એન્ટીમાઇક્રોબાયલ રેઝિસ્ટન્સ સામે લડત માટે ગુજરાત રાજ્ય ફાર્મસી કાઉન્સિલના બે મહત્વના એમઓયુ કરાર

જાહેર આરોગ્ય સુરક્ષા માટે ગુજરાતમાં એન્ટીમાઇક્રોબાયલ રેઝિસ્ટન્સ અંગે વ્યાપક અભિયાન શરૂ

વડાપ્રધાન નરેન્દ્ર મોદીએ ૨૮ ડિસેમ્બર, ૨૦૨૫ના રોજ ‘મન કી બાત’ કાર્યક્રમ દ્વારા દેશવાસીઓને ‘એન્ટીમાઇક્રોબાયલ રેઝિસ્ટન્સ’ (AMR) ના ગંભીર ખતરા અંગે સાવધ કર્યા હતા. એન્ટીબાયોટિક દવાઓના આડેધડ વપરાશને કારણે બેક્ટેરિયા હવે આ દવાઓ સામે પ્રતિકાર શક્તિ મેળવી રહ્યા છે, જે ભવિષ્યમાં સામાન્ય રોગોની સારવારમાં મોટી અડચણ બની શકે છે. આ પડકારને પહોંચી વળવા અને જાહેર આરોગ્યની સુરક્ષા સુનિશ્ચિત કરવા માટે ગુજરાત રાજ્ય ફાર્મસી કાઉન્સિલ દ્વારા અત્યંત મહત્વપૂર્ણ અને ક્રાંતિકારી પહેલ હાથ ધરવામાં આવી છે.

વ્યાપક જાગૃતિ માટે ઐતિહાસિક સમજૂતી કરાર (MoU)

રાજ્યભરમાં AMR અંગે જાગૃતિ લાવવા માટે ગુજરાત રાજ્ય ફાર્મસી કાઉન્સિલે ઇન્ડિયન ફાર્માકોપિયા કમિશન (IPC) અને ઇન્ડિયન મેડિકલ એસોસિએશન (IMA) સાથે બે મહત્વના સમજૂતી કરાર (MoU) કર્યા છે. આ કરારનો મુખ્ય ઉદ્દેશ્ય તબીબો, ફાર્માસિસ્ટ અને સામાન્ય નાગરિકોને એન્ટીબાયોટિક દવાઓના યોગ્ય અને નિયંત્રિત ઉપયોગ વિશે શિક્ષિત કરવાનો છે. આ પ્રકારનું સંયુક્ત અભિયાન ચલાવનાર ગુજરાત દેશનું અગ્રણી રાજ્ય બન્યું છે, જે આરોગ્ય ક્ષેત્રે નવી દિશા ચીંધશે.

તબીબી અને ફાર્મસી ક્ષેત્રના દિગ્ગજ મહાનુભાવોની ઉપસ્થિતિ

આ ઐતિહાસિક MoU પ્રસંગે ફાર્મસી અને તબીબી ક્ષેત્રના અનેક નિષ્ણાતો ઉપસ્થિત રહ્યા હતા. જેમાં ગુજરાત રાજ્ય ફાર્મસી કાઉન્સિલના પ્રમુખ ભરત પટેલ, ઉપપ્રમુખ કશ્યપ પટેલ, અને ફાર્મસી કાઉન્સિલ ઓફ ઈન્ડિયાના ઉપપ્રમુખ જશુભાઈ ચૌધરીએ હાજરી આપી હતી. આ ઉપરાંત IMA પ્રેસિડેન્ટ ડૉ. અનિલ નાયક અને IPC સેક્રેટરી ડૉ. કલાઈસેલવન જેવા અગ્રણીઓએ પણ આ મુહિમને ટેકો જાહેર કર્યો હતો. આ તમામ નિષ્ણાતોએ એકસૂરે સ્વીકાર્યું હતું કે એન્ટીબાયોટિક્સનો બિનજરૂરી વપરાશ અટકાવવો એ જ આવતીકાલના સ્વાસ્થ્યની સુરક્ષા છે.

પીએમ મોદી આવતીકાલે સુરતમાં: વડાપ્રધાનના સ્વાગત માટે આખું શહેર સજ્જ, પોલીસે ઉપાડ્યું સફાઈ અભિયાન

સુરત: “હું અધિકારી છું” કહી નશામાં ધૂત કારચાલકે સર્જ્યો અકસ્માત, ગુસ્સે ભરાયેલા લોકોએ ઘેરી લીધી કાર

સુરક્ષિત ભવિષ્ય માટે એન્ટીબાયોટિક્સનો જવાબદાર ઉપયોગ

આ પહેલ દ્વારા આગામી સમયમાં ફાર્માસિસ્ટ અને ડૉક્ટરોને વિશેષ તાલીમ આપવામાં આવશે, જેથી તેઓ દર્દીઓને દવાઓના જોખમો વિશે સમજાવી શકે. સરકારી અને ખાનગી દવાખાનાઓમાં દવાઓના પ્રિસ્ક્રિપ્શન બાબતે પણ વધુ પારદર્શિતા લાવવા પ્રયાસ થશે. જ્યારે દવાઓ અસર કરતી બંધ થઈ જાય ત્યારે ગંભીર ચેપ જીવલેણ બની શકે છે, તેથી જ આ જાગૃતિ અભિયાન ‘વિકસિત ભારત’ ના લક્ષ્યમાં સ્વસ્થ નાગરિકત્વના પાયા સમાન સાબિત થશે. સરકારની આ તત્પરતા દર્શાવે છે કે ટેકનોલોજીની સાથે સ્વાસ્થ્ય જાગૃતિમાં પણ ગુજરાત અગ્રેસર છે.