સોજી મખાના ટિક્કી રેસીપી: ઓછા તેલમાં ક્રિસ્પી ટિક્કી, પાર્ટી સ્ટાર્ટર અને ઈવનિંગ સ્નેક માટે પરફેક્ટ
જો તમે નાસ્તામાં કંઈક નવું અને હેલ્ધી ટ્રાય કરવા માંગો છો તો સૂજી મખાના ટિક્કી એક શાનદાર વિકલ્પ છે. આ બાળકોને પણ પસંદ આવશે અને મોટા ચા સાથે માણી શકશે. તેને તમે પાર્ટી સ્નેક તરીકે પણ સર્વ કરી શકો છો.
સોજી અને મખાનાનું આ કોમ્બિનેશન હેલ્ધી હોવાની સાથે સાથે ક્રિસ્પી અને ટેસ્ટી પણ છે. મખાના પ્રોટીન અને ફાઈબરથી ભરપૂર છે, જ્યારે સોજી સરળતાથી પચી જાય તેવી છે.
સામગ્રી
સોજી – 1 કપ
મખાના – 1 કપ (હલકા શેકેલા અને ક્રશ કરેલા)
બાફેલા બટેટા – 2 મીડિયમ
લીલા મરચાં – 2 (બારીક સમારેલા
આદુ – 1 નાનો ટુકડો (છીણેલું)
કોથમીર – 2 મોટી ચમચી (બારીક સમારેલી)
લાલ મરચું પાવડર – ½ ચમચી
ગરમ મસાલો – ½ ચમચી
મરી પાવડર – ¼ ચમચી
મીઠું – સ્વાદ અનુસાર
લીંબુનો રસ – 1 ચમચી
તેલ – શેલો ફ્રાય કરવા માટે
બનાવવાની રીત
- સૌથી પહેલા સોજીને કઢાઈમાં હલકી શેકી લો. હલકી સુગંધ આવવા લાગે ત્યારે તેમાં 1–1.5 કપ પાણી નાખીને જાડું ઉપમા જેવું મિશ્રણ તૈયાર કરો અને તેને ઠંડું થવા દો.
- મખાનાને હલકા ડ્રાય રોસ્ટ કરો અને અધકચરા ક્રશ કરો (બારીક પાવડર ન બનાવો).
- એક મોટા વાસણમાં બાફેલા બટેટા, ઠંડી થયેલી સોજી, ક્રશ કરેલા મખાના, લીલા મરચાં, આદુ, કોથમીર અને બધા મસાલા નાખીને બરાબર મેશ કરો. જો મિશ્રણ ભીનું લાગે તો થોડી સોજી નાખો.
- હાથ પર થોડું તેલ લગાવીને ટિક્કીનો આકાર આપો. ટિક્કી લગભગ એકસરખી બનાવો.
- તવા અથવા નોન-સ્ટિક પેનમાં થોડું તેલ ગરમ કરો અને મધ્યમ આંચ પર ટિક્કીને શેલો ફ્રાય કરો. જ્યારે એક બાજુ ગોલ્ડન બ્રાઉન થઈ જાય, તો બીજી બાજુ પલટો.
- ક્રિસ્પી અને ગોલ્ડન સોજી મખાના ટિક્કી તૈયાર છે. તેને લીલી ચટણી, આંબલીની ગળી ચટણી અથવા દહીં સાથે પીરસો.
