Video: યુવકે ‘બોર્ડર’નું ‘જાતે હુએ લમ્હો…’ ગીત એવું ગાયું કે લોકો બોલ્યા- અવાજ સીધો આત્માને સ્પર્શી ગયો!
સની દેઓલની મોસ્ટ અવેટેડ ફિલ્મ ‘બોર્ડર 2’ (Border 2) ની રિલીઝ પહેલા જ સોશિયલ મીડિયા પર લાગણીઓનું પૂર આવ્યું છે. એક તરફ ચાહકો ફિલ્મના સીક્વલને લઈને ભારે ઉત્સાહિત છે, ત્યારે બીજી તરફ કેશવ કુમાર નામના એક યુવા ગાયકે પોતાના અવાજથી ઈન્ટરનેટ પર ધૂમ મચાવી દીધી છે.
ઇન્સ્ટાગ્રામ યુઝર @keshav.k1008 એ ફિલ્મ ‘બોર્ડર’ ના સદાબહાર ગીત ‘એ જાતે હુએ લમ્હો…’ (Jaate Hue Lamhon) નું એવું કવર વર્ઝન રજૂ કર્યું કે લોકો દંગ રહી ગયા. તેમની ગાયકીનો જાદુ એવો ચાલ્યો કે ‘બોર્ડર’ ના ઓરિજિનલ પ્લેબેક સિંગર રૂપકુમાર રાઠોડ (Roopkumar Rathod) પણ પોતે કોમેન્ટ કરતા રોકી શક્યા નહીં.
View this post on Instagram
લોકો બોલ્યા- દિલને સ્પર્શી ગયો અવાજ
વાયરલ થઈ રહેલા આ વીડિયોમાં કેશવ અત્યંત સાદગી સાથે પોતાના રૂમમાં માઈક પર ગાતો જોવા મળે છે. પોતાને સિંગર અને ગિટારિસ્ટ ગણાવતા કેશવના આ વીડિયોને અત્યાર સુધીમાં હજારો લાઈક્સ મળી ચૂક્યા છે. ચાહકોનું માનવું છે કે તેના અવાજમાં એ જ દર્દ અને ઊંડાણ છે જે 1997ની ‘બોર્ડર’ ફિલ્મે પેદા કર્યું હતું.
એક યુઝરે કોમેન્ટ કરતા લખ્યું, “અવાજ સીધો દિલને સ્પર્શી ગયો.” અન્ય એક યુઝરે લખ્યું કે આ અવાજ સાંભળીને રૂવાડા ઊભા થઈ ગયા.
ઓરિજિનલ સિંગરે પણ કર્યા વખાણ
આ વીડિયોની સૌથી ખાસ વાત એ હતી કે જ્યારે ઓરિજિનલ સિંગર રૂપકુમાર રાઠોડે આ વીડિયો જોયો, ત્યારે તેમણે કેશવના વખાણ કરતા લખ્યું, “બહુ સરસ ગાયું છે, ભગવાન તારું ભલું કરે.” કોઈ પણ ઉભરતા કલાકાર માટે ઓરિજિનલ સિંગર પાસેથી આવા વખાણ મળવા એ બહુ મોટી સિદ્ધિ ગણાય છે.
