મુંબઈ:ભારતીય સ્ટેટે બેન્કે(SBI) તહેવારની ભેંટ આપતાં હોમ લોનના દર ઘટાડીને 9.1 ટકા કર્યા છે, જે છ વર્ષની સૌથી નીચી સપાટી દર્શાવે છે. ગયા સપ્તાહે SBIએ તેના બેન્ચમાર્ક દરમાં 15 બેસિસ પોઈન્ટનો ઘટાડો કર્યો હતો.
SBIની તહેવારની સ્કિમ અંતર્ગત મહિલાઓ માટેની હોમ લોનનો દર બેન્ચમાર્ક દરથી 20 બેસિસ પોઈન્ટ વધારે એટલે કે 9.1 ટકા રહેશે જ્યારે અન્ય લોકો માટે હોમ લોનનો દર
9.15 ટકા રહેશે.નવેમ્બર, ડિસેમ્બરમાં મંજૂર થનારી લોન માટે પણ આ નવા દર લાગૂ પડશે અને તેનું ડિસ્બર્સમેન્ટ એક મહિનામાં થશે. રેટ ઘટાડવા ઉપરાંત SBIએ અન્ય પ્રોસેસિંગ ફી પણ રદકરી છે.
ટાઈમ્સ ઓફ ઈન્ડિયા સાથેની વાતચીતમાં SBIના MD રજનીશ કુમારે જણાવ્યું હતું કે, આ રેટ કટથી 50 લાખ રૂપિયાની હોમ લોનના ઈએમઆઈમાં 542 રૂપિયાનો ઘટાડો થશે. માર્ચથી અત્યાર સુધીમાં ઈએમઆઈમાં 1,500નો ઘટાડો થયો છે.