ઘરે બેઠા ભરો SIR ફોર્મ અને BLO અપલોડ સ્ટેટસ કરો ચેક: આ રહી ઓનલાઈન સંપૂર્ણ પ્રોસેસ
સ્પેશિયલ ઇન્ટેન્સિવ રિવિઝન (SIR) યુપી, આસામ અને પશ્ચિમ બંગાળ સહિત અનેક રાજ્યોમાં ચાલી રહ્યું છે. જો તમને BLO તરફથી SIR ફોર્મ મળ્યું નથી, તો તમારે કોઈની પાસે જવાની જરૂર નથી. જો તમે ઈચ્છો તો ફોર્મને ઓનલાઈન પણ ભરી શકો છો. SIR ફોર્મ ઓફલાઈન પણ ભરીને BLO પાસે જમા કરાવી શકાય છે. તમારું વોટર કાર્ડ એટલે કે EPIC નંબર BLO દ્વારા ઓનલાઈન અપલોડ કરવામાં આવ્યો છે કે નહીં, તે પણ તમે ઘરે બેઠા ચેક કરી શકો છો.
EPIC નંબર શું છે?
SIR ગણતરી (Enumeration) ફોર્મ ઓનલાઈન જમા કરવા માટે ચૂંટણી પંચે EPIC અને મોબાઈલ નંબરને લિંક કરવો જરૂરી કરી દીધો છે. EPIC (Voter ID Card) એ ચૂંટણી પંચ (EC) દ્વારા જારી કરાયેલો ૧૦-ડિજિટનો યુનિક આઇડેન્ટિફિકેશન નંબર છે. બધા મતદારોએ ગણતરી ફોર્મ ભરીને BLO પાસે અથવા ઓનલાઈન જમા કરાવવું પડશે.
SIR ફોર્મ ઓનલાઈન કેવી રીતે ભરવું?
૧. સૌથી પહેલા તમે voters.eci.gov.in પર જાઓ.
૨. “Fill Enumeration Form” પર ક્લિક કરો.
૩. તમારો મોબાઈલ/EPIC નંબર દાખલ કરો.
૪. તમારું રાજ્ય પસંદ કરો અને EPIC નંબર દાખલ કરો.
૫. તમારો મતદાર ડેટા દેખાશે, તેને ચેક કરો.
૬. EPICને મોબાઈલ નંબર સાથે લિંક કરો: ગણતરી ફોર્મ ભરતા પહેલા EPIC ને તમારા મોબાઈલ નંબર સાથે લિંક કરવું પડશે. જો તે પહેલાથી લિંક નથી, તો તેને ફોર્મ-૮ જમા કરીને તરત જ કરી શકાય છે. (EPIC સાથે મોબાઈલ નંબર લિંક કરવા માટે “Correction of Entries in Existing Electoral Roll” પર ક્લિક કરો, પછી ફોર્મ-૮ ની અંદર માત્ર “Mobile Number” વિકલ્પ પર ક્લિક કરો).
૭. EPIC મોબાઈલ નંબર સાથે લિંક થયા પછી અરજદારને ફરીથી લોગ ઇન કરવું પડશે.
૮. SIR ફોર્મ ભરો, જેમાં છેલ્લી SIR ની માહિતી હોય.
૯. આધાર-આધારિત ઇ-સાઇન (Aadhaar-Based e-Sign) દ્વારા ફોર્મ સબમિટ કરો. (ઇ-સાઇન અને ગણતરી ફોર્મ જમા કરવા માટે EPIC અને આધાર ડેટા મુજબ હાલના નામનું મેચિંગ થવું જરૂરી છે.)
તમારું SIR ફોર્મ અપલોડ થયું છે કે નહીં, તે કેવી રીતે તપાસવું?
એકવાર તમે તમારું ગણતરી ફોર્મ તમારા બૂથ લેવલ ઓફિસર (BLO) ને જમા કરાવી દો અથવા ઓનલાઈન ભરી દો, તો તમે ચકાસી શકો છો કે તે ઇલેક્શન કમિશનના પોર્ટલ પર અપલોડ થયું છે કે નહીં:
૧. તમારું બ્રાઉઝર ખોલો અને voters.eci.gov.in પર જાઓ.
૨. હોમપેજ પર ‘Fill Enumeration Form’ પર ક્લિક કરો. આ તમને લોગિન અથવા સાઇનઅપ પેજ પર લઈ જશે.
૩. જો તમે પહેલીવાર આવ્યા છો તો Sign Up પર ક્લિક કરો. રજિસ્ટ્રેશન પૂર્ણ કરવા માટે તમારો મોબાઈલ નંબર, વૈકલ્પિક ઈમેલ ID અને કેપ્ચા દાખલ કરો.
૪. Login પર ક્લિક કરો, તમારો મોબાઈલ નંબર અને કેપ્ચા દાખલ કરો અને પછી ‘Request OTP’ પસંદ કરો. લોગ ઇન કરવા માટે OTP દાખલ કરો.
૫. લોગ ઇન કર્યા પછી તમારું નામ સૌથી ઉપર દેખાશે. ફરીથી ‘Fill Enumeration Form’ પર ક્લિક કરો.
૬. આપેલા બોક્સમાં તમારો EPIC (વૉટર ID) નંબર ટાઇપ કરો. ત્યારબાદ Search પર ક્લિક કરો. તમારા ફોર્મનું સ્ટેટસ તરત જ દેખાઈ જશે.
૭. જો તમારું ફોર્મ અપલોડ થઈ ગયું હશે, તો તમને એક મેસેજ દેખાશે, જેમાં લખ્યું હશે કે તમારું ફોર્મ મોબાઈલ નંબર XXXXX સાથે પહેલાથી જ સબમિટ થઈ ચૂક્યું છે.
૮. જો તમારું ફોર્મ અપલોડ થયું નહીં હોય, તો તમને ઉપરનો મેસેજ દેખાશે નહીં. તેના બદલે એક નવું ફોર્મ ભરવાનું પેજ ખુલી શકે છે.
મહત્વપૂર્ણ નોંધ: જો બતાવેલો મોબાઈલ નંબર ખોટો હોય, અથવા તમે ફોર્મ સબમિટ ન કર્યું હોય છતાં સ્ટેટસમાં ‘submitted’ લખેલું હોય, તો તરત જ તમારા સ્થાનિક BLO નો સંપર્ક કરો.
