રાજ્યના પોલીસ વડા ડો. કે.એલ.એન. રાવે અત્યાધુનિક ‘૧૧૨’ ઇમરજન્સી રિસ્પોન્સ સેન્ટરની મુલાકાત લઈ કામગીરીની સમીક્ષા કરી

‘૧૧૨’ ઇમરજન્સી સેવાને વધુ ઝડપી અને અસરકારક બનાવવા પોલીસ વડા ડો. કે.એલ.એન. રાવના મહત્વપૂર્ણ સૂચનો

રાજ્યના પોલીસ વડા (DGP) ડો. કે.એલ.એન. રાવે ઉચ્ચ પોલીસ અધિકારીઓ સાથે અત્યાધુનિક ‘૧૧૨’ ઈમરજન્સી રિસ્પોન્સ સેન્ટર (ERC) ની મુલાકાત લઈ સુરક્ષા વ્યવસ્થાની સમીક્ષા કરી હતી. કેન્દ્રીય ગૃહમંત્રી શ્રી અમિત શાહના વિઝન મુજબ કાર્યરત આ સેવા હવે ગુજરાતના નાગરિકો માટે સુરક્ષાનું પર્યાય બની રહી છે.

‘૧૧૨’ સેવાની મહત્વની વિગતો અને આંકડા

ગુજરાતની ૧૧૨ સેવા કેવી રીતે કાર્ય કરી રહી છે અને તેનું પરફોર્મન્સ કેવું છે, તેની વિગતો નીચે મુજબ છે:

• સિંગલ હેલ્પલાઈન: પોલીસ, ફાયર બ્રિગેડ, મેડિકલ, ડિઝાસ્ટર મેનેજમેન્ટ, મહિલા અને ચાઈલ્ડ હેલ્પલાઈન – આ તમામ સેવાઓ હવે માત્ર એક જ નંબર ‘૧૧૨’ પર ઉપલબ્ધ છે.

• રિસ્પોન્સ ટાઈમ: જાન્યુઆરી ૨૦૨૬માં સરેરાશ રિસ્પોન્સ ટાઈમ ૧૧ મિનિટ ૫૬ સેકન્ડ રહ્યો છે, જેને ઘટાડીને ૧૦ મિનિટથી ઓછો કરવાનો લક્ષ્યાંક છે.

• કામગીરીનો વ્યાપ: છેલ્લા ૪ મહિનામાં ૩,૮૨,૭૨૮ કેસ એટેન્ડ કરાયા છે. દરરોજ સરેરાશ ૧૨,૦૦૦ થી વધુ કોલ્સ હેન્ડલ કરવામાં આવે છે.

ટેકનોલોજી અને તાલમેલ પર ભાર

ડો. રાવે ફિલ્ડમાં હાજર પોલીસ અને કંટ્રોલ રૂમ વચ્ચેના તાલમેલને સેવાની સફળતાનો પાયો ગણાવ્યો હતો:

૧. MDT એપ્લિકેશન: ફિલ્ડ ટીમો દ્વારા ‘Mobile Data Terminal’ (MDT) એપ્લિકેશનનો ઉપયોગ કરી ઘટના સ્થળનું સચોટ લોકેશન મેળવવા સૂચન કર્યું.

પીએમ મોદી આવતીકાલે સુરતમાં: વડાપ્રધાનના સ્વાગત માટે આખું શહેર સજ્જ, પોલીસે ઉપાડ્યું સફાઈ અભિયાન

સુરત: “હું અધિકારી છું” કહી નશામાં ધૂત કારચાલકે સર્જ્યો અકસ્માત, ગુસ્સે ભરાયેલા લોકોએ ઘેરી લીધી કાર

૨. જીપીએસ ટ્રેકિંગ: કોલ મળતાની સાથે જ જીપીએસ સિસ્ટમ દ્વારા સૌથી નજીક રહેલી પોલીસ વેન (PCR) ને તાત્કાલિક રવાના કરવામાં આવશે.

૩. માસિક સમીક્ષા: ટેકનોલોજી અને હ્યુમન રિસોર્સની કામગીરીની દર મહિને ઉચ્ચ સ્તરે સમીક્ષા કરવામાં આવશે.

આ મુલાકાતમાં એડિશનલ ડીજીપી શ્રી રાજકુમાર પાંડિયન, શ્રી ખુરશીદ અહેમદ અને આઈજીપી શ્રી દીપક મેઘાણી સહિતના વરિષ્ઠ અધિકારીઓ જોડાયા હતા. ગુજરાતની આ સેવાને સમગ્ર દેશમાં સર્વશ્રેષ્ઠ અને ભરોસાપાત્ર મોડેલ તરીકે સ્થાપિત કરવાની નેમ પોલીસ વડાએ વ્યક્ત કરી છે.