ડાંગ જિલ્લામાં વિયર અને ચેકડેમોના વ્યાપક નિર્માણથી ઉનાળાની પાણી અછત દૂર, હજારો હેક્ટર જમીનને સિંચાઇનો લાભ

વાહુટિયા-૧ વિયર સહિત ૧૩૪ ચેકડેમોથી ડાંગ જિલ્લાના ખેડૂતો માટે સિંચાઇ ક્ષમતામાં નોંધપાત્ર વધારો

ડાંગ જિલ્લામાં વાર્ષિક સરેરાશ ૯૦ થી ૧૦૦ ઈંચ વરસાદ વરસે છે, છતાં ભૌગોલિક ઊંચાઈ અને પહાડી ઢોળાવને કારણે ચોમાસા બાદ પાણી વહી જાય છે અને ઉનાળામાં અછત સર્જાય છે. આ સમસ્યાના કાયમી ઉકેલ માટે અંબિકા, પૂર્ણા, ગીરા અને ખાપરી નદીઓ પર મોટા ‘વિયર સ્ટ્રક્ચર’ અને ચેકડેમ બનાવવાની કામગીરી તેજ કરવામાં આવી છે. સામાન્ય ચેકડેમોમાં કાંપ અને પથ્થરો ભરાઈ જવાની સમસ્યા રહેતી હોવાથી હવે વૈજ્ઞાનિક ઢબે મોટા વિયર બનાવવામાં આવી રહ્યા છે.

વાહુટીયા-૧ વિયર: સુબીર માટે આશાનું કિરણ

સુબીર તાલુકાના અંતરિયાળ વાહુટીયા ગામે પૂર્ણા નદીની પ્રશાખા પર ₹૫.૯૭ કરોડના ખર્ચે ‘વાહુટીયા-૧ વિયર’ કાર્યરત કરવામાં આવ્યો છે.

• પરિમાણ: ૪૭.૧૬ મીટર લંબાઈ અને ૯.૮૦ મીટર ઊંચાઈ ધરાવતું આ સ્ટ્રક્ચર પાણીથી છલોછલ છે.

• ક્ષમતા: ૫.૨૦ NCFT જળ સંગ્રહ શક્તિ સાથે ૪૨.૧૦ હેક્ટર જમીનને પિયત અને બાગાયતી ખેતી માટે લાભ મળશે.

ડાંગમાં ચેકડેમોનું નેટવર્ક અને ભવિષ્યનું આયોજન

રાજ્ય સરકારના વિવિધ વિભાગો દ્વારા અત્યાર સુધી કુલ ₹૮૨૨૨.૪૭ લાખના ખર્ચે ૧૩૪ ચેકડેમોનું નિર્માણ પૂર્ણ કરી ૨૮૪૦ હેક્ટર વિસ્તારને સિંચાઈ હેઠળ આવરી લેવામાં આવ્યો છે.

આગામી લક્ષ્યાંક:

ડાંગ જિલ્લામાં વિશ્વ ક્ષય દિવસ નિમિત્તે ૪૫ ગ્રામ પંચાયતોને ટીબી મુક્ત સન્માન

ડાંગના સુબીર તાલુકાના ઘાણીઆંબા ગામમાં પ્રાકૃતિક ખેતી તાલીમ

• પ્રગતિ હેઠળના કામો: ₹૪૭૧૧ લાખના ૮ ચેકડેમોનું કામ ચાલુ છે.

• વર્ષ ૨૦૨૫-૨૬ નું આયોજન: ₹૭૭૪૨ લાખના ખર્ચે નવા ૨૨ ચેકડેમ/વિયર બનાવવાનું આયોજન છે.

• વિશિષ્ટ પ્રોજેક્ટ: ધોધલીધાટમાં ૫ વિયરોની આખી શ્રેણી બનાવવામાં આવશે, જે ડાંગની ખેતીનો નકશો બદલી નાખશે.