“મહિલાઓને વસ્તુ સમજવાનું બંધ કરો!” કોંગ્રેસની આ એક ભૂલથી ભાજપ જ નહીં, પોતાના જ સાથીઓ પણ થયા લાલચોળ!
વડાપ્રધાન નરેન્દ્ર મોદીની તાજેતરની ઇન્ડોનેશિયા મુલાકાતનો એક વીડિયો સોશિયલ મીડિયા પર શેર કર્યા બાદ કોંગ્રેસ પક્ષ મુશ્કેલીમાં મુકાયો છે. આ પોસ્ટને લઈને વિપક્ષો અને સામાન્ય જનતા દ્વારા તીખી પ્રતિક્રિયાઓ આપવામાં આવી રહી છે. મહારાષ્ટ્ર કોંગ્રેસ દ્વારા શેર કરવામાં આવેલા આ વીડિયોને વિરોધીઓએ અત્યંત વાંધાજનક, વિકૃત અને મહિલાઓનું અપમાન કરનારો ગણાવ્યો છે. ભારે હોબાળા બાદ કોંગ્રેસે આ પોસ્ટ ડીલીટ કરવી પડી હતી, પરંતુ ત્યાં સુધીમાં આ મુદ્દે રાજકીય ગરમાવો આવી ગયો હતો.
Control Uday Control pic.twitter.com/FNnOXecdTh
— Surendra Rajput (@ssrajputINC) July 7, 2026
શું હતો સમગ્ર વિવાદ?
વાસ્તવમાં, મહારાષ્ટ્ર કોંગ્રેસના સત્તાવાર એક્સ (અગાઉ ટ્વિટર) હેન્ડલ પરથી પીએમ મોદીના ઇન્ડોનેશિયા પ્રવાસનો એક નાનો વીડિયો શેર કરવામાં આવ્યો હતો. આ વીડિયોમાં વડાપ્રધાન મોદી ઇન્ડોનેશિયાની સંસદના સ્પીકર પુઆન મહારાણીની બાજુમાં બેઠેલા જોવા મળી રહ્યા હતા. કોંગ્રેસે આ વીડિયોની સાથે કેપ્શનમાં હિન્દી ફિલ્મનો પ્રખ્યાત ડાયલોગ “કંટ્રોલ ઉદય કંટ્રોલ” લખ્યો હતો.
જો કે, વિવાદ વધતાં જ મહારાષ્ટ્ર કોંગ્રેસે તેના હેન્ડલ પરથી આ વિડિયો હટાવી દીધો હતો, પરંતુ કોંગ્રેસના પ્રવક્તા સુરેન્દ્ર રાજપૂત સહિતના કેટલાક અન્ય નેતાઓના એકાઉન્ટ પર આ પ્રકારની પોસ્ટ લાંબો સમય સુધી જોવા મળી હતી. આ બાબતને ભાજપ અને અન્ય વિરોધ પક્ષોએ લપડાક સમાન ગણાવીને કોંગ્રેસની માનસિકતા પર સવાલો ઉઠાવ્યા હતા.
नेहमीप्रमाणे काँग्रेसने आक्षेपार्ह पोस्ट डिलीट करून पळ काढला.
१४० कोटी भारतीयांचे प्रतिनिधित्व जिथे भारताचे पंतप्रधान करत होते आणि ज्या देशाने त्यांना सर्वोच्च नागरी पुरस्काराने सन्मानित केले, तिथला व्हिडिओ अतिशय विकृतपणे एडिट करून काँग्रेसने आपल्या महिला विरोधी गलिच्छ… pic.twitter.com/GPLHIoAzh9
— भाजपा महाराष्ट्र (@BJP4Maharashtra) July 8, 2026
ભાજપનો મહારાષ્ટ્ર એકમનો આકરા પ્રહારો
આ પોસ્ટ સામે આવતાની સાથે જ ભારતીય જનતા પાર્ટી (BJP) ના મહારાષ્ટ્ર એકમે સોશિયલ મીડિયા પર કોંગ્રેસ વિરુદ્ધ મોરચો ખોલ્યો હતો. ભાજપે આક્ષેપ કર્યો હતો કે કોંગ્રેસે હંમેશની જેમ વાંધાજનક પોસ્ટ કરીને તેને ડીલીટ કરી દીધી છે અને તે પોતાની જવાબદારીમાંથી ભાગી રહી છે.
ભાજપે પોતાની સત્તાવાર પોસ્ટમાં જણાવ્યું હતું કે, “જ્યાં ૧૪૦ કરોડ ભારતીયોનું પ્રતિનિધિત્વ ભારતના વડાપ્રધાન કરી રહ્યા હતા, અને જે દેશે તેમને પોતાના સર્વોચ્ચ નાગરિક સન્માનથી નવાજ્યા હતા, ત્યાંના એક વીડિયોને કોંગ્રેસ દ્વારા અત્યંત વિકૃત રીતે એડિટ કરવામાં આવ્યો છે. આ તેમની ગંદી અને મહિલા વિરોધી માનસિકતાને ખુલ્લેઆમ દર્શાવે છે.” ભાજપે વધુમાં ઉમેર્યું કે આ ઘટના પીએમ મોદી પ્રત્યે કોંગ્રેસની નફરત દર્શાવે છે, જેઓ એક ગરીબ પરિવારમાંથી આવીને ત્રીજી વખત દેશના વડાપ્રધાન બન્યા છે.
ये है कांग्रेस का असली नारी सम्मान !
इन कांग्रेसियों की बेशर्मी देखिए, देश के प्रधानमंत्री श्री नरेन्द्र मोदी जी के साथ बैठी इंडोनेशिया संसद की अध्यक्षा पुआन महारानी की एक तस्वीर पर इतनी नीच और घटिया मानसिकता का परिचय देते हुए जो टिप्पणी की गई है, इससे महिलाओं के प्रति कांग्रेस… pic.twitter.com/CrSVMp6Bnq
— BJP Mahila Morcha (@BJPMahilaMorcha) July 8, 2026
“ઘટીયાપન કી દુકાન”: શેહઝાદ પૂનાવાલા
ભાજપના રાષ્ટ્રીય પ્રવક્તા શેહઝાદ પૂનાવાલાએ પણ આ પોસ્ટની આકરી નિંદા કરી હતી અને તેને “અત્યંત ઘૃણાસ્પદ” ગણાવી હતી. પૂનાવાલાએ કહ્યું કે કોંગ્રેસે શાલીનતાની તમામ હદો વટાવી દીધી છે.
તેમણે સોશિયલ મીડિયા પર લખ્યું, “પીએમ મોદી, તેમના પરિવાર, તેમની દિવંગત માતા અને સમાજ પર ૧૫૦ થી વધુ વ્યક્તિગત પ્રહારો અને અપશબ્દો બોલ્યા પછી, હવે કોંગ્રેસ તેનાથી પણ નીચલા સ્તરે પહોંચી ગઈ છે. એક વિદેશી પ્રવાસ દરમિયાન યજમાન દેશની મહિલા નેતાને આ વિવાદમાં ખેંચતા પણ તેઓ અચકાતા નથી. કોંગ્રેસ એક ઓબીસી (OBC) વડાપ્રધાનને એટલી હદે નફરત કરે છે કે તેઓ ડિપ્લોમેટિક શિષ્ટાચાર પણ ભૂલી ગયા છે. આ વાસ્તવમાં ‘ઘટીયાપન કી દુકાન’ છે.”
ભાજપ મહિલા મોરચા દ્વારા આકરો વિરોધ
આ મામલે ભાજપના મહિલા મોરચાએ પણ કોંગ્રેસના વલણને બિલકુલ અસ્વીકાર્ય ગણાવ્યું હતું. મહિલા મોરચા તરફથી જાહેર કરવામાં આવેલા નિવેદનમાં કહેવામાં આવ્યું છે કે, “મહિલાઓ પ્રત્યે કોંગ્રેસ પક્ષનો અસલી આદર આ પોસ્ટમાં દેખાઈ આવે છે. ઇન્ડોનેશિયાના સંસદના સ્પીકર પુઆન મહારાણી જેઓ વડાપ્રધાન મોદી સાથે બેઠા હતા, તેમના ફોટો/વીડિયો પર આવી તુચ્છ ટિપ્પણી કરવી તે તેમની વિકૃત માનસિકતા દર્શાવે છે.”
This is so unbecoming of an official Congress handle. Stop looking at women as some objects just to hit out at the opponent. Do better. pic.twitter.com/uaYWEYON72
— Priyanka Chaturvedi🇮🇳 (@priyankac19) July 8, 2026
નિવેદનમાં આગળ કહેવામાં આવ્યું કે, એક તરફ આંતરરાષ્ટ્રીય સ્તરની મહિલા રાજકારણીનું અપમાન કરીને અને બીજી તરફ દેશના વડાપ્રધાન પર આ પ્રકારના કટાક્ષ કરીને કોંગ્રેસ પક્ષ પોતાની ગરિમા જાતે જ ગુમાવી રહ્યો છે.
યુવા નેતાઓ અને આંતરરાષ્ટ્રીય છબી પર સવાલ
ભારતીય જનતા યુવા મોરચા (BJYM) ના રાષ્ટ્રીય સચિવ તેજિન્દર બગ્ગાએ પણ આ મુદ્દે કોંગ્રેસ પર આકરા પ્રહારો કર્યા હતા. તેમણે કહ્યું કે કોંગ્રેસનું સત્તાવાર હેન્ડલ કોઈ જવાબદાર પક્ષના પ્લેટફોર્મ જેવું નહીં, પરંતુ કોઈ સસ્તા ટ્રોલ પેજ જેવું વર્તન કરી રહ્યું છે. એક રાજદ્વારી અને મહત્વપૂર્ણ આંતરરાષ્ટ્રીય ઇવેન્ટને આ રીતે રજૂ કરીને કોંગ્રેસ રોજ સાબિત કરે છે કે શા માટે જનતા હવે તેમને ગંભીરતાથી લેતી નથી.
વિપક્ષી ગઠબંધન અને આંતરિક વિરોધ
આ વિવાદ માત્ર ભાજપ અને કોંગ્રેસ પૂરતો સીમિત રહ્યો ન હતો. કોંગ્રેસના સાથી પક્ષોમાંથી પણ આ પોસ્ટ સામે વિરોધના સૂર ઉઠ્યા હતા. શિવસેના (UBT) ના નેતા અને પૂર્વ રાજ્યસભા સાંસદ પ્રિયંકા ચતુર્વેદીએ આ પોસ્ટ અંગે સખત નારાજગી વ્યક્ત કરી હતી.
પ્રિયંકા ચતુર્વેદીએ સોશિયલ મીડિયા પર લખ્યું, “કોંગ્રેસના સત્તાવાર હેન્ડલને આવું વર્તન બિલકુલ શોભતું નથી. તમારા રાજકીય વિરોધી પર પ્રહાર કરવા માટે મહિલાઓને માત્ર એક વસ્તુ કે ઓબ્જેક્ટ તરીકે જોવાનું બંધ કરો. આનાથી ઘણું સારું પ્રદર્શન કરવાની જરૂર છે.” સાથી પક્ષના આ નિવેદનથી કોંગ્રેસ બેકફૂટ પર આવી ગઈ હતી.
