રાજ્યની આંગણવાડીઓ માટે નવો પૂર્વ પ્રાથમિક અભ્યાસક્રમ “આધારશિલા” મંજૂર, જૂન ૨૦૨૬થી અમલમાં આવશે

ડૉ. મનીષાબેન વકીલના અધ્યક્ષસ્થાને સ્ટેટ ECCE કાઉન્સિલની બેઠકમાં “આધારશિલા” અભ્યાસક્રમ અને “મારી વિકાસ યાત્રા” પુસ્તિકાને મંજૂરી

રાજ્યના મહિલા અને બાળ વિકાસ મંત્રી ડૉ. મનીષાબેન વકીલની અધ્યક્ષતામાં મળેલી બેઠકમાં ૩ થી ૬ વર્ષના બાળકો માટે નવો પૂર્વ પ્રાથમિક અભ્યાસક્રમ “આધારશિલા” મંજૂર કરવામાં આવ્યો છે. રાષ્ટ્રીય શિક્ષણ નીતિ ૨૦૨૦ (NEP) ને સુસંગત આ ફેરફારો વર્ષ ૨૦૨૬-૨૭ થી રાજ્યભરમાં લાગુ થશે.

અભ્યાસક્રમની મુખ્ય વિશેષતાઓ

આ નવો અભ્યાસક્રમ વર્ષ ૨૦૧૬ના જૂના માળખાને આધુનિક જરૂરિયાતો મુજબ અપડેટ કરીને તૈયાર કરાયો છે:

• પંચ કોષ સંકલ્પના: ભારતીય પરંપરા મુજબ બાળકના શારીરિક, પ્રાણિક, માનસિક, બૌદ્ધિક અને આનંદમય કોષના વિકાસ પર ધ્યાન અપાશે.

• સમાવેશી શિક્ષણ: દિવ્યાંગ બાળકો માટે ખાસ ‘આંગણવાડી પ્રોટોકોલ-૨૦૨૩’ મુજબ પ્રવૃત્તિઓનો સમાવેશ.

• દૈનિક સમયપત્રક: બાળકો માટે દરરોજ ૪ કલાકનું રમત-ગમત અને શિક્ષણનું સંતુલિત આયોજન.

• તાલીમ: આંગણવાડી કાર્યકરો માટે એક્ટિવિટી બેંક અને સઘન તાલીમ મોડ્યુલ તૈયાર કરાયા છે.

‘મારી વિકાસ યાત્રા’ અને વાલીઓની સહભાગિતા

માત્ર શિક્ષણ જ નહીં, પણ બાળકના વ્યક્તિગત વિકાસનું ટ્રેકિંગ પણ કરવામાં આવશે:

૧. મારી વિકાસ યાત્રા: દરેક બાળકના શારીરિક અને માનસિક વિકાસના માપદંડો નોંધવા માટેની વિશેષ પુસ્તિકા.

ગાંધીનગરના લોકભવન ખાતે ભવ્ય રાજ્યસ્તરીય ‘સંસ્કૃત સન્માન સમારોહ’નું આયોજન

ગાંધીનગર સિવિલ હોસ્પિટલ ખાતે એક માસ માટે ‘વર્લ્ડ ઓરલ હેલ્થ મંથ’ની ઉજવણી

૨. હોમ લર્નિંગ: દર અઠવાડિયે વાલીઓ ઘરે બાળકોને પ્રવૃત્તિ કરાવી શકે તેવું આયોજન.

૩. બાળ દિવસ: દર મહિનાના ત્રીજા મંગળવારે વાલીઓ સાથે બેઠક કરી બાળકની પ્રગતિની ચર્ચા કરવામાં આવશે.

નિષ્ણાતોનું યોગદાન

યુનિસેફ (UNICEF) ગુજરાતના સહયોગથી તૈયાર થયેલા આ અભ્યાસક્રમમાં GCERT, ચિલ્ડ્રન યુનિવર્સિટી અને એમ.એસ. યુનિવર્સિટી જેવી સંસ્થાઓના તજજ્ઞોએ ફાળો આપ્યો છે. આ ફેરફારોથી રાજ્યની આંગણવાડીઓ હવે આધુનિક પ્રિસ્કૂલ જેવી સુવિધાઓ અને શિક્ષણ પદ્ધતિથી સજ્જ થશે.