ગૅસ કનેક્શન નથી? ચિંતા છોડો! જાણો Indane, HP અને ભારત ગૅસના ‘છોટુ’ સિલિન્ડર મેળવવાની સરળ રીત
વર્તમાન સમયમાં મધ્ય-પૂર્વમાં ચાલી રહેલા તણાવને કારણે દેશના ઘણા ભાગોમાં એલપીજી (LPG) સિલિન્ડરની અછત જોવા મળી રહી છે. ઘણા લોકોને બુકિંગ કરવા છતાં સિલિન્ડર મળતા નથી, જેના કારણે સામાન્ય લોકોની સાથે રેસ્ટોરન્ટ અને ઢાબાના સંચાલકો પણ મુશ્કેલીમાં મુકાયા છે. જો તમારી પાસે ગૅસ કનેક્શન નથી અથવા તમે તાત્કાલિક ધોરણે નાનું સિલિન્ડર મેળવવા માંગો છો, તો 5 કિલોનો ‘છોટુ’ સિલિન્ડર તમારા માટે શ્રેષ્ઠ વિકલ્પ છે. તેને લેવા માટે લાંબી પ્રક્રિયા કે વધારે દસ્તાવેજોની જરૂર પડતી નથી.
1. ઇન્ડેન ગૅસ (Indane Chhotu)
ઇન્ડેનનો ‘છોટુ’ સિલિન્ડર તમે કોઈપણ અધિકૃત ડિસ્ટ્રિબ્યુટર અથવા રિટેલ દુકાનો પરથી સરળતાથી ખરીદી શકો છો. આ સિલિન્ડરની સૌથી મોટી ખાસિયત એ છે કે તે મેળવવા માટે તમારે કોઈ પણ પ્રકારના રેસિડેન્સ પ્રૂફ (સરનામાના પુરાવા) આપવાની જરૂર નથી. જે લોકો નોકરી કે અભ્યાસ માટે બીજા શહેરમાં રહે છે અને જેમની પાસે કાયમી સરનામું નથી, તેમના માટે આ સુવિધા વરદાન સમાન છે.
2. એચપી ગૅસ (HP Gas Appu)
એચપી ગૅસના 5 કિલોના સિલિન્ડરને ‘અપ્પુ’ (Appu) નામથી ઓળખવામાં આવે છે. તમે તેને એચપી ગૅસ એજન્સી, પેટ્રોલ પંપ, કરિયાણાની દુકાન કે વાસણની દુકાન પરથી પણ ખરીદી શકો છો. ધ્યાનમાં રાખવાની વાત એ છે કે જ્યારે તમે પહેલીવાર આ કનેક્શન લો છો, ત્યારે તમારે સિલિન્ડર અને રેગ્યુલેટર બંનેની કિંમત ચૂકવવી પડશે. ત્યારબાદ, જ્યારે પણ ગૅસ ખતમ થાય ત્યારે તમારે માત્ર ગૅસ રિફિલિંગના જ પૈસા આપવાના રહેશે.
Need a gas connection that moves with you? Bharatgas Mini is ideal for students, young professionals and migrant workers who may not have a permanent address but still want reliable cooking fuel. Just walk into a Bharatgas distributor with your ID, pay a simple deposit and start… pic.twitter.com/bj8OBzjEwL
— Bharat Petroleum (@BPCLimited) April 2, 2026
3. ભારત ગૅસ મિની (Bharat Gas Mini)
ભારત ગૅસનો મિની સિલિન્ડર લેવા માટે તમારે નજીકના ભારત ગૅસ ડિસ્ટ્રિબ્યુટર પાસે જવું પડશે. અહીં તમારે માત્ર એક માન્ય ઓળખપત્ર (ID Proof) બતાવવાનું રહેશે. તમે તમારા ઓફિસનું આઈડી કાર્ડ અથવા કોલેજ આઈડીનો પણ ઉપયોગ કરી શકો છો. આ સિલિન્ડર માટે એક નાની ડિપોઝિટ રકમ જમા કરાવવાની હોય છે. જો તમે 5 વર્ષની અંદર આ કનેક્શન બંધ કરવા માંગતા હોવ, તો સિલિન્ડર પરત કરીને તમે ડિપોઝિટના અંદાજે 50% રકમ પાછી પણ મેળવી શકો છો.
Need a quick LPG solution without the wait?
Meet Chhotu — the handy 5 kg free trade LPG cylinder from Indane, available at Indane Gas Agencies near you. Compact, convenient, and easy to access, it is designed for moments when you need a dependable cooking companion without… pic.twitter.com/SjFqUqNDLO
— Indian Oil Corp Ltd (@IndianOilcl) March 30, 2026
આ નાનકડા સિલિન્ડર ન માત્ર વાપરવામાં સરળ છે, પરંતુ મુસાફરીમાં કે ઇમરજન્સીના સમયે પણ ખૂબ જ કામ આવે છે. જો તમને મોટા સિલિન્ડરના બુકિંગમાં મુશ્કેલી પડી રહી હોય, તો આ વિકલ્પ તમારા માટે સૌથી વધુ અનુકૂળ રહેશે.
