ICC એવોર્ડ્સ: ભારત-પાકિસ્તાનના ખેલાડીઓ આઉટ! એપ્રિલ મહિનાના શ્રેષ્ઠ ખેલાડીઓની રેસમાં આ 3 નામો સામેલ

ICC પ્લેયર ઓફ ધ મંથ: એપ્રિલ 2026ના એવોર્ડની રેસમાં ભારત-પાકિસ્તાનનો એકપણ ખેલાડી નહીં, જાણો કોણ છે પ્રબળ દાવેદાર

આંતરરાષ્ટ્રીય ક્રિકેટ કાઉન્સિલ (ICC) એ એપ્રિલ 2026 ના મહિના માટે પ્રતિષ્ઠિત ‘પ્લેયર ઓફ ધ મંથ’ એવોર્ડ માટેના નોમિનેશનની જાહેરાત કરી દીધી છે. ક્રિકેટ ચાહકો માટે સૌથી વધુ ચોંકાવનારી વાત એ છે કે, આ વખતે પુરુષ વર્ગના ટોપ-3 ખેલાડીઓની યાદીમાં ભારત કે પાકિસ્તાનનો એક પણ ખેલાડી સ્થાન મેળવી શક્યો નથી. એશિયાના આ બે દિગ્ગજ દેશોની ગેરહાજરી પાછળનું મુખ્ય કારણ એપ્રિલ મહિનામાં રમાયેલી હાઈ-પ્રોફાઈલ ટી20 લીગ છે.

શા માટે ભારત અને પાકિસ્તાનના ખેલાડીઓ યાદીમાંથી બહાર?

એપ્રિલ મહિનો ક્રિકેટ કેલેન્ડરમાં હંમેશા વ્યસ્ત હોય છે, પરંતુ આ વખતે ભારતના તમામ સ્ટાર ખેલાડીઓ ઇન્ડિયન પ્રીમિયર લીગ (IPL 2026) માં રમી રહ્યા હતા. બીજી તરફ, પાકિસ્તાનના ખેલાડીઓ પણ તેમની ઘરઆંગણે રમાતી પાકિસ્તાન સુપર લીગ (PSL 2026) માં વ્યસ્ત હતા. આ બંને લીગ ફ્રેન્ચાઇઝી ક્રિકેટ હોવાથી તેમાં કરેલા પ્રદર્શનને ICC આંતરરાષ્ટ્રીય એવોર્ડ માટે ધ્યાનમાં લેતું નથી. આ સંજોગોનો ફાયદો ઉઠાવીને અન્ય દેશો અને ખાસ કરીને એસોસિએટ ટીમોના ખેલાડીઓએ શાનદાર રમત બતાવીને આ યાદીમાં પોતાની જગ્યા બનાવી છે.

પુરુષ કેટેગરી: નહિદ રાણા સૌથી મોટા દાવેદાર

બાંગ્લાદેશના યુવા અને અત્યંત વેગવાન બોલર નાહિદ રાણા હાલમાં આ એવોર્ડ જીતવા માટે સૌથી આગળ માનવામાં આવે છે. ટેસ્ટ રમનારા દેશોમાંથી તે એકમાત્ર ખેલાડી છે જે આ યાદીમાં સામેલ છે.

અફઘાનિસ્તાન સામેની ટેસ્ટ પહેલાં ઓકિબ નબીની એન્ટ્રી, પણ મુખ્ય ટીમમાં કેમ નથી સ્થાન?

IPL 2026 માં સૂર્યવંશીનો દબદબો, છતાં બે કારણો જે તેને ‘સર્વશ્રેષ્ઠ’ બનતા રોકે

1. નહિદ રાણાનો દબદબો: ન્યુઝીલેન્ડ જેવી મજબૂત ટીમ સામેની ટેસ્ટ શ્રેણીમાં નહિદ રાણાએ તરખાટ મચાવ્યો હતો. તેણે માત્ર ત્રણ ઇનિંગ્સમાં 16.75ની શાનદાર એવરેજથી 8 વિકેટ ઝડપી હતી.
2. મેચ વિનિંગ પ્રદર્શન: 20 એપ્રિલના રોજ મીરપુર ખાતે રમાયેલી નિર્ણાયક મેચમાં તેણે 5 વિકેટ ઝડપીને બાંગ્લાદેશને ન્યુઝીલેન્ડ સામે 2-1 થી શ્રેણી જીતાડવામાં મહત્વની ભૂમિકા ભજવી હતી. આ પ્રદર્શન બદલ તેને ‘પ્લેયર ઓફ ધ સિરીઝ’ પણ જાહેર કરવામાં આવ્યો હતો.

એસોસિએટ દેશોના ખેલાડીઓની એન્ટ્રી

જ્યારે મોટા દેશોના ખેલાડીઓ લીગ ક્રિકેટમાં વ્યસ્ત હતા, ત્યારે ઓમાન અને યુએઈ (UAE) ના ખેલાડીઓએ આંતરરાષ્ટ્રીય સ્તરે સિક્કો જમાવ્યો છે.

• જતિંદર સિંહ (ઓમાન): ઓમાનના આ જમણા હાથના બેટ્સમેને એપ્રિલ મહિનામાં રમાયેલી 5 વનડે મેચોમાં 55.20ની સરેરાશથી 276 રન ફટકાર્યા હતા. ખાસ કરીને નેપાળ સામેની ICC ક્રિકેટ વર્લ્ડ કપ લીગ-2 ની મેચમાં તેણે રમેલી 130 રનની વિસ્ફોટક ઇનિંગે પસંદગીકારોનું ધ્યાન ખેંચ્યું હતું.
• અજય કુમાર (UAE): યુએઈના આ ઘાતક ફાસ્ટ બોલરે નેપાળમાં રમાયેલી મેચોમાં માત્ર બે વનડેમાં જ 9 વિકેટ ઝડપી હતી. ઓમાન સામેની એક જ મેચમાં 6 વિકેટ લેવાની તેની સિદ્ધિએ તેને આ એવોર્ડની રેસમાં સામેલ કર્યો છે.

Stars from Bangladesh, Oman and UAE have earned nominations for the ICC Men’s Player of the Month award for April 👏

More details ➡️ https://t.co/ADFHlUbmhB pic.twitter.com/D4IGjjL5o0

— ICC (@ICC) May 8, 2026

મહિલા કેટેગરી: લૌરા વોલ્વાર્ડ અને અન્ય દાવેદારો

1. મહિલા ક્રિકેટમાં દક્ષિણ આફ્રિકાની કેપ્ટન લૌરા વોલ્વાર્ડ એપ્રિલ મહિનામાં જે પ્રકારની ફોર્મમાં હતી, તે જોતા તેનું એવોર્ડ જીતવું લગભગ નિશ્ચિત માનવામાં આવે છે.
2. લૌરા વોલ્વાર્ડનું આક્રમક બેટિંગ: ન્યુઝીલેન્ડ સામેની બે વનડેમાં તેણે 138 રન બનાવ્યા હતા. પરંતુ તેની ખરી તાકાત ભારત પ્રવાસ દરમિયાન જોવા મળી હતી. ભારત સામેની પાંચ ટી20 મેચોની શ્રેણીમાં તેણે 330 રન ખડકી દીધા હતા, જેમાં એક સદી અને ત્રણ અર્ધસદીનો સમાવેશ થાય છે.
3. ઈમેષા દુલાની (શ્રીલંકા): શ્રીલંકાની આ બેટ્સમેને પણ પ્રભાવશાળી રમત બતાવી છે. બાંગ્લાદેશ સામેની વનડે શ્રેણીમાં 116 રન અને ટી20માં 82 રન બનાવીને તેણે ટીમને જીત અપાવવામાં મદદ કરી હતી.
4. લૌરા કાર્ડોસો (બ્રાઝિલ): આ યાદીનું સૌથી આશ્ચર્યજનક નામ બ્રાઝિલની ઓલરાઉન્ડર લૌરા કાર્ડોસોનું છે. તેણે માત્ર 7 મેચમાં 203 રન બનાવ્યા અને 17 વિકેટ ઝડપી હતી. લેસોથો સામેની મેચમાં તેણે 9 વિકેટ ઝડપીને એક નવો ઇતિહાસ રચ્યો હતો.