ગુણવત્તાયુક્ત અને અસરકારક શહેર વિકાસ માટે ભાવનગર ઝોનમાં ઈજનેરી અધિકારીઓની વિશેષ તાલીમ શ્રેણી યોજાઈ

શહેરી વિકાસ કાર્યોમાં પારદર્શિતા અને ખર્ચ અસરકારકતા વધારવા ભાવનગરમાં ૮ દિવસીય તકનિકી તાલીમ કાર્યક્રમ

શહેરી વિકાસ વર્ષ–૨૦૨૫ અંતર્ગત ભાવનગર ઝોનની ૧૬ નગરપાલિકાઓ અને ભાવનગર મહાનગરપાલિકાના ઈજનેરી સ્ટાફ માટે ‘સર્વાંગી તકનિકી ક્ષમતાવર્ધન તાલીમ શ્રેણી’નું સફળ આયોજન કરવામાં આવ્યું હતું. મ્યુનિસિપલ કમિશનર ડૉ. એન.કે. મીણા અને પ્રાદેશિક કમિશનર ધવલ પંડ્યાના માર્ગદર્શન હેઠળ યોજાયેલી આ તાલીમનો મુખ્ય ઉદ્દેશ્ય સરકારી વિકાસકામોમાં ચોકસાઈ, ગુણવત્તા અને ખર્ચ અસરકારકતા લાવવાનો છે.

વ્યાપક વિષયો અને નિષ્ણાતોનું માર્ગદર્શન

તારીખ ૧૨ જાન્યુઆરીથી ૨ ફેબ્રુઆરી દરમિયાન ચાલેલી આ તાલીમ શ્રેણીમાં ઈજનેરોને આધુનિક બાંધકામ પદ્ધતિઓ અને વહીવટી પ્રક્રિયાઓનું ઊંડાણપૂર્વક જ્ઞાન આપવામાં આવ્યું હતું. જેમાં ટેન્ડર અને અંદાજપત્રની તૈયારી, સાઇટ સુપરવિઝન અને ગુણવત્તા નિયંત્રણ (QC) જેવા પાયાના વિષયો ઉપરાંત આધુનિક ટેકનોલોજી પર ભાર મૂકવામાં આવ્યો હતો.

આધુનિક રોડ નિર્માણ અને પર્યાવરણીય અભિગમ

તાલીમમાં ખાસ કરીને પેવમેન્ટ ડિઝાઇન હેઠળ ‘ફ્લેક્સિબલ’ અને ‘રિજિડ’ રોડ તેમજ ‘વ્હાઇટ ટોપિંગ’ જેવી નવીન પદ્ધતિઓ વિશે માર્ગદર્શન અપાયું હતું. બદલાતા જળવાયુને ધ્યાનમાં રાખીને ‘ક્લાઈમેટ રિઝિલિયન્ટ ઇન્ફ્રાસ્ટ્રક્ચર’ (હવામાન ફેરફાર સામે ટકી શકે તેવું માળખું) અને પબ્લિક ટ્રાન્સપોર્ટ મેનેજમેન્ટ પર વિશેષ સત્રો યોજાયા હતા. આ તાલીમથી ઈજનેરોની તકનિકી નિર્ણય ક્ષમતા મજબૂત બનશે અને શહેરોમાં ટકાઉ વિકાસના કામો થશે.

ભાવનગરમાં કેન્દ્રીય ઉડ્ડયન મંત્રી કે. રામમોહન નાયડુનો ભવ્ય અભિવાદન સમારોહ

કે. રામમોહન નાયડુના હસ્તે ભાવનગર-નવી મુંબઈ સીધી ફ્લાઇટ સેવાનો શુભારંભ

અર્બન ડેવલપમેન્ટ યર: ૪૦% વધારાનું બજેટ

ગુજરાત સરકાર દ્વારા વર્ષ ૨૦૨૫-૨૬ને “અર્બન ડેવલપમેન્ટ યર” તરીકે ઉજવવામાં આવી રહ્યું છે. આ વર્ષે શહેરી વિકાસ વિભાગ માટે ગત વર્ષ કરતા ૪૦% વધુ બજેટ ફાળવવામાં આવ્યું છે. આ ગ્રાન્ટનો ઉપયોગ અમૃત ૨.૦ યોજના, સ્વર્ણિમ જયંતિ મુખ્યમંત્રી શહેરી વિકાસ યોજના અને આઇકોનિક રોડ બનાવવા માટે કરવામાં આવશે. આ વધારાનું બજેટ ફાળવવાનો મુખ્ય ઉદ્દેશ્ય નાગરિકોને ગુણવત્તાયુક્ત પાણી, સારા રસ્તા, સ્વચ્છતા અને વહીવટી કામગીરીનું ડિજિટલાઇઝેશન કરી શ્રેષ્ઠ સુવિધાઓ આપવાનો છે.