આજે જ ગેસ સિલિન્ડર બુક કરાવતા પહેલાં ચકાસી લો ભાવ: જાણો ઘરેલુ અને કોમર્શિયલ સિલિન્ડરના તાજા દર
જો તમે આજે ઘરેલુ કે વાણિજ્યિક (કોમર્શિયલ) ઉપયોગ માટે એલપીજી ગેસ સિલિન્ડર બુક કરવાનું વિચારી રહ્યા છો, તો ઘરની બહાર નીકળતા કે ઓનલાઈન બુકિંગ કરાવતા પહેલા આજના તાજા ભાવ જાણી લેવા અત્યંત જરૂરી છે. આજે ૧૭ ઓગસ્ટ ૨૦૨૬ ના રોજ દેશના વિવિધ શહેરોમાં ૧૪ કિલોગ્રામ ધરાવતા ઘરેલુ ગેસ સિલિન્ડર અને ૧૯ કિલોગ્રામ ધરાવતા કોમર્શિયલ ગેસ સિલિન્ડરના દરો જાહેર કરવામાં આવ્યા છે.
સામાન્ય રીતે ૧૪ કિલોનો સિલિન્ડર ઘરમાં રસોઈ માટે વપરાય છે, જ્યારે ૧૯ કિલોનો કોમર્શિયલ સિલિન્ડર હોટેલ, રેસ્ટોરન્ટ, વ્યવસાયિક હેતુઓ અને નાના-મોટા પબ્લિક પ્રોગ્રામ્સ માટે ઉપયોગમાં લેવાય છે.
વિવિધ શહેરોમાં ૧૪ કિલો ઘરેલુ ગેસ સિલિન્ડરના ભાવ
દેશના અગ્રણી શહેરોમાં ઘરેલુ ગેસ સિલિન્ડરના ભાવ પર નજર કરીએ તો નોઈડામાં સૌથી ઓછો ₹૯૩૯.૫૦ પ્રતિ સિલિન્ડર ભાવ નોંધાયો છે. મુંબઈમાં ગ્રાહકોને ૧૪ કિલોનો સિલિન્ડર ₹૯૪૧.૫૦ માં મળી રહ્યો છે, જ્યારે બેંગ્લોરમાં ₹૯૪૪.૫૦ અને જયપુરમાં ₹૯૪૫.૫૦ ભાવ છે.
આ ઉપરાંત ગુડગાંવમાં ₹૯૫૦.૫૦, તિરુવનંતપુરમમાં ₹૯૫૧.૦૦, ચંદીગઢમાં ₹૯૫૧.૫૦ અને ચેન્નાઈમાં ₹૯૫૭.૫૦ માં સિલિન્ડર મળી રહ્યો છે. પૂર્વ અને ઉત્તર ભારતના શહેરોમાં કલકત્તા અને ભુવનેશ્વરમાં ભાવ ₹૯૬૮.૦૦, લખનૌમાં ₹૯૭૯.૫૦, હૈદરાબાદમાં ₹૯૯૪.૦૦ અને પટનામાં ₹૧,૦૩૧.૫૦ પ્રતિ સિલિન્ડર નોંધાયો છે.
૧૯ કિલો કોમર્શિયલ ગેસ સિલિન્ડરના આજના દર
વેપારીઓ માટે ૧૯ કિલોના કોમર્શિયલ સિલિન્ડરના ભાવમાં પણ શહેર મુજબ તફાવત જોવા મળે છે. મુંબઈમાં કોમર્શિયલ સિલિન્ડર ₹૨,૬૯૧.૫૦ ના ભાવે મળી રહ્યો છે. નોઈડામાં ₹૨,૭૩૮.૦૦, ગુડગાંવમાં ₹૨,૭૫૫.૦૦, ચંદીગઢમાં ₹૨,૭૬૦.૦૦ અને જયપુરમાં ₹૨,૭૬૫.૫૦ ભાવ છે.
તેમજ બેંગ્લોરમાં ₹૨,૮૨૧.૦૦, લખનૌમાં ₹૨,૮૬૦.૫૦, કલકત્તામાં ₹૨,૮૭૨.૫૦, ચેન્નાઈમાં ₹૨,૯૦૬.૦૦, ભુવનેશ્વરમાં ₹૨,૯૦૮.૦૦, હૈદરાબાદમાં ₹૨,૯૮૫.૦૦ અને પટનામાં સિલિન્ડરનો ભાવ ₹૩,૦૧૮.૦૦ સુધી પહોંચ્યો છે.
કોમર્શિયલ સિલિન્ડરમાં રાહત પણ ઘરેલુ દરો સ્થિર
ઓગસ્ટ મહિનાની શરૂઆતમાં જ તેલ કંપનીઓ દ્વારા ૧૯ કિલોના વાણિજ્યિક એલપીજી સિલિન્ડરના ભાવમાં નોંધપાત્ર ઘટાડો કરવામાં આવ્યો હતો. રાજધાની દિલ્હીમાં ૧૯ કિલોના સિલિન્ડરની કિંમત જુલાઈ મહિનામાં ₹૨,૯૩૦ હતી, જે ઘટીને ₹૨,૭૩૮ થઈ ગઈ હતી. એટલે કે કોમર્શિયલ ગ્રાહકોને સિલિન્ડર દીઠ ₹૧૯૨ ની મોટી રાહત મળી છે. જોકે, દૈનિક ઘરગથ્થુ ઉપયોગમાં લેવાતા ૧૪ કિલોના એલપીજી સિલિન્ડરના ભાવમાં હાલમાં કોઈ ફેરફાર કરાયો નથી.
આજ ૧૭ ઓગસ્ટથી લાગુ થયો મોટો નિયમ: સબસિડી પર અસર
એલપીજી ગ્રાહકો માટે આજથી એક અત્યંત મહત્વનો ફેરફાર લાગુ થયો છે. ગેસ સિલિન્ડર માટે આધાર આધારિત ઈ-કેવાયસી (e-KYC) કરવાની છેલ્લી તારીખ ગઈકાલે એટલે કે ૧૬ ઓગસ્ટ સુધી જ હતી.
આજ ૧૭ ઓગસ્ટથી ઈ-કેવાયસીની પ્રક્રિયા બંધ કરી દેવામાં આવી છે. જે ગ્રાહકોએ આ સમયમર્યાદા પૂરી થવા છતાં ઈ-કેવાયસી પૂર્ણ નથી કરાવ્યું, તેમને સરકાર તરફથી મળતી ₹૩૦૦ સુધીની ગેસ સબસિડી હવે નકારવામાં આવશે. જે ખાતાધારકોનું કેવાયસી અધૂરું હશે, તેમને આજથી બજાર કિંમતે જ સિલિન્ડર ખરીદવાની ફરજ પડશે.
