Video: ‘આને કહેવાય ઝીરો સિવિક સેન્સ!’, વીડિયો જોઈ જનતા ભડકી, લોકો બોલ્યા- આમને તો જેલ થવી જોઈએ
વાયરલ થઈ રહેલા આ વીડિયોમાં સ્પષ્ટ દેખાય છે કે એક કપલ ફોટો અને રીલ શૂટ કરવા માટે હાઈવેની એક્ટિવ લેનને પોતાનો સ્ટુડિયો સમજી બેઠું છે. ત્યારે જ એક પૂરપાટ ઝડપે આવતી કાર ત્યાં પહોંચે છે. ત્યારબાદ જે થયું, તે જોઈને નેટિઝન્સ ગુસ્સે ભરાયા છે.
સોશિયલ મીડિયા પર હવે એક એવો વીડિયો વાયરલ થયો છે, જેણે નેટિઝન્સનો પારો ગરમ કરી દીધો છે. આમાં બતાવવામાં આવ્યું છે કે એક કપલ વ્યસ્ત હાઈવેની વચ્ચે બેસીને રીલ બનાવવામાં મશગૂલ છે, ત્યારે જ એક પૂરપાટ ઝડપે આવતી કાર કાળ બનીને તેમની સામે આવી ગઈ. ત્યારબાદ શું થયું, તે તમે પોતે આ વીડિયોમાં જોઈ લો. જોકે, આ વીડિયો ક્યાંનો છે તેની હજુ પુષ્ટિ થઈ નથી.
વાયરલ થઈ રહેલા આ વીડિયોમાં સાફ દેખાય છે કે એક કપલ ફોટો અને રીલ શૂટ કરવા માટે હાઈવેની ચાલુ લેનને પોતાનો સ્ટુડિયો સમજી બેઠું છે. ત્યારે જ એક પૂરપાટ ઝડપે કાર ત્યાં પહોંચે છે. સદનસીબે ડ્રાઈવરે છેલ્લી ઘડીએ જોરદાર બ્રેક લગાવી, નહિતર કપલ ગાડીની નીચે આવી ગયું હોત. વીડિયોમાં તમે જોશો કે કાર કપલથી માત્ર થોડા જ ઈંચના અંતરે ઉભી રહે છે.
“Marna hai kya, road pe gaadi na chalayein?”
~”itna bada khaali road nahi dikhta kya?”
This is the civic sense of our so-called educated ganwars clicking photos right in the middle of roads/highways.
if any accident happens everyone will only blame the drivers. pic.twitter.com/tOSio0F6eA
— DEEWAN. (@Spoof_Junkey) January 31, 2026
ઊલટો ચોર કોટવાળને દંડે!
પરંતુ નવાઈની વાત એ રહી કે પોતાની ભૂલ સ્વીકારવાને બદલે કપલે ઊલટું ડ્રાઈવરને જ ખખડાવવાનું શરૂ કરી દીધું. વીડિયોમાં તમે જોશો કે જ્યારે ડ્રાઈવરે ગુસ્સામાં આવીને કહ્યું કે ‘મરવું છે શું?’ ત્યારે કપલે અત્યંત બેશરમીથી જવાબ આપ્યો, ‘આટલો મોટો ખાલી રોડ નથી દેખાતો શું?’ આ સાંભળીને નેટિઝન્સનો ગુસ્સો ફાટી નીકળ્યો છે. લોકો તેને ‘ઝીરો સિવિક સેન્સ’ની પરાકાષ્ઠા ગણાવી રહ્યા છે.
ઇન્ટરનેટ પર જનતાનો રોષ ફાટી નીકળ્યો
જેવો આ વીડિયો સોશિયલ મીડિયા પર વાયરલ થયો, કોમેન્ટ્સનું પૂર આવ્યું. એક રોષે ભરાયેલા યુઝરે કોમેન્ટ કરી, ‘ઉડાવી જ દેવાના હતા ભાઈ’. બીજાએ કહ્યું, ‘કપલ વિરુદ્ધ કડક એક્શન લેવા જોઈએ’. અન્ય એક યુઝરે લખ્યું, ‘રસ્તો દેખાતો નથી શું… કહેવાની હિંમત તો જુઓ જરા’. વધુ એક યુઝરે કોમેન્ટ કરી, ‘આમની બરાબર ધોલાઈ થવી જોઈતી હતી’.
ટ્રાફિક નિયમો અનુસાર, હાઈવે કે એક્સપ્રેસ વે પર કોઈ ઈમરજન્સી વગર વાહન રોકવું કે પગપાળા ચાલવું એ કાયદાકીય ગુનો છે. આ માત્ર તમારા જીવને જોખમમાં નથી મૂકતું, પરંતુ અન્ય રાહદારીઓ માટે પણ જીવલેણ સાબિત થઈ શકે છે. આ માટે ભારે દંડ અને જેલ સુધીની જોગવાઈ છે.
