આજે પર્યાવરણનું નિકંદન નીકળી રહ્યું છે જેને લઈ તાપમાન વધી રહ્યું છે તેવા સમયે બાળકોમાં પર્યાવરણ પ્રત્યે જાગૃતિ કેળવાય અને વૃક્ષોનું મહત્વ સમજાવવા વલસાડ જિલ્લા સ્થિત પારનેરા મુકામે ટીમ સન્ડે સ્પોર્ટ્સ ક્લબ દ્વારા પારનેરા ડુંગર ની પરિક્રમાનું આયોજન કરવામાં આવ્યુ હતું. જેમાં ટીમના સોળ બાળકો સહિત સાત વરિષ્ઠ નાગરિકો અને અન્ય યુવા યુવતીઓ ભેગા મળી 82 જેટલા નાગરિકો એ રવિવારે સવાર ની મજા માણવા ,પર્યાવરણ ને ખૂંદવા માટે પગથિયાં થી નહિ પણ ડુંગર ની પૂર્વ દિશાએથી હાઇકિંગ કરી સવારે છ વાગ્યે ચાર કિમી નું હાઇકિંગ દોઢ કલાકમાં પૂર્ણ કર્યું હતું.
આ દરમિયાન તેઓને પર્યાવરણ અને કુદરતી સંપદાથી રૂબરૂ કરવાનો પ્રયાસ થયો હતો ત્યારબાદ સૌએ ઐતિહાસિક પારનેરા ડુંગર પર બિરાજમાન માતાજીના દર્શન કરી જય માતાજી નાદ સાથે પારનેરા ડુંગર ની પરિક્રમા પૂર્ણ કરી હતી.
Monday, April 29