સ્થાનિક સ્વરાજ્ય ચૂંટણી પૂર્વે અમિત શાહનો સૌરાષ્ટ્ર અને કચ્છ પ્રવાસ, ભાવનગર–ભુજ–મોરબીમાં અનેક મહત્વના કાર્યક્રમો

સૌરાષ્ટ્ર–કચ્છમાં ભાજપ કાર્યક્રમોની વ્યસ્ત શ્રેણી

કેન્દ્રીય ગૃહમંત્રી અમિત શાહ આવતીકાલથી બે દિવસ માટે ગુજરાત પ્રવાસે આવી રહ્યા છે. સ્થાનિક સ્વરાજ્યની ચૂંટણી પહેલા આ પ્રવાસે વિશેષ રાજકીય હલચલ સર્જી છે. ખાસ કરીને સૌરાષ્ટ્ર અને કચ્છ વિસ્તારમાં તેમના અનેક કાર્યક્રમો ગોઠવાયાં છે, જેના કારણે ભાજપના કાર્યકરોમાં નવચેતનાનું વાતાવરણ જોવા મળી રહ્યું છે. આ મુલાકાત દરમિયાન આ વિસ્તારના વિકાસકારી કાર્યક્રમો અને સંગઠનાત્મક મિટિંગો પર પણ ધ્યાનકેન્દ્રિત થશે.

ભાવનગર ખાતે નવા ભાજપ કાર્યાલયનું લોકાર્પણ

આવતીકાલે બપોરે 2 વાગ્યે અમિત શાહ ભાવનગર પહોચશે અને નારી ચોકડી ખાતે બનાવાયેલા જિલ્લા ભાજપ કાર્યાલયના લોકાર્પણ સમારોહમાં ઉપસ્થિત રહેશે. તેમના સાથે ભાજપના પ્રદેશ પ્રમુખ જગદીશ વિશ્વકર્મા પણ હાજર રહેશે. ભાવનગરમાં આ નવા કાર્યાલયની રચના સંગઠનની કામગીરીને વધુ મજબૂત બનાવશે એવી આશા વ્યક્ત થઈ રહી છે. આ કાર્યક્રમ બાદ તેઓ બીએસએફ દિવસની ઉજવણીમાં પણ જોડાશે.

ભુજ ખાતે બીએસએફ હીરક જયંતિના વિશાળ આયોજનમાં સહભાગ

21 નવેમ્બરના રોજ ભુજ બીએસએફ ગ્રાઉન્ડ ખાતે બીએસએફની હીરક જયંતિ સમારોહનું આયોજન કરવામાં આવ્યું છે. 176 બટાલિયનની આ પરેડમાં અમિત શાહ અધ્યક્ષતા કરશે અને બીએસએફના સ્થાપના દિવસની ઉજવણીમાં ભાગ લેશે. સ્થાનિક નાગરિકો અને સૈનિકોમાં આ કાર્યક્રમને લઈને ઉત્સાહનો માહોલ જોવા મળી રહ્યો છે. કાર્યક્રમ દરમિયાન જવાનોને માન્યતા અને સન્માન પણ આપવામાં આવશે.

નવસારીમાં ગૌમાતાના સન્માનનો નવો સૂર્યોદય: મેયર અશોક ધોરાજીયાએ આપેલું વચન પાળ્યું, હવે ડમ્પિંગ યાર્ડ નહીં પણ સન્માનપૂર્વક અપાશે અંતિમ વિદાય!

ડાંગ જિલ્લાને મળી નવી આરોગ્ય ભેટ: સાંસદ ધવલભાઈ પટેલના હસ્તે ૩ નવી એમ્બ્યુલન્સનું લોકાર્પણ

મોરબી ખાતે કમલમ કાર્યાલયનું ઉદ્ઘાટન

ભુજના કાર્યક્રમ બાદ કેન્દ્રીય ગૃહમંત્રી મોરબી તરફ રવાના થશે, જ્યાં જિલ્લા ભાજપના કમલમ કાર્યાલયના ઉદ્ઘાટનની વિધિ યોજાશે. 21મી તારીખે બપોરે 2 વાગ્યે યોજાનાર આ કાર્યક્રમમાં જગદીશ વિશ્વકર્મા સહિત અનેક આગેવાનો હાજરી આપશે. આ ઉદ્ઘાટન સાથે સ્થાનિક સંગઠનને વધુ ગતિશીલ બનાવવા પ્રયાસ થશે, તેમજ આવનારી ચૂંટણી માટે કાર્યકરોને પ્રોત્સાહન મળશે.