બાબર આઝમ રચી શકે છે નવો ઇતિહાસ: ગેલ અને કોહલીના વર્લ્ડ રેકોર્ડ તોડવાની સુવર્ણ તક

બાબર આઝમ રચી શકે છે નવો ઇતિહાસ: ન્યૂઝીલેન્ડ સામેની મેચમાં ક્રિસ ગેલ અને વિરાટ કોહલીના રેકોર્ડ તોડવાની સુવર્ણ તક

ટી-૨૦ વર્લ્ડ કપ ૨૦૨૬ના સુપર-૮ તબક્કાનો પ્રારંભ થઈ ચૂક્યો છે અને ક્રિકેટ ચાહકોની નજર પાકિસ્તાનના સ્ટાર બેટ્સમેન બાબર આઝમ પર ટકેલી છે. શનિવાર, ૨૧ ફેબ્રુઆરીના રોજ કોલંબોના આર. પ્રેમદાસા સ્ટેડિયમ ખાતે રમાનારી ન્યૂઝીલેન્ડ વિરુદ્ધની મહત્ત્વની મેચમાં બાબર આઝમ પાસે વિશ્વ ક્રિકેટના અનેક મોટા રેકોર્ડ્સ તોડવાની તક છે. જો બાબર આ મેચમાં લયમાં જણાશે, તો તે ‘યુનિવર્સ બોસ’ ક્રિસ ગેલ અને ભારતીય દિગ્ગજ વિરાટ કોહલીને પછાડીને એક નવો કીર્તિમાન સ્થાપિત કરી શકે છે.

ટી-૨૦ ક્રિકેટમાં ૧૨,૦૦૦ રન: ક્રિસ ગેલનો વર્લ્ડ રેકોર્ડ જોખમમાં

બાબર આઝમ અત્યારે ટી-૨૦ ફોર્મેટમાં (આંતરરાષ્ટ્રીય અને લીગ ક્રિકેટ મળીને) ૧૨,૦૦૦ રનના આંકડાની ખૂબ જ નજીક છે. અત્યાર સુધી તેણે ૩૩૪ ઇનિંગ્સમાં ૪૧.૯૭ની પ્રભાવશાળી સરેરાશ સાથે ૧૧,૮૮૦ રન નોંધાવ્યા છે. જો બાબર ન્યૂઝીલેન્ડ સામે વધુ ૨૦ રન બનાવશે, તો તે ટી-૨૦ ક્રિકેટમાં ૧૨,૦૦૦ રન પૂરા કરનારો વિશ્વનો સૌથી ઝડપી બેટ્સમેન બની જશે.

હાલમાં આ રેકોર્ડ વેસ્ટ ઈન્ડિઝના ક્રિસ ગેલના નામે છે, જેણે ૩૪૩ ઇનિંગ્સમાં આ સિદ્ધિ મેળવી હતી. જ્યારે વિરાટ કોહલીએ ૩૬૦ ઇનિંગ્સમાં આ આંકડો પાર કર્યો હતો. આમ, બાબર પાસે આ બંને દિગ્ગજોને પાછળ છોડીને વિશ્વના સૌથી ઝડપી ૧૨-હજારી બેટ્સમેન બનવાની ઐતિહાસિક તક છે.

પંડ્યા બ્રધર્સ વચ્ચે ઝઘડાની વાત માત્ર અફવા? કૃણાલ પંડ્યાએ હાર્દિક સાથેના સંબંધો પર તોડ્યું મૌન

ટીમ ઈન્ડિયાને મોટો આંચકો: ઈજાના કારણે વિરાટ કોહલી અફઘાનિસ્તાન વનડે શ્રેણીમાંથી બહાર!

શોએબ મલિકને પાછળ છોડી બની શકે છે પાકિસ્તાનનો નંબર-૧

માત્ર વૈશ્વિક રેકોર્ડ જ નહીં, પરંતુ પાકિસ્તાની ક્રિકેટના આંકડાઓમાં પણ બાબર આઝમ નવા શિખરો સર કરવા તરફ છે. પાકિસ્તાન માટે ટી-૨૦ ફોર્મેટમાં અત્યાર સુધી માત્ર શોએબ મલિકે જ ૧૨,૦૦૦થી વધુ રન બનાવ્યા છે. બાબર આ સિદ્ધિ હાંસલ કરનારો બીજો પાકિસ્તાની ખેલાડી બનશે.

વધુમાં, ટી-૨૦ વર્લ્ડ કપના ઇતિહાસમાં પાકિસ્તાન તરફથી સૌથી વધુ રન બનાવવાનો રેકોર્ડ પણ જોખમમાં છે. શોએબ મલિકે વર્લ્ડ કપની ૩૧ ઇનિંગ્સમાં ૬૪૬ રન બનાવ્યા છે. જ્યારે બાબરે અત્યાર સુધી ૨૦ ઇનિંગ્સમાં ૬૧૫ રન બનાવ્યા છે. જો બાબર ન્યૂઝીલેન્ડ સામે ૩૨ રન નોંધાવશે, તો તે ટી-૨૦ વર્લ્ડ કપના ઇતિહાસમાં પાકિસ્તાનનો સર્વોચ્ચ રન સ્કોરર બની જશે.

ફોર્મ ચિંતાનો વિષય, પરંતુ આંકડા આશાસ્પદ

ચાલુ ટૂર્નામેન્ટમાં બાબર આઝમનું ફોર્મ પ્રશ્નાર્થ ચિન્હ સમાન રહ્યું છે. તેણે ૩ ઇનિંગ્સમાં માત્ર ૬૬ રન બનાવ્યા છે, જેમાં સર્વશ્રેષ્ઠ સ્કોર ૪૬ રન રહ્યો છે. જોકે, ન્યૂઝીલેન્ડ સામે બાબરનો રેકોર્ડ હંમેશા શાનદાર રહ્યો છે. કિવી બોલરો સામે તેની રમવાની શૈલી અને આર. પ્રેમદાસાની પિચ તેને પુનરાગમન કરવામાં મદદરૂપ થઈ શકે છે.

સૂર્યકુમાર યાદવના સુવર્ણ યુગનો અંત: વર્લ્ડ કપ જીતાડનાર કેપ્ટન કેમ ટીમમાંથી આઉટ થયો?

આઈપીએલ ફાઇનલમાં હાર બાદ શુભમન ગિલ ભાવુક: કહ્યું- ‘ટ્રોફીની આટલી નજીક આવીને હારવાનું મોટું દર્દ છે, નિરાશા ભારે પડી’