૨ ઓક્ટોબરના પ્રદર્શન પર વિવાદ: દાદરના રહેવાસીઓએ કહ્યું કે શિવાજી પાર્ક રાજકીય દેખાવો માટે નથી
મુંબઈના પ્રખ્યાત દાદર વિસ્તારમાં આવેલા શિવાજી પાર્ક ખાતે આગામી ૨ ઓક્ટોબરના રોજ યોજાનારું એક પ્રદર્શન વિવાદોમાં ઘેરાયું છે. ‘કોકરોચ જનતા પાર્ટી’ (CJP) દ્વારા ચીફ ઇલેક્શન કમિશનર જ્ઞાનેશ કુમાર વિરુદ્ધ શિવાજી પાર્ક ખાતે વિરોધ પ્રદર્શન યોજવાની જાહેરાત કરવામાં આવી હતી, જેને લઈને સ્થાનિક રહેવાસીઓ હવે મેદાને આવ્યા છે. રહેવાસીઓનું સ્પષ્ટ માનવું છે કે આ પ્રકારના મોટા મેળાવડા અને પ્રદર્શનોથી રોજિંદુ જીવન અસ્તવ્યસ્ત થાય છે, બાળકોના રમવાના મેદાન પર અસર પડે છે અને આસપાસની હોસ્પિટલો તથા કટોકટીની સેવાઓને ભારે મુશ્કેલીઓનો સામનો કરવો પડે છે.
આ વિરોધ એવા સમયે સામે આવ્યો છે જ્યારે મુંબઈ પોલીસે આ પ્રદર્શન માટે મંજૂરી આપવાનો સ્પષ્ટ ઇનકાર કરી દીધો છે. સ્થાનિક લોકો પણ આ નિર્ણયના સમર્થનમાં છે અને તેઓ કોઈપણ ભઓગે શિવાજી પાર્કમાં આવા પ્રદર્શનો યોજવા દેવા માગતા નથી.
BRAVO, MUMBAIKARS! 🔥
First, Mumbai Police said NO. Now, even Shivaji Park residents are pushing back DIMAAGI NAXAL CJP!
And honestly, why wouldn’t they?
They know exactly what kind of political nautanki is being planned for 2nd October, and they don’t want their neighbourhood turned into a stage for someone else’s spectacle.
Shivaji Park is not your political playground Mr Dipke. Mumbai is not your personal theatre.
The message from Mumbaikars is crystal clear:
Enough of the drama. Enough of the disruption. Enough of the political circus.
Mumbai has spoken. Listen.
जय महाराष्ट्र! 🚩🙏
— Aalok Pradhan (@Aalok_Pradhan) September 29, 2026
સ્થાનિક રહેવાસીઓની ચિંતા: “આ બાળકોનું રમવાનું મેદાન છે”
સોશિયલ મીડિયા પર વાયરલ થઈ રહેલા એક વીડિયોમાં દાદરના રહેવાસીઓ રોષે ભરાયેલા નજરે પડે છે. એક સ્થાનિક રહેવાસીએ વીડિયોમાં સ્પષ્ટ શબ્દોમાં જણાવ્યું હતું કે, “તમારે જ્યાં પણ પ્રદર્શન કરવું હોય ત્યાં કરો, પરંતુ શિવાજી પાર્ક ખાતે નહીં. આ બાળકોનું મેદાન છે અને આવા વિરોધ પ્રદર્શનોની તેમની ઉપર વિપરીત અસર પડી શકે છે.”
અન્ય એક રહેવાસીએ મેદાનની આસપાસ આવેલી શાળાઓ અને હોસ્પિટલોનો ઉલ્લેખ કરતા જણાવ્યું કે આ વિસ્તાર શાંતિ ઝોન (Silence Zone) જેવો છે. તેમણે સૂચન કર્યું કે પ્રદર્શન માટે મુંબઈમાં ‘આઝાદ મેદાન’ જેવું એક નિયુક્ત સ્થળ પહેલેથી જ નક્કી કરવામાં આવ્યું છે, અને રાજકીય પક્ષો કે સંગઠનોએ તેમના વિરોધ પ્રદર્શનો ત્યાં જ યોજવા જોઈએ. રહેવાસીઓનું એમ પણ માનવું છે કે શિવાજી પાર્કનો ઉપયોગ માત્ર સાંસ્કૃતિક પ્રવૃત્તિઓ અને રમતો માટે થવો જોઈએ, રાજકીય દેખાવો માટે નહીં.
અગાઉના કડવા અનુભવો અને પોલીસ દ્વારા મંજૂરી નકારવાના કારણો
સ્થાનિક રહેવાસીઓનો ગુસ્સો એટલો હદ સુધી વધી ગયો છે કે કેટલાક લોકોએ ચેતવણી આપી છે કે જો અહીં પ્રદર્શનો યોજાશે તો તેઓ તેનો શારીરિક કે ઉગ્ર વિરોધ પણ કરશે. અગાઉના દેખાવોને યાદ કરતા એક નાગરિકે જણાવ્યું કે ભૂતકાળમાં થયેલા મેળાવડાને કારણે ટ્રાફિકની ગંભીર સમસ્યા સર્જાતી હતી, જેના કારણે એમ્બ્યુલન્સ જેવા વાહનોને પણ રસ્તો મળવો મુશ્કેલ બનતો હતો. તેમણે એ વાત પર પણ નારાજગી વ્યક્ત કરી કે વિસ્તારમાં કોઈપણ મોટો કાર્યક્રમ યોજતા પહેલા સ્થાનિક રહેવાસીઓ સાથે કોઈ ચર્ચા કરવામાં આવતી નથી.
બીજી તરફ, મુંબઈ પોલીસે આ મામલે કડક વલણ અપનાવતા CJP ની ૨ ઓક્ટોબરની રેલી કે પ્રદર્શનની અરજી ફગાવી દીધી છે. પોલીસે આ નિર્ણય લેતી વખતે વર્ષ ૨૦૧૩ના બોમ્બે હાઈકોર્ટના આદેશ અને મહારાષ્ટ્ર સરકારના ઠરાવનો હવાલો આપ્યો છે. આ ઉપરાંત, આયોજકો દ્વારા મુંબઈ મહાનગરપાલિકા (BMC) ની જરૂરી પરવાનગી પણ લેવામાં આવી નહોતી. પોલીસ અને વહીવટી તંત્રએ સ્પષ્ટ કર્યું છે કે આસપાસની હોસ્પિટલોના દર્દીઓને અસુવિધા ન થાય તેમજ ટ્રાફિક અને અવાજના પ્રદૂષણને નિયંત્રિત રાખવા માટે આ પગલું જરૂરી હતું.
