પરીક્ષાના દિવસે કયા દસ્તાવેજો સાથે રાખવા? NEET UG રી-એક્ઝામના હોલ ટિકિટ સાથે ગાઈડલાઈન પણ જાહેર
મેડિકલના ગ્રેજ્યુએટ કોર્સિસમાં એડમિશન માટે લેવાનારી દેશની સૌથી મોટી પ્રવેશ પરીક્ષા નીટ યુજી (NEET UG) ને લઈને નેશનલ ટેસ્ટિંગ એજન્સી (NTA) એ એક ખૂબ જ મહત્વપૂર્ણ અપડેટ જાહેર કર્યું છે. જે ઉમેદવારોએ નીટ યુજી પરીક્ષાની રી-એક્ઝામ (પુનઃ પરીક્ષા) માં હાજર રહેવાનું છે, તેમના માટે એડમિટ કાર્ડ (હોલ ટિકિટ) સત્તાવાર રીતે જાહેર કરી દેવામાં આવ્યા છે.
આ પરીક્ષા આ જ મહિને એટલે કે ૨૧ જૂન ૨૦૨૬ના રોજ યોજાવા જઈ રહી છે. તેવામાં ઉમેદવારો પાસે તૈયારી કરવા અને પરીક્ષા કેન્દ્રની વ્યવસ્થા કરવા માટે બહુ ઓછો સમય બચ્યો છે. નેશનલ ટેસ્ટિંગ એજન્સીએ તમામ લાયક વિદ્યાર્થીઓને સલાહ આપી છે કે તેઓ કોઈપણ વિલંબ વિના વહેલી તકે વેબસાઈટ પર જઈને પોતાનું એડમિટ કાર્ડ ડાઉનલોડ કરી લે અને તેમાં આપેલી તમામ વિગતો સારી રીતે ચકાસી લે. ચાલો જાણીએ કે તમે કઈ ડાયરેક્ટ લિંક અને કઈ સરળ રીતથી તમારું એડમિટ કાર્ડ મેળવી શકો છો.
ક્યાં અને કેવી રીતે મળશે એડમિટ કાર્ડ?
NEET UG રી-એક્ઝામ ૨૦૨૬ ની હોલ ટિકિટ નેશનલ ટેસ્ટિંગ એજન્સીની ઓફિશિયલ વેબસાઈટ પર લાઈવ કરી દેવામાં આવી છે. વિદ્યાર્થીઓ પોતાના લોગિન ક્રેડિન્શિયલ્સ (લોગિન વિગતો) નો ઉપયોગ કરીને તેને સરળતાથી ડાઉનલોડ કરી શકે છે. એડમિટ કાર્ડ ડાઉનલોડ કરવા માટેની સત્તાવાર વેબસાઈટની ડાયરેક્ટ લિંક નીચે મુજબ છે:
-
સત્તાવાર વેબસાઈટ લિંક: neet.nta.nic.in
NEET UG રી-એક્ઝામ એડમિટ કાર્ડ ડાઉનલોડ કરવાના સ્ટેપ્સ
ઇન્ટરનેટ પર કોઈપણ ફેક લિંક કે વેબસાઈટની છેતરપિંડીથી બચવા માટે, વિદ્યાર્થીઓ નીચે આપેલા સરળ અને સુરક્ષિત સ્ટેપ્સનું પાલન કરીને પોતાનું અસલી એડમિટ કાર્ડ ડાઉનલોડ કરી શકે છે:
-
સ્ટેપ ૧: સૌથી પહેલા ઉમેદવારે નેશનલ ટેસ્ટિંગ એજન્સીની સત્તાવાર વેબસાઈટ neet.nta.nic.in પર જવું.
-
સ્ટેપ ૨: વેબસાઈટનું હોમપેજ ખુલતા જ ત્યાં તમને ‘NEET UG Re-Exam 2026 Admit Card’ ની એક એક્ટિવ લિંક દેખાશે, તેના પર ક્લિક કરો.
-
સ્ટેપ ૩: લિંક પર ક્લિક કરતાની સાથે જ તમારી સામે એક નવું લોગિન પેજ ખુલશે.
-
સ્ટેપ ૪: આ પેજ પર માગેલી વિગતો જેવી કે— તમારો એપ્લિકેશન નંબર (Application Number), જન્મતારીખ (Date of Birth) અને સ્ક્રીન પર દેખાતો સિક્યોરિટી પિન (Security Pin) ધ્યાનપૂર્વક દાખલ કરો.
-
સ્ટેપ ૫: બધી વિગતો ભર્યા પછી ‘સબમિટ’ અથવા ‘લોગિન’ બટન પર ક્લિક કરો.
-
સ્ટેપ ૬: લોગિન થતાની સાથે જ તમારું નીટ યુજી રી-એક્ઝામનું એડમિટ કાર્ડ સ્ક્રીન પર આવી જશે.
-
સ્ટેપ ૭: એડમિટ કાર્ડમાં આપેલી તમામ માહિતી બરાબર વાંચી લો. ત્યારપછી તેને પીડીએફ (PDF) ફોર્મેટમાં ડાઉનલોડ કરો અને ભવિષ્ય માટે તેની એક સ્પષ્ટ પ્રિન્ટઆઉટ (હાર્ડ કોપી) જરૂર કઢાવી લો.
એડમિટ કાર્ડમાં કઈ-કઈ માહિતી હશે?
એડમિટ કાર્ડમાં કઈ-કઈ માહિતી હશે?નીટ યુજીનું એડમિટ કાર્ડ પરીક્ષાના દિવસે કેન્દ્ર પર લઈ જવાનું સૌથી મહત્વપૂર્ણ દસ્તાવેજ છે. આ હોલ ટિકિટમાં ઉમેદવાર અને પરીક્ષા સાથે જોડાયેલી ઘણી મહત્વની વિગતો નોંધાયેલી હોય છે, જેને તમારે પહેલાથી જ ચેક કરી લેવી જોઈએ:
-
ઉમેદવારની અંગત માહિતી: વિદ્યાર્થીનું નામ, રોલ નંબર, એપ્લિકેશન નંબર, ફોટો, સહી અને જન્મતારીખ.
-
પરીક્ષા કેન્દ્રની વિગત: એડમિટ કાર્ડમાં તમને ફાળવવામાં આવેલા પરીક્ષા કેન્દ્ર (Exam Centre) નું પૂરું નામ અને ચોક્કસ સરનામું આપેલું હોય છે, જેથી તમને ત્યાં પહોંચવામાં કોઈ તકલીફ ન પડે.
-
સમય પત્રક (Timing): તેમાં પરીક્ષાની તારીખ (૨૧ જૂન ૨૦૨૬) ની સાથે-સાથે પરીક્ષા કેન્દ્ર પર પહોંચવાનો રિપોર્ટિંગ ટાઈમ અને ગેટ બંધ થવાનો સમય સ્પષ્ટપણે લખેલો હોય છે.
-
મહત્વપૂર્ણ સૂચનાઓ: પરીક્ષાના દિવસે તમારે સાથે શું લઈને જવાનું છે અને શું નહીં (જેમ કે— ડ્રેસ કોડ, પ્રતિબંધિત વસ્તુઓ વગેરે), તેને લગતા તમામ નિયમો એડમિટ કાર્ડની નીચે લખેલા હોય છે. પરીક્ષાના દિવસે કોઈપણ પ્રકારની અસુવિધાથી બચવા માટે આ સૂચનાઓ ધ્યાનથી વાંચવી અને તેનું પાલન કરવું અનિવાર્ય છે.
નેશનલ ટેસ્ટિંગ એજન્સી (NTA) એ આ વખતે એડમિટ કાર્ડ ડાઉનલોડ કરવાની સાથે જ તમામ ઉમેદવારોને એક બીજી મહત્વની સલાહ આપી છે. એજન્સીએ જણાવ્યું છે કે વિદ્યાર્થીઓ એડમિટ કાર્ડ કાઢતા પહેલા કે પછી પોતાના એ બેંક એકાઉન્ટને એકવાર જરૂર વેરિફાય (તપાસ) કરી લે, જેનાથી તેમણે પરીક્ષા ફોર્મની ફી ભરી હતી. આવું એટલા માટે કહેવામાં આવ્યું છે કે જેથી જો આગળ જતાં કાઉન્સેલિંગ કે અન્ય કોઈ પ્રક્રિયા દરમિયાન કોઈ રિફંડ (ફી વાપસી) ની સ્થિતિ બને, તો પૈસા સીધા અને સુરક્ષિત રીતે વિદ્યાર્થીના ખાતામાં આવી શકે અને રિફંડ અટકવા જેવી કોઈ સમસ્યા ન થાય.
પરીક્ષાના દિવસે રાખો આ વાતોનું ધ્યાન
૨૧ જૂને યોજાનારી આ પરીક્ષા માટે વિદ્યાર્થીઓને સલાહ આપવામાં આવે છે કે તેઓ પોતાના એડમિટ કૉર્ડની પ્રિન્ટઆઉટ સાથે એક માન્ય સરકારી ફોટો આઈડી પ્રૂફ (જેમ કે પાન કાર્ડ, ડ્રાઈવિંગ લાઈસન્સ, વોટર આઈડી અથવા પાસપોર્ટ) અને પોતાનો પાસપોર્ટ સાઈઝ ફોટો પણ સાથે રાખે. પરીક્ષા કેન્દ્ર પર રિપોર્ટિંગ સમય કરતાં થોડા વહેલા જ પહોંચો, કારણ કે ગેટ બંધ થયા પછી કોઈપણ સંજોગોમાં એન્ટ્રી આપવામાં આવશે નહીં. તમામ પરીક્ષાર્થીઓને આ રી-એક્ઝામ માટે ખૂબ ખૂબ શુભેચ્છાઓ!
