ટેક્સ ઓડિટની ડેડલાઇન પણ વધી! ITR માટે મળી 21 દિવસની વધારાની મહેતલ
તહેવારોની આ સિઝનમાં દેશભરના ચાર્ટર્ડ એકાઉન્ટન્ટ્સ (CAs), વેપારીઓ, ઉદ્યોગસાહસિકો અને કોર્પોરેટ ટેક્સપેયર્સ માટે એક અત્યંત રાહતજનક અને મોટા સમાચાર સામે આવ્યા છે. સેન્ટ્રલ બોર્ડ ઓફ ડાયરેક્ટ ટેક્સેઝ (CBDT) દ્વારા એસેસમેન્ટ યર ૨૦૨૬-૨૭ માટે ટેક્સ ઓડિટ રિપોર્ટ જમા કરાવવાની અને ઇન્કમ ટેક્સ રિટર્ન (ITR) ફાઇલ કરવાની સમયમસીમા (Deadline) માં વધારો કરવામાં આવ્યો છે. સરકાર દ્વારા આપવામાં આવેલી આ ૨૧ દિવસની વધારાની રાહતથી દેશના લાખો કરદાતાઓ અને ટેક્સ વ્યાવસાયિકોને મોટી ચિંતામાંથી મુક્તિ મળી છે.
સમયમસીમા વધારવા પાછળનું મુખ્ય કારણ શું હતું?
સરકારનો આ નિર્ણય અત્યંત મહત્વપૂર્ણ માનવામાં આવી રહ્યો છે, કારણ કે છેલ્લા કેટલાક સમયથી ભારે વર્કલોડ અને ઓનલાઈન પોર્ટલ પર આવતી ટેકનિકલ મુશ્કેલીઓને કારણે ટેક્સપેયર્સ અને સીએ દ્વારા સતત ડેડલાઇન લંબાવવાની માંગ કરવામાં આવી રહી હતી. આ મુશ્કેલીઓને ધ્યાનમાં રાખીને સરકારે યોગ્ય પગલું ભર્યું છે. આ રાહત સાથે જ, આવકવેરા કાયદાની કલમ ૧૩૯(૧) હેઠળ આવતા કરદાતાઓ માટે ITR ફાઇલ કરવાની અંતિમ તારીખ પણ આગળ ધકેલી દેવામાં આવી છે. હવે તેઓ ૩૧ ઓક્ટોબરને બદલે ૨૧ નવેમ્બર ૨૦૨૬ સુધી પોતાનું ITR સહેલાઈથી દાખલ કરી શકશે. આમ, રિટર્ન ભરવા માટે પૂરા ૨૧ દિવસનો વધારો મળ્યો છે.
The Central Board of Direct Taxes (CBDT) has decided to extend the due date of furnishing of Return of Income for Assessment Year 2026-27 in the case of persons mentioned at S. No. 2 in the Table below Explanation 2 to sub-section (1) of section 139 of the Income-tax Act, 1961… pic.twitter.com/wyLzVBXSNY
— Income Tax India (@IncomeTaxIndia) September 28, 2026
નોંધ કરી લો ટેક્સ ઓડિટ અને ITR ની નવી ડેડલાઇન્સ
CBDT ના તાજેતરના નોટિફિકેશન મુજબ, હવે ટેક્સ સંબંધી કામો માટેની નવી તારીખો નીચે મુજબ રહેશે:
૧. ટેક્સ ઓડિટ રિપોર્ટ (Tax Audit Report): જે કરદાતાઓએ પોતાના હિસાબોનું ઓડિટ કરાવવું અનિવાર્ય છે, તેમના માટે ઓડિટ રિપોર્ટ સબમિટ કરવાની અગાઉની છેલ્લી તારીખ ૩૦ સપ્ટેમ્બર ૨૦૨૬ હતી. જેને હવે વધારીને ૨૧ ઓક્ટોબર ૨૦૨૬ કરી દેવામાં આવી છે.
૨. ITR ફાઇલિંગ (ઓડિટ વાળા કેસ): જે ટેક્સપેયર્સ માટે ટેક્સ ઓડિટ કરાવવું ફરજિયાત છે, તેમના માટે ઇન્કમ ટેક્સ રિટર્ન (ITR) ફાઇલ કરવાની ડેડલાઇન ૩૧ ઓક્ટોબર ૨૦૨૬ થી વધારીને ૨૧ નવેમ્બર ૨૦૨૬ કરવામાં આવી છે.
જો નવી ડેડલાઇન ચૂકી ગયા તો શું થશે દંડ?
ભલે સરકારે તારીખો લંબાવીને મોટી રાહત આપી છે, પરંતુ ટેક્સપેયર્સે તેને હળવાશથી લેવી જોઈએ નહીં. ઇન્કમ ટેક્સ એક્ટની કલમ ૨૭૧B હેઠળ જો કોઈ કરદાતા નિર્ધારિત કરેલી નવી ડેડલાઇન (૨૧ ઓક્ટોબર) સુધીમાં પોતાનો ટેક્સ ઓડિટ રિપોર્ટ સબમિટ કરવામાં નિષ્ફળ જાય છે, તો તેમને ભારે આર્થિક દંડનો સામનો કરવો પડી શકે છે. તેથી, સમય રહેતા તમારા સીએ સાથે મળીને આ પ્રક્રિયા પૂર્ણ કરી લેવી હિતાવહ છે.
