IPO માર્કેટ – NSE સહિત 5 નવા IPO આવશે, 10 કંપનીઓ થશે લિસ્ટ! GMP માં કોણ છે વિનર?

ગ્રે માર્કેટમાં મોટો ઉલટફેર! NSE ને પછડાટ આપીને આ નાનો IPO બન્યો કમાણીનો વિનર

સપ્ટેમ્બર મહિનાનો ત્રીજો અઠવાડિયું ભારતીય શેરબજારના રોકાણકારો માટે ખૂબ જ ઉત્સાહજનક રહેવાનો છે. આ સપ્તાહ દરમિયાન IPO માર્કેટમાં ભારે હલચલ જોવા મળશે. પ્રાથમિક સબસ્ક્રિપ્શન માટે આશરે 5 નવા IPO ખુલવા જઈ રહ્યા છે, જ્યારે બીજી તરફ લગભગ 10 કંપનીઓ શેરબજારમાં પોતાની નવી ઇનિંગ શરૂ કરીને લિસ્ટ થવા જઈ રહી છે.

14 સપ્ટેમ્બરના રોજ ગણેશ ચતુર્થીના તહેવારને કારણે BSE અને NSE બંને મુખ્ય એક્સચેન્જ બંધ રહ્યા હતા. આથી, IPO સંબંધિત તમામ પ્રવૃત્તિઓ મંગળવાર, 15 સપ્ટેમ્બરથી ફરીથી ધમધમતી થશે.

આ અઠવાડિયાનું મુખ્ય આકર્ષણ: NSE નો મેગા IPO

આ અઠવાડિયે બહાર પડી રહેલા તમામ IPOમાં સૌથી વધુ ચર્ચા અને આકર્ષણ ‘નેશનલ સ્ટોક એક્સચેન્જ’ (NSE) ના IPO નું છે.

શેરબજારમાં IPOનો વરસાદ: મેઇનબોર્ડ અને SME સેગમેન્ટની આ કંપનીઓમાં પૈસા રોકવાની તક

નબળા બજાર વચ્ચે પણ NSE ના શેરધારકો માટે સુવર્ણ અવસર: IPO દ્વારા અબજોપતિઓ અને રોકાણકારો કરશે કરોડોની કમાણી

• સબસ્ક્રિપ્શન તારીખ: NSE IPO 17 સપ્ટેમ્બરે રોકાણકારો માટે ખુલશે અને 21 સપ્ટેમ્બરના રોજ બંધ થશે. એન્કર રોકાણકારો માટે બિડિંગ 16 સપ્ટેમ્બરે જ યોજાશે.

• પ્રાઈસ બેન્ડ: કંપનીએ તેના શેર માટે ₹1,700 થી ₹1,785 પ્રતિ શેરની પ્રાઈસ બેન્ડ નક્કી કરી છે.

• ઇશ્યૂ સાઈઝ: આ મેગા IPO દ્વારા એક્સચેન્જ ₹21,494 કરોડથી લઈને ₹22,569 કરોડ સુધીનું ભંડોળ એકઠું કરવાનો અંદાજ ધરાવે છે.

NSE IPO: ઓફર ફોર સેલ (OFS) ના રૂપમાં આવશે

NSE નો આ IPO સંપૂર્ણપણે ઓફર ફોર સેલ (OFS) રહેશે, જેમાં કંપનીના હયાત શેરધારકો પોતાના 12.64 કરોડ ઇક્વિટી શેર્સ વેચશે.

અગાઉ ડ્રાફ્ટ પેપર્સ (DRHP) માં 14.9 કરોડ શેર્સ વેચવાની દરખાસ્ત હતી, જે બાદમાં ઘટાડીને 12.64 કરોડ કરવામાં આવી છે. તેનો અર્થ એ થયો કે કંપનીએ તેના મૂળ ઓફર સાઈઝમાં આશરે 15 ટકાનો ઘટાડો કર્યો છે.

SS Retail નો IPO પણ લાઈનમાં

રિટેલ સેક્ટરની જાણીતી કંપની SS Retail નો IPO 16 સપ્ટેમ્બરે ખુલશે અને 18 સપ્ટેમ્બરે બંધ થશે.

• પ્રાઈસ બેન્ડ: ₹403 થી ₹424 પ્રતિ શેર.

• એન્કર બુક: 15 સપ્ટેમ્બરે ખુલશે.

• ફંડ રેઝિંગ: કંપની ફ્રેશ ઈશ્યૂ દ્વારા ₹360 કરોડ અને OFS દ્વારા ₹140 કરોડ એકત્રિત કરશે, એટલે કે કુલ ઈશ્યૂ સાઈઝ ₹500 કરોડની રહેશે.

Jindal Supreme અને Hero Motors પર પણ નજર

16 થી 18 સપ્ટેમ્બર દરમિયાન અન્ય બે મહત્વના IPO પણ માર્કેટમાં પ્રવેશી રહ્યા છે:

1. Jindal Supreme (India) Ltd: પ્લાસ્ટિક પાઇપિંગ સોલ્યુશન્સ અને સંબંધિત પ્રોડક્ટ્સ બનાવતી આ કંપનીનો IPO 16 સપ્ટેમ્બરે ખુલશે. તેની પ્રાઈસ બેન્ડ ₹88 થી ₹93 રાખવામાં આવી છે અને ઈશ્યૂ સાઈઝ ₹125 કરોડ છે.

2. Hero Motors Ltd: ઓટો પાર્ટ્સ ઉત્પાદક હિરો મોટર્સનો ₹1,000 કરોડનો IPO પણ 16 સપ્ટેમ્બરે આવશે. જેની પ્રાઈસ બેન્ડ ₹79 થી ₹84 છે. આમાં ₹600 કરોડનો ફ્રેશ ઈશ્યૂ અને ₹400 કરોડનો OFS સમાવિષ્ટ છે.

NSE IPO: દેશના સૌથી મોટા સ્ટોક એક્સચેન્જના IPOનું પ્રાઇસ બેન્ડ જાહેર, જાણો વિગતો

નબળા બજાર વચ્ચે ONGC ના શેરમાં 2% થી વધુનો ઉછાળો, જાણો રોકાણકારો માટે શું છે સલાહ

Grey Market Premium (GMP): ટકાવારીની રેસમાં કોણ આગળ?

ગ્રે માર્કેટ પ્રીમિયમ (GMP) ના આધારે રોકાણકારો લિસ્ટિંગ ગેઇનનો અંદાજ લગાવતા હોય છે. સપ્ટેમ્બરના આ અઠવાડિયે આવનારા મુખ્ય 4 IPO ના GMP આંકડા ખૂબ જ રસપ્રદ છે:

Jindal Supreme બન્યું ટકાવારીની દ્રષ્ટિએ GMP વિનર

જો રોકાણના વળતરની ટકાવારી (Percentage Return) ની દ્રષ્ટિએ જોઈએ તો Jindal Supreme IPO 29.03% ના અંદાજિત લિસ્ટિંગ ગેઇન સાથે સૌથી આગળ છે અને વિનર તરીકે ઉભરી આવ્યો છે. ત્યારબાદ હીરો મોટર્સ (28.57%) અને SS Retail (28.30%) નજીકની સ્પર્ધામાં છે.

બીજી બાજુ, રૂિપયાના હિસાબે NSE IPO નો ₹210 નો GMP ચારેયમાં સૌથી વધુ છે, પરંતુ તેની પ્રાઈસ બેન્ડ (₹1,785) મોટી હોવાને કારણે ટકાવારીની દ્રષ્ટિએ સંભવિત લિસ્ટિંગ ગેઇન 11.76% જેટલો જ દેખાઈ રહ્યો છે. છેલ્લા 11 ટ્રેડિંગ સેશનમાં NSE નો GMP ₹192 થી ₹310 ની વચ્ચે રહ્યો છે.