફૂર્તિ રહે છે. કળશ સ્થાપનાના દિવસે નારંગી વસ્ત્રો પહેરવા ખૂબ જ શુભ માનવામાં આવે છે.

બીજો દિવસ: 20 માર્ચ – માં બ્રહ્મચારિણી (શુભ રંગ: સફેદ)

માં બ્રહ્મચારિણી તપસ્યા અને શાંતિની દેવી છે.

• સફેદ (White): સાદગી, પવિત્રતા અને શાંતિનો આ રંગ તમારા મનને શાંત રાખે છે. આ દિવસે સફેદ કપડાં પહેરીને પૂજા કરવાથી એકાગ્રતા વધે છે અને માનસિક તણાવ દૂર થાય છે.

ત્રીજો દિવસ: 21 માર્ચ – માં ચંદ્રઘંટા (શુભ રંગ: લાલ)

ત્રીજા દિવસે માતાના રૌદ્ર અને સાહસી સ્વરૂપની પૂજા કરવામાં આવે છે.

શું છે આ ‘પ્રેત-યાત્રા’? ગરુડ પુરાણમાં છુપાયેલું છે મૃત્યુ પછીનું સૌથી મોટું ગૂઢ રહસ્ય

મુશ્કેલ સમયમાં સંજીવની સમાન સાબિત થશે નીમ કરોલી બાબાના આ ૪ ઉપદેશો

• લાલ (Red): લાલ રંગ શક્તિ, સાહસ અને પ્રેમનું પ્રતીક છે. માં દુર્ગાને આ રંગ અત્યંત પ્રિય છે. તે ધારણ કરવાથી આત્મવિશ્વાસ (Confidence) માં વધારો થાય છે.

ચોથો દિવસ: 22 માર્ચ – માં કૂષ્માંડા (શુભ રંગ: રોયલ બ્લુ)

એવું માનવામાં આવે છે કે માં કૂષ્માંડાએ તેમના મંદ સ્મિતથી બ્રહ્માંડની રચના કરી હતી.

• રોયલ બ્લુ (Royal Blue): આ રંગ ગંભીરતા અને સ્થિરતા દર્શાવે છે. તેને પહેરીને પૂજા કરવાથી બુદ્ધિ તેજ થાય છે અને વ્યક્તિની નિર્ણય લેવાની ક્ષમતા વધે છે.

પાંચમો દિવસ: 23 માર્ચ – માં સ્કંદમાતા (શુભ રંગ: પીળો)

ભગવાન કાર્તિકેયના માતા હોવાને કારણે તેમને સ્કંદમાતા કહેવામાં આવે છે.

• પીળો (Yellow): પીળો રંગ ખુશી, જ્ઞાન અને શીખવાનું પ્રતીક છે. આ રંગ ઘરમાં સમૃદ્ધિ લાવે છે અને આપણી આસપાસના વાતાવરણને ખુશનુમા બનાવે છે.

છઠ્ઠો દિવસ: 24 માર્ચ – માં કાત્યાયની (શુભ રંગ: લીલો)

ઋષિ કાત્યાયનના પુત્રી માં કાત્યાયની પ્રકૃતિ અને વિકાસની દેવી છે.

• લીલો (Green): લીલો રંગ પ્રકૃતિ, તાજગી અને પ્રગતિનું પ્રતીક છે. આ રંગ જીવનમાં નવી આશાઓ જગાડે છે અને શાંતિ પ્રદાન કરે છે.

સાતમો દિવસ: 25 માર્ચ – માં કાલરાત્રિ (શુભ રંગ: ગ્રે/રાખેાડી)

માં કાલરાત્રિ અંધકારનો નાશ કરનારી દેવી છે.

• ગ્રે (Grey): ઘણા લોકો આ રંગને ઉદાસી માને છે, પરંતુ આધ્યાત્મિક રીતે ગ્રે રંગ સાહસ અને બુરાઈઓ સામે લડવાની મજબૂતીનું પ્રતીક છે. તે આત્મબળ વધારવામાં મદદ કરે છે.

આઠમો દિવસ: 26 માર્ચ – માં મહાગૌરી (શુભ રંગ: જાંબલી/પર્પલ)

અષ્ટમીના દિવસે માં મહાગૌરીની પૂજા કરવામાં આવે છે, જે અત્યંત સુંદર અને સૌમ્ય છે.

જીવનને બરબાદ થવાથી બચાવવા માટે આ ૫ પ્રસંગોએ ભૂલથી પણ મુખ ન ખોલતા, જાણો મૌનનો મહિમા

શું તમે પણ રેશમના કીડા જેવું જીવન જીવી રહ્યા છો? જાણી લો શ્રીકૃષ્ણની આ ચેતવણી

• જાંબલી (Purple): આ રંગ મહત્વકાંક્ષા અને આધ્યાત્મિક શાંતિનું મિશ્રણ છે. તેને પહેરવાથી જીવનમાં સંતુલન અને પ્રગતિના માર્ગો ખુલે છે.

નવમો દિવસ: 27 માર્ચ – માં સિદ્ધિદાત્રી (શુભ રંગ: મોરપીંછ લીલો/Peacock Green)

નવરાત્રીનો અંતિમ દિવસ સિદ્ધિઓ પ્રાપ્ત કરવાનો દિવસ છે.

• મોરપીંછ લીલો (Peacock Green): આ ઘેરો અને સુંદર રંગ ખુશહાલી અને આધ્યાત્મિક પરિપક્વતાનું પ્રતીક છે. આ રંગ પહેરવાથી પૂજાની પૂર્ણતાનો અહેસાસ થાય છે.

રંગોની પસંદગી કેમ જરૂરી છે? 

વાસ્તુ અને મનોવિજ્ઞાન મુજબ, રંગો આપણા મગજ પર અસર કરે છે:

1. શિસ્ત: જ્યારે આપણે નક્કી કરેલા રંગો મુજબ તૈયાર થઈએ છીએ, ત્યારે જીવનમાં એક પ્રકારની શિસ્ત આવે છે.

2. સામૂહિકતા: મંદિરો કે પંડાલમાં જ્યારે દરેક વ્યક્તિ એક જ રંગના કપડાં પહેરે છે, ત્યારે એકતા અને ભક્તિનું અદભૂત વાતાવરણ સર્જાય છે.

3. સકારાત્મકતા: તેજસ્વી રંગો આપણા ‘હેપ્પી હોર્મોન્સ’ વધારે છે, જેનાથી ઉપવાસ દરમિયાન પણ થાક લાગતો નથી.

ભક્તિ અને ઉલ્લાસનો સંગમ

નવરાત્રી માત્ર ઉપવાસ કરવાનું નામ નથી, પરંતુ તમારી જાતને અંદરથી શુદ્ધ કરવા અને દેવીની શક્તિ સાથે જોડાવાનો પર્વ છે. આ શુભ રંગો દ્વારા તમે તમારી ભક્તિને નવું રૂપ આપી શકો છો. તો આ વખતે શોપિંગ પર જાઓ કે કબાટ ખોલો, ત્યારે આ રંગોનું ખાસ ધ્યાન રાખજો.