Video: બોડીબિલ્ડરોએ સફાઈ કામદાર સમજીને મજાક ઉડાવી, પણ જ્યારે તેણે વજન ઉઠાવ્યું ત્યારે બધાના હોશ ઉડી ગયા!
સોશિયલ મીડિયા પર આજકાલ એક એવો વીડિયો ધૂમ મચાવી રહ્યો છે, જે આપણને યાદ અપાવે છે કે કોઈની કાબિલિયતનો અંદાજો તેના કપડાં કે કામ પરથી ન લગાવવો જોઈએ. અવારનવાર લોકો સાધારણ દેખાતી વ્યક્તિને નબળી સમજવાની ભૂલ કરી બેસે છે, પરંતુ યુક્રેનિયન પાવરલિફ્ટર વોલોડિમિર શ્મોન્ડેન્કો (જેમને દુનિયા ‘અનાતોલી’ તરીકે ઓળખે છે) એ આ વીડિયોમાં બોડીબિલ્ડરોને જે પાઠ ભણાવ્યો છે, તે જોવા જેવો છે.
સફાઈ કામદારના વેશમાં પાવરલિફ્ટરનો જલવો
વાયરલ થઈ રહેલા આ વીડિયોમાં અનાતોલી એક સાધારણ સફાઈ કામદારના વેશમાં જીમમાં પહોંચે છે. ત્યાં ભારે વજન ઉઠાવી રહેલા બોડીબિલ્ડરોની વચ્ચે તે જાણી જોઈને અણઘડ બનવાનો પ્રયાસ કરે છે. અનાતોલી જ્યારે હેવી વેઈટ ઉઠાવવાનો પ્રયત્ન કરે છે, ત્યારે તે જોરથી જમીન પર પડી જાય છે. આ જોઈને ત્યાં હાજર પ્રોફેશનલ બોડીબિલ્ડરો તેની મજાક ઉડાવવા લાગે છે અને કહે છે, “ભાઈ, આ તારા વશની વાત નથી.”
જ્યુસ પીધો અને પલટાઈ ગયો નઝારો
આ દરમિયાન, અનાતોલી એક એપલ જ્યુસનું કેન કાઢે છે અને નિર્દોષતાથી કહે છે, “મને કહેવામાં આવ્યું છે કે આ પીવાથી શક્તિ આવે છે અને હું પાવરફુલ થઈ જઈશ.” તેની આ વાત પર જીમમાં હાસ્યના ફુવારા છૂટે છે.
View this post on Instagram
પરંતુ થોડી જ ક્ષણોમાં નઝારો બદલાઈ જાય છે. જે વજન ઉઠાવવામાં મોટા-મોટા ધુરંધરોના પરસેવા છૂટી જાય છે, તેને અનાતોલીએ એક ઝટકામાં રમકડાની જેમ ઉઠાવી લીધું! આ જોઈ આખા જીમમાં સન્નાટો છવાઈ ગયો. જે બોડીબિલ્ડરો થોડી વાર પહેલા હસી રહ્યા હતા, તેમની બોલતી બંધ થઈ ગઈ અને તેઓ હેરાન થઈને જોતા જ રહી ગયા.
સોશિયલ મીડિયા પર મચી ધૂમ
આ પ્રેન્ક વીડિયો ઇન્સ્ટાગ્રામ પર @vladimirshmondenko એકાઉન્ટ પરથી શેર કરવામાં આવ્યો છે.
- વ્યુઝ: અત્યાર સુધીમાં લગભગ 3 કરોડ વખત જોવામાં આવ્યો છે.
- લાઈક્સ: 12 લાખથી વધુ લોકોએ તેને પસંદ કર્યો છે.
