સાબરકાંઠામાં દિવ્યાંગો માટે મફત એસ.ટી. મુસાફરી યોજના બની આશીર્વાદરૂપ

આઠ વર્ષમાં ૯,૭૭૦ દિવ્યાંગ નાગરિકોને મફત મુસાફરીના ઓળખકાર્ડનો લાભ

સાબરકાંઠા જિલ્લામાં વસતા દિવ્યાંગ નાગરિકોને આર્થિક રીતે મદદરૂપ થવા અને તેમની ગતિશીલતા વધારવા માટે રાજ્ય સરકારની મફત એસ.ટી. મુસાફરી યોજના જોરશોરથી અમલી છે. જિલ્લા સમાજ સુરક્ષા અધિકારીની કચેરી દ્વારા ૪૦% કે તેથી વધુ દિવ્યાંગતા ધરાવતા અસ્થિવિષયક ખામીવાળા, પ્રજ્ઞાચક્ષુ, બહેરા-મુંગા અને મંદબુદ્ધિ ધરાવતા વ્યક્તિઓને ખાસ ઓળખકાર્ડ એનાયત કરવામાં આવ્યા છે. આ કાર્ડ ધારકો ગુજરાત રાજ્ય માર્ગ વાહન વ્યવહાર નિગમ (GSRTC) ની બસોમાં રાજ્યની હદમાં ગમે ત્યાં વિનામૂલ્યે મુસાફરી કરી શકે છે.

સાબરકાંઠા જિલ્લામાં યોજનાની પ્રગતિ (વર્ષવાર ડેટા)

વર્ષ ૨૦૧૮ થી અત્યાર સુધીમાં સાબરકાંઠા જિલ્લામાં આ યોજના હેઠળ થયેલી કામગીરીના આંકડા નીચે મુજબ છે:

કોને મળી શકે આ યોજનાનો લાભ?

• દિવ્યાંગતાનું પ્રમાણ: જે નાગરિકો ૪૦% કે તેથી વધુ દિવ્યાંગતા ધરાવતા હોય.

• રહેવાસી: સાબરકાંઠા જિલ્લાના કાયમી વસવાટ કરતા દિવ્યાંગો.

• કેટેગરી: અસ્થિવિષયક, પ્રજ્ઞાચક્ષુ, મૂક-બધિર અને માનસિક ક્ષતિ ધરાવતા તમામ દિવ્યાંગો.

આ યોજના દ્વારા હજારો દિવ્યાંગોને શિક્ષણ, આરોગ્ય અને સામાજિક પ્રસંગોએ અવરજવર કરવામાં આર્થિક બોજમાંથી મુક્તિ મળી છે. સરકારની આ સંવેદનશીલ નીતિને કારણે દિવ્યાંગો સમાજની મુખ્યધારામાં જોડાઈ રહ્યા છે.