પાકિસ્તાનમાં ગુંદર બનાવવાની ફેક્ટરીમાં ધમાકો, બોઈલર ફાટવાથી 15 લોકોનાં મોત
પૂર્વી પાકિસ્તાનમાં એક ગુંદર બનાવવાની ફેક્ટરીમાં શુક્રવારે બોઈલર ફાટ્યો. આ વિસ્ફોટમાં 15 લોકોનાં મોત થયાના સમાચાર સામે આવ્યા છે. આ ઘટનાથી વિસ્તારમાં ખળભળાટ મચી ગયો છે.
પૂર્વી પાકિસ્તાનમાં એક ગુંદર બનાવવાની ફેક્ટરીમાં શુક્રવારે બોઈલર ફાટ્યો. આ ઘટનામાં ઓછામાં ઓછા 15 મજૂરોનાં મોત થયા છે અને અન્ય સાત ઘાયલ થયા છે. પોલીસે જણાવ્યું કે, તેમણે ફેક્ટરી મેનેજરની ધરપકડ કરી લીધી છે અને ફેક્ટરી માલિકની શોધ કરી રહી છે, જે વિસ્ફોટ પછી તરત જ ફરાર થઈ ગયો. 
પંજાબ પ્રાંતના ફૈસલાબાદ શહેરમાં ઘટના
પંજાબ પ્રાંતના ફૈસલાબાદ શહેરમાં ઔદ્યોગિક પ્લાન્ટમાં થયેલા વિસ્ફોટનું ચોક્કસ કારણ હજી સુધી જાણી શકાયું નથી. સ્થાનિક પ્રશાસક રાજા જહાંગીરનું કહેવું છે કે, આ વિસ્ફોટ એટલો જોરદાર હતો કે તેનાથી ફેક્ટરીની ઇમારત અને આસપાસના ઘરોને પણ ભારે નુકસાન પહોંચ્યું છે અને ફેક્ટરીમાં આગ લાગી ગઈ છે. આટલી મોટી ઘટનાથી વિસ્તારમાં દહેશત ફેલાઈ ગઈ છે. સ્થાનિક પોલીસ અધિકારી મોહમ્મદ અસલમ અનુસાર, મામલાની તપાસ ચાલી રહી છે.
પંજાબના મુખ્યમંત્રીએ વ્યક્ત કરી સંવેદના
પંજાબના મુખ્યમંત્રી મરિયમ નવાઝ શરીફએ પોતાની સંવેદના વ્યક્ત કરી અને અધિકારીઓને ઘાયલો માટે શ્રેષ્ઠ સારવાર સુનિશ્ચિત કરવાનો આદેશ આપ્યો.
સુરક્ષાના ખરાબ માપદંડ
મળતી માહિતી મુજબ, પાકિસ્તાનમાં ઔદ્યોગિક દુર્ઘટનાઓ અને ફેક્ટરીઓમાં આગ લાગવાનું એક સામાન્ય કારણ સુરક્ષાના ખરાબ માપદંડ છે.
-
2024માં, ફૈસલાબાદની એક કાપડ મિલમાં આ જ રીતે બોઈલર વિસ્ફોટમાં એક ડઝન મજૂરો ઘાયલ થયા હતા.
-
ગયા અઠવાડિયે, પાકિસ્તાનના બંદરગાહ શહેર કરાચીમાં એક ફટાકડા ફેક્ટરીમાં થયેલા વિસ્ફોટમાં ચાર લોકોનાં મોત થયા હતા.
