બેલફાસ્ટમાં ટીમ ઈન્ડિયાની ફિયાસ્કો: આયર્લેન્ડ સામેની ઐતિહાસિક હારના 5 મોટા ‘ખલનાયકો’, એક ખેલાડી તો વારંવાર બની રહ્યો છે બોજ!
જ્યારે ભારત અને આયર્લેન્ડ વચ્ચેની T20 શ્રેણીની જાહેરાત થઈ હતી, ત્યારે કદાચ દુનિયાના કોઈ ક્રિકેટ વિશ્લેષકે સપનામાં પણ વિચાર્યું નહીં હોય કે વર્લ્ડ ચેમ્પિયન ભારતીય ટીમ આઇરિશ ટીમ સામે 34 રન જેવા મોટા માર્જિનથી ઘૂંટણીયે પડી જશે. પરંતુ બેલફાસ્ટના મેદાન પર ભારતીય ક્રિકેટ ચાહકોને જે જોવું પડ્યું, તે કોઈ ખરાબ સપનાથી ઓછું નહોતું. ટોસ જીતીને પહેલા બોલિંગ કરવાનો કેપ્ટનનો નિર્ણય ભારતીય બોલરો અને બેટ્સમેનોની નબળાઈને કારણે સંપૂર્ણ ફ્લોપ સાબિત થયો. આ શરમજનક પરાજય બાદ સોશિયલ મીડિયા પર ચાહકોનો ગુસ્સો ફાટી નીકળ્યો છે અને ટીમની હાર પાછળ મુખ્ય 5 ખેલાડીઓ ‘ખલનાયક’ (વિલન) તરીકે ઉભરી આવ્યા છે. આવો જોઈએ કોણ છે એ પાંચ ખેલાડીઓ જેમણે આખી મેચ બગાડી
1. પ્રસિદ્ધ કૃષ્ણ: સૌથી મોંઘો સાબિત થયો આ બોલર
વન-ડે અને ટેસ્ટ ક્રિકેટમાં પોતાનું સ્થાન મજબૂત કરી ચૂકેલા ફાસ્ટ બોલર પ્રસિદ્ધ કૃષ્ણા માટે આ T20 વાપસી અત્યંત ભયાનક રહી. તેણે આયર્લેન્ડના બેટ્સમેનો સામે રન લુટાવવામાં કોઈ કસર ન છોડી. પ્રસિદ્ધે પોતાની 4 ઓવરના સ્પેલમાં 14.20 ના શરમજનક ઇકોનોમી રેટથી 57 રન આપી દીધા. તેના આ નબળા પ્રદર્શનને કારણે આયર્લેન્ડની ટીમ 182 રન જેવા મજબૂત સ્કોર સુધી પહોંચવામાં સફળ રહી. ટી20 આંતરરાષ્ટ્રીય ક્રિકેટમાં પ્રસિદ્ધ સતત નિષ્ફળ રહ્યો છે અને હવે તેની કાબેલિયત પર મોટા સવાલો ઉઠી રહ્યા છે.
2. વોશિંગ્ટન સુંદર: ન બોલિંગ ચાલી, ન બેટિંગ
ઓલરાઉન્ડર તરીકે ટીમમાં રમી રહેલા વોશિંગ્ટન સુંદરે આ મેચમાં ચાહકોને સૌથી વધુ નિરાશ કર્યા. બોલિંગ દરમિયાન કેપ્ટને તેના પર ભરોસો મૂક્યો પરંતુ તેણે પોતાની એકમાત્ર ઓવરમાં જ 19 રન લૂંટાવી દીધા, જેના કારણે કેપ્ટને તેને બીજી ઓવર ન આપી. બાદમાં જ્યારે ભારતની વિકેટો ઝડપથી પડી રહી હતી, ત્યારે સુંદર પાસે હીરો બનવાની ઉત્તમ તક હતી. પરંતુ તે 12 બોલમાં માત્ર 9 રન બનાવીને પેવેલિયન પરત ફર્યો. આખી ઇનિંગ્સ દરમિયાન તે ક્રીઝ પર ભારે દબાણમાં અને અસ્વસ્થ દેખાતો હતો.
The biggest mystery for me is how Prasidh Krishna does so well in the IPL and then completely forgets his line and length in international cricket.
Against teams like Ireland, he’s getting smacked for 57 runs in 4 overs.
In his last 4 t20Is games, he has conceded runs with… pic.twitter.com/0xj7fMwFbA
— Vipin Tiwari (@Vipintiwari952) June 26, 2026
3. કેપ્ટન શ્રેયસ અય્યર: જવાબદારી નિભાવવામાં નિષ્ફળ
નવા T20 કેપ્ટન તરીકે મેદાન પર ઉતરેલા શ્રેયસ અય્યર પાસેથી આખી ટીમને મોટી આશા હતી. પાવરપ્લે દરમિયાન જ્યારે ઓપનરો સસ્તામાં આઉટ થઈ ગયા, ત્યારે કેપ્ટન તરીકે તેણે ઇનિંગ્સને સ્થિર કરવાની જરૂર હતી. પરંતુ શ્રેયસ જવાબદારી વિનાનો શૉટ રમીને માત્ર 7 બોલમાં 3 રન બનાવીને ચાલતો થયો. તેના આઉટ થતાં જ બાકીના યુવા બેટ્સમેનો પર દબાણ બમણું થઈ ગયું. કેપ્ટન તરીકેની તેની આ ઇનિંગ્સ ચાહકો માટે સૌથી મોટી આઘાતજનક રહી.
4. ઉપ-કેપ્ટન તિલક વર્મા: ટી20 માં વન-ડે જેવી ધીમી બેટિંગ
ટીમના નવા ઉપ-કેપ્ટન તિલક વર્મા પાસે આ મેચમાં પોતાની યોગ્યતા સાબિત કરવાની મોટી તક હતી. જોકે, આ મેચમાં તે ટીમ માટે બિલકુલ ઉપયોગી સાબિત ન થયો. T20 ક્રિકેટના આ જમાનામાં જ્યાં ઝડપી રન બનાવવાની જરૂર હોય છે, ત્યાં તિલકે અત્યંત ધીમી બેટિંગ કરી. તેણે 21 બોલ રમીને માત્ર 19 રન બનાવ્યા. તેની આ કાચબા ગતિની ઇનિંગ્સે રન રેટનું દબાણ એટલું વધારી દીધું કે સામેના છેડે રમી રહેલા બેટ્સમેનોએ મોટી હિટ મારવાના ચક્કરમાં પોતાની વિકેટો ગુમાવવી પડી.
I never thought the T20 World Cup winning team would lose like this to a team like IRELAND today. They only needed 182 runs in 20 overs 💔
Sanju Samson – 5(4)
Ishan Kishan – 1 (5)
Shreyas Iyer – 3 (7)
Tilak verma – 19 (21)
Washington – 9 (12)
Shivam Dube – 25 (14)
Axar – 15 (16) pic.twitter.com/BxheZ53jhC
— Tapas. (@Crick_wiFi) June 26, 2026
5. સંજુ સેમસન: વારંવાર તક ગુમાવનારો ‘ખલનાયક’
ભારતીય ક્રિકેટના ચાહકો જે ખેલાડી માટે સોશિયલ મીડિયા પર સૌથી વધુ અવાજ ઉઠાવે છે, તે છે સંજુ સેમસન. પરંતુ આ મેચમાં સંજુએ ફરી એકવાર સાબિત કર્યું કે તે મળેલી સુવર્ણ તકોનો ફાયદો ઉઠાવવામાં કેટલો કાચો છે. આ મેચમાં તેને ઓપનિંગ કરવાની મોટી તક મળી હતી, પરંતુ તે માત્ર 4 બોલ રમીને 5 રન બનાવી આઉટ થઈ ગયો. ઇનિંગ્સના માત્ર સાતમા જ બોલ પર એક અત્યંત ખરાબ અને બિનજવાબદાર શૉટ રમીને સંજુએ પોતાની વિકેટ ફેંકી દીધી. સોશિયલ મીડિયા પર ચાહકો હવે કહી રહ્યા છે કે સંજુ વારંવાર નિષ્ફળ જાય છે, છતાં તેને કયા આધારે ટીમમાં રાખવામાં આવે છે?
