સુરતના ઉમરા વિસ્તારની મેટાસ એડવાન્ટિસ્ટ સ્કૂલમાં વાલીઓએ હોબાળો મચાવ્યો છે. શાળા દ્વારા ફીમાં ચાલીસથી પચાસ ટકાનો વધારો કરાતા આ હોબાળો થયો છે. ફી ઘટાડાની માંગ સાથે વાલીઓએ આક્રોશ સાથે હંગામો કર્યો હતો. વાલીઓ હાથમાં પોસ્ટર અને બેનરની સાથે વહેલી સવારથી શાળાના ગેટની બહાર વિરોધ કરતા જોવા મળ્યા હતા. શાળા દ્વારા દસથી પંદર હજાર રૂપિયા જેટલો વધારો કરાતા વાલીઓ આ બાબતે વિરોધ કરી રહ્યા હતા. વાલીઓએ જણાવ્યુ હતુ કે 25 હજાર રૂપિયા ફી હતી તેને વધારીને 42 હજાર કરી દેવામાં આવી છે. જુનિયરથી લઇ ધોરણ બારમાં સુધીના અભ્યાસમાં ફી વધારો કરવામાં આવ્યો છે.
Saturday, May 18