મહુવા માર્કેટિંગ યાર્ડમાં મગફળીની આવક શરૂ, ખેડૂતોને મળ્યા મિશ્ર ભાવ

ડુંગળી અને મગફળીના ભાવમાં વધારો, ખેડૂતોને થોડી રાહત

ભાવનગર જિલ્લાના મહુવા માર્કેટિંગ યાર્ડમાં મગફળીની આવક શરૂ થતાં ખેડૂતો અને વેપારીઓમાં ચહલપહલ જોવા મળી રહી છે. આજે યાર્ડમાં કુલ 2,855 ગુણી મગફળીનું વેચાણ થયું હતું. મગફળી 32ના ભાવ રૂ. 1,128થી રૂ. 1,301 સુધી નોંધાયા હતા. જ્યારે મગફળી 39ના ભાવ રૂ. 1,051થી રૂ. 1,294 સુધી રહ્યા હતા. વિવિધ જાતોની આવકને કારણે બજારમાં ભાવોમાં તફાવત જોવા મળ્યો હતો.

ગિરનાર અને જી-20 મગફળીના ભાવ પણ મજબૂત

આજે મગફળી ગિરનારના ભાવ રૂ. 1,144થી રૂ. 1,310 સુધી રહ્યા હતા, જે ખેડૂતો માટે રાહતરૂપ સાબિત થયા છે. મગફળી જી-20ના ભાવ પણ રૂ. 1,051થી રૂ. 1,294 સુધી નોંધાયા હતા. સારી ગુણવત્તાની આવકને કારણે વેપારીઓ તરફથી ખરીદીમાં રસ જોવા મળ્યો હતો. આવનારા દિવસોમાં આવક વધતાં ભાવોમાં ઉતાર-ચઢાવની શક્યતા છે.

લાલ અને સફેદ ડુંગળીમાં તેજી, મોટા પ્રમાણમાં વેચાણ

મહુવા માર્કેટિંગ યાર્ડમાં છેલ્લા ઘણા સમયથી લાલ અને સફેદ ડુંગળીની સતત આવક થઈ રહી છે. આજે લાલ ડુંગળીના ભાવ રૂ. 85થી રૂ. 464 સુધી રહ્યા હતા. ગઈકાલની સરખામણીએ લાલ ડુંગળીના ભાવમાં રૂ. 86નો વધારો નોંધાયો છે. કુલ 26,263 કટ્ટા લાલ ડુંગળીનું વેચાણ થતાં બજારમાં રકમની આવક સારી રહી.

સફેદ ડુંગળી અને બિયારણના ભાવમાં વધારો

આજે સફેદ ડુંગળીના ભાવ રૂ. 150થી રૂ. 287 સુધી રહ્યા હતા. ગઈકાલની સરખામણીએ તેમાં રૂ. 18નો સામાન્ય વધારો નોંધાયો છે. સફેદ ડુંગળીના બિયારણના ભાવ રૂ. 287થી રૂ. 563 સુધી પહોંચ્યા હતા. બિયારણના ભાવમાં રૂ. 63નો વધારો થતાં 8,451 કટ્ટાનું વેચાણ નોંધાયું હતું.

ભાવનગરમાં કેન્દ્રીય ઉડ્ડયન મંત્રી કે. રામમોહન નાયડુનો ભવ્ય અભિવાદન સમારોહ

કે. રામમોહન નાયડુના હસ્તે ભાવનગર-નવી મુંબઈ સીધી ફ્લાઇટ સેવાનો શુભારંભ

ઘઉં, બાજરી અને તલના ભાવમાં ઉતાર-ચઢાવ

મહુવા માર્કેટિંગ યાર્ડ ખાતે ઘઉંની આવક પણ શરૂ થઈ ગઈ છે. આજે 208 કટ્ટા ઘઉં ટુકડાનું વેચાણ થયું હતું, જેમાં એક મણના ભાવ રૂ. 490થી રૂ. 619 રહ્યા હતા. ગઈકાલની સરખામણીએ ઘઉંના ભાવમાં રૂ. 5નો ઘટાડો નોંધાયો હતો. આ સાથે 107 કટ્ટા બાજરીની આવક થઈ હતી, જેના ભાવ રૂ. 371થી રૂ. 640 સુધી રહ્યા હતા.

નારિયેળ અને કપાસના ભાવમાં વધારો, તલમાં ઘટાડો

આજે સફેદ તલના ભાવ રૂ. 1,700 સુધી રહ્યા હતા, જેમાં ગઈકાલની સરખામણીએ રૂ. 400નો ઘટાડો નોંધાયો છે. નારિયેળના ભાવ પ્રતિ મણ રૂ. 500થી રૂ. 2,751 સુધી રહ્યા હતા. કુલ 49,480 નંગ નારિયેળનું વેચાણ થતાં ભાવમાં રૂ. 263નો વધારો નોંધાયો છે. કપાસની 145 ગાંસડીનું વેચાણ થયું હતું, જેના ભાવ રૂ. 680થી રૂ. 1,507 સુધી રહ્યા હતા.