IND vs NZ: મેદાન પર હાઈવોલ્ટેજ ડ્રામા, માત્ર 3 સેકન્ડમાં ઋષભ પંતે પલટી આખી બાજી!

4 Min Read

IND vs NZ: માત્ર 3 સેકન્ડ બાકી હતી, ઋષભ પંતની સલાહથી બચ્યા શુભમન ગિલ; DRS પર મેદાનમાં ગરમાગરમી

વેલિંગ્ટન: ભારત અને ન્યૂઝીલેન્ડ વચ્ચે રમાઈ રહેલી પ્રથમ ટેસ્ટના ત્રીજા દિવસે મેદાન પર એક રોમાંચક અને વિવાદાસ્પદ ઘટના જોવા મળી. ભારતીય કેપ્ટન શુભમન ગિલ સામે નાથન સ્મિથે LBWની અપીલ કરી અને અમ્પાયર રિચર્ડ ઇલિંગવર્થે તેમને આઉટ જાહેર કર્યા. જોકે, ગિલે અંતિમ ક્ષણે DRS લીધો અને નિર્ણય બદલાઈ ગયો. આ દરમિયાન વિકેટકીપર ઋષભ પંતની સલાહ મહત્વની સાબિત થઈ. બીજી તરફ, ન્યૂઝીલેન્ડના ખેલાડીઓ નિર્ણયથી નારાજ થયા અને અમ્પાયર પાસે જઈને સ્પષ્ટતા માગી. પંતના રમૂજી જવાબે આ ઘટનાને વધુ ચર્ચાસ્પદ બનાવી દીધી.

ત્રણ સેકન્ડમાં નિર્ણય બદલાયો, ગિલને મળ્યું જીવનદાન

આ ઘટના ભારતની ઇનિંગ્સની 108મી ઓવરમાં બની હતી. ન્યૂઝીલેન્ડના ઝડપી બોલર નાથન સ્મિથે ગિલને અંદર આવતી બોલ ફેંકી, જે સીધી તેમના પેડ પર વાગી. અમ્પાયર રિચર્ડ ઇલિંગવર્થે તરત જ આંગળી ઊંચી કરીને ગિલને આઉટ જાહેર કર્યા.ગિલે શરૂઆતમાં રિવ્યુ લેવાનો નિર્ણય કર્યો નહોતો. તેમણે સામેના છેડે ઊભેલા ઋષભ પંત સાથે ચર્ચા કરી. DRS માટેનો સમય પૂરો થવામાં માત્ર ત્રણ સેકન્ડ બાકી હતી ત્યારે પંતે ગિલને રિવ્યુ લેવા સલાહ આપી.

- Advertisement -

kivi.jpg

ગિલે સમયસર DRS લીધો. ત્રીજા અમ્પાયર પૉલ રાઇફલે અલગ-અલગ એંગલથી રિપ્લે તપાસ્યા. અલ્ટ્રાએજ ટેક્નોલોજીમાં હળવો સ્પાઇક જોવા મળ્યો, જેનાથી બોલ બેટની અંદરની કિનારીને અડીને પેડ પર વાગ્યો હોવાનું સ્પષ્ટ થયું.ત્રીજા અમ્પાયરે મેદાની અમ્પાયરને જાણ કરી કે બોલ બેટને અડ્યો હતો. ત્યારબાદ મેદાન પરનો નિર્ણય બદલવામાં આવ્યો અને ગિલ નોટઆઉટ રહ્યા. આ રીતે પંતની સમયસરની સલાહથી ગિલને મહત્વપૂર્ણ રાહત મળી.

- Advertisement -

ન્યૂઝીલેન્ડના ખેલાડીઓ નારાજ, પંતનો રમૂજી જવાબ

નિર્ણય બદલાતા ન્યૂઝીલેન્ડના ખેલાડીઓ ખુશ નહોતા. તેમને લાગતું હતું કે ગિલના બેટ અને પેડ વચ્ચે અંતર હતું અને બોલ બેટને અડ્યા વગર પેડ પર વાગ્યો હતો.રિપ્લે દરમિયાન ન્યૂઝીલેન્ડના એક ખેલાડીનો અવાજ સંભળાયો કે, “હા, આ આઉટ છે. ત્યાં થોડું અંતર દેખાય છે.” ત્યારબાદ બીજા ખેલાડીએ અમ્પાયર કુમાર ધર્મસેનાને સંબોધીને પૂછ્યું કે શું તેમને બેટ અને પેડ વચ્ચેનું અંતર દેખાય છે?


આ વાતચીતમાં ઋષભ પંત પણ જોડાયા. તેમણે હસતાં-હસતાં જવાબ આપ્યો, “હા, કુમાર અંધા નથી. ચિંતા ન કરો.” પંતની આ ટિપ્પણીથી મેદાન પરનો માહોલ વધુ રસપ્રદ બન્યો.નિર્ણય જાહેર થયા પછી પણ ન્યૂઝીલેન્ડની નારાજગી ઓછી થઈ નહોતી. નાથન સ્મિથ અમ્પાયર રિચર્ડ ઇલિંગવર્થ પાસે ગયા અને નિર્ણય અંગે સ્પષ્ટતા માગી. રાચિન રવિન્દ્ર અને ડેરિલ મિચેલ પણ આ ચર્ચામાં જોડાયા હતા.

- Advertisement -

ભારત મજબૂત સ્થિતિમાં; ગિલ સદીથી બે રન દૂર

આ વિવાદાસ્પદ ઘટના વચ્ચે, ત્રીજા દિવસે ભારતીય બેટ્સમેનોએ શાનદાર પ્રદર્શન કર્યું હતું. કે.એલ. રાહુલે ૧૩૬ રનની મહત્વપૂર્ણ ઇનિંગ રમી, જ્યારે શુભમન ગિલ સદી પૂરી કરવામાં માત્ર બે રનથી ચૂકી ગયો અને ૯૮ રન બનાવ્યા. ગિલ દિવસની છેલ્લી ઓવરમાં આઉટ થયો હતો. રિષભ પંતે પણ બેટિંગમાં મહત્વનું યોગદાન આપ્યું, જેનાથી ટીમને મજબૂત સ્થિતિમાં પહોંચવામાં મદદ મળી. દિવસના અંત સુધીમાં, ભારતે ચાર વિકેટના નુકસાને ૪૮૬ રન બનાવી લીધા હતા અને ન્યૂઝીલેન્ડ સામે ૧૧૮ રનની સરસાઈ મેળવી લીધી હતી.

Share This Article