PAN-આધાર લિંક કરવાની છેલ્લી તારીખ 31 ડિસેમ્બર 2025: ઘરે બેઠા મિનિટોમાં કરો આ જરૂરી કામ

આધાર-PAN લિંકિંગ માટે છેલ્લો મોકો 31 ડિસેમ્બર 2025, તરત કરો આ કામ

જો તમે હજી સુધી તમારા પાન કાર્ડ (PAN Card) ને આધાર કાર્ડ (Aadhaar Card) સાથે લિંક નથી કરાવ્યું, તો તમારે આ કામ તાત્કાલિક કરી લેવું જોઈએ. કેન્દ્ર સરકારે PAN-આધાર લિંકિંગની અંતિમ સમય મર્યાદા 31 ડિસેમ્બર 2025 સુધીની જ રાખી છે. આ એક અનિવાર્ય પ્રક્રિયા છે જેને પૂર્ણ કરવી તમામ PAN કાર્ડ ધારકો માટે અત્યંત જરૂરી છે.

સૌથી સારી વાત એ છે કે આ કામ માટે તમારે આધાર કેન્દ્ર કે કોઈ સરકારી ઑફિસના ધક્કા ખાવાની જરૂર નથી. તમે કેટલાક સરળ ઓનલાઈન સ્ટેપ્સ ફોલો કરીને ઘરે બેઠા જ તમારા આધાર કાર્ડને PAN કાર્ડ સાથે લિંક કરી શકો છો.

ડેડલાઈન ચૂકશો તો શું થશે?

આવકવેરા વિભાગ (Income Tax Department) દ્વારા આપવામાં આવેલી 31 ડિસેમ્બર 2025ની સમય મર્યાદા પહેલા જો કોઈ PAN કાર્ડ ધારકે પોતાના PAN કાર્ડને આધાર કાર્ડ સાથે લિંક નહીં કરાવ્યો, તો 1 જાન્યુઆરી 2026 થી તેમનો PAN કાર્ડ નિષ્ક્રિય (Deactivate) થઈ જશે.

PAN કાર્ડ નિષ્ક્રિય થવાના ગંભીર પરિણામો:

AC ચાલુ છતાં રૂમ ગરમ કેમ રહે છે? ગેસ લીક થવાનું અસલી કારણ અને તેનો સૌથી સસ્તો ઉપાય!

પ્રાઈવસીની ચિંતા વગર ઓનલાઈન ફ્રોડથી બચાવશે WhatsApp, જાણો આ નવું ફીચર કેવી રીતે કરશે કામ

• તમે ઇન્કમ ટેક્સ રિટર્ન (ITR) ફાઇલ નહીં કરી શકો.

• તમને કોઈ ટેક્સ રિફંડ મળી શકશે નહીં.

• જો તમે SIP (સિસ્ટમેટિક ઇન્વેસ્ટમેન્ટ પ્લાન) અથવા શેરબજારમાં રોકાણ કરો છો, તો તમને નાણાકીય વ્યવહારો માં પણ મોટી પરેશાનીનો સામનો કરવો પડી શકે છે.

• બેંકો અને અન્ય નાણાકીય સંસ્થાઓમાં ₹50,000 થી વધુના વ્યવહારો અટકી શકે છે.

તેથી, તમારો PAN કાર્ડ સક્રિય રહે તે સુનિશ્ચિત કરવું જરૂરી છે, અને તેના માટે આધાર સાથે લિંક કરવું અનિવાર્ય છે.

ઓનલાઈન આધાર-PAN કાર્ડ લિંક કરવાની સરળ પ્રક્રિયા

આધારને PAN કાર્ડ સાથે લિંક કરવા માટે, તમારું આધાર કાર્ડ, PAN કાર્ડ નજીક રાખો અને ખાતરી કરો કે તમારા આધારમાં આપેલો મોબાઇલ નંબર એક્ટિવ હોય.

PAN કાર્ડને આધાર સાથે લિંક કરવા માટે આ સરળ સ્ટેપ્સ ફોલો કરો:

1. વેબસાઇટ પર જાઓ: સૌથી પહેલા ઇન્કમ ટેક્સ ડિપાર્ટમેન્ટની અધિકૃત વેબસાઇટ https://www.incometax.gov.in/iec/foportal/ પર જાઓ.

2. લિંક આધાર પર ક્લિક કરો: હોમ પેજ પર, તમને ‘લિંક આધાર’ (Link Aadhaar) નો વિકલ્પ દેખાશે, તેના પર ક્લિક કરો.

3. વિગતો દાખલ કરો: આગળના પેજ પર તમારે તમારો PAN નંબર, આધાર નંબર અને મોબાઇલ નંબર દાખલ કરવો પડશે.

4. OTP થી ચકાસણી કરો: તમારા દ્વારા આપેલા મોબાઇલ નંબર પર એક ઓટીપી (OTP) આવશે. તે OTP દાખલ કરો અને ‘વેરીફાય’ (Verify) પર ક્લિક કરો.

5. સફળતાપૂર્વક લિંક: વેરીફિકેશન થતાં જ, તમારો આધાર PAN કાર્ડ સાથે લિંક થવાની પ્રક્રિયા પૂર્ણ થઈ જશે.

PAN ડીએક્ટિવ હોય તો શું કરવું?

જો તમારો PAN કાર્ડ પહેલાથી જ નિષ્ક્રિય (Deactivate) બતાવી રહ્યો હોય, તો તેને ફરીથી સક્રિય કરાવવા માટે તમારે ₹1000 નો ચાર્જ ભરવો પડશે. ચાર્જ જમા કરાવ્યા પછી તમે ‘Quick Links’ હેઠળ ‘Link Aadhaar Status’ માં જઈને તમારા PAN ના સક્રિય થવાનું સ્ટેટસ ચેક કરી શકો છો.

લિંક કરતા પહેલા આ બાબતો ચકાસી લો

ખાતરી કરો કે લિંકિંગ પ્રક્રિયા શરૂ કરતાં પહેલાં તમારા આધાર કાર્ડ અને PAN કાર્ડમાં આપેલી માહિતી એકબીજા સાથે મેળ ખાતી હોય (Match).

Ads-Free YouTubeથી લઈને OTT સુધી, Jioના આ બે પ્લાન્સમાં મળી રહ્યા છે અઢળક ફાયદા!

જીમેઈલ કેમ જરૂરી ઈમેઈલ પણ સ્પામમાં મોકલી રહ્યું છે? આ રહ્યું સમસ્યાનું કાયમી સોલ્યુશન

• નામ (Name)

• જન્મ તારીખ (Date of Birth)

• સરનામું (Address)

• મોબાઇલ નંબર

જો બંને દસ્તાવેજોમાં માહિતી અલગ-અલગ હોય, તો તમારે પહેલા કોઈ એક દસ્તાવેજમાં (સામાન્ય રીતે આધાર અથવા PAN માં) સુધારો કરાવવો પડશે, ત્યારબાદ જ તમે તેને સફળતાપૂર્વક લિંક કરી શકશો.

શા માટે જરૂરી છે આધાર-PAN લિંકિંગ?

કેન્દ્રીય પ્રત્યક્ષ કર બોર્ડ (CBDT) એ ટેક્સ ફાઇલિંગ અને નાણાકીય વ્યવહારોમાં જવાબદારી (Accountability) ને પ્રોત્સાહન આપવા માટે આધારથી PAN કાર્ડને લિંક કરવું ફરજિયાત કર્યું છે. ITR ફાઇલ કરવા માટે પણ આ એક કાનૂની જરૂરિયાત છે.

તમામ કાર્ડ ધારકો, જેમણે 1 ઓક્ટોબર 2025 અથવા તે પહેલાં PAN કાર્ડ મેળવ્યું છે, તેમણે 31 ડિસેમ્બર 2025 સુધીમાં પોતાના PAN ને આધાર સાથે લિંક કરવું જરૂરી છે.