અદાણી પાવર Q1 FY27 પરિણામો: કંપનીના નફામાં 47% નો મજબૂત ઉછાળો, કમાણી ₹4,867 કરોડ પહોંચી

ઉનાળાના હીટવેવમાં અદાણી પાવરની લોટરી લાગી! કમાણી ₹19,300 કરોડ પાર, જુઓ વિગતવાર રિપોર્ટ

દેશની અગ્રણી ખાનગી પાવર ઉત્પાદક કંપની અદાણી પાવર લિમિટેડ એ ચાલુ નાણાકીય વર્ષ 2026-27 ના પ્રથમ ત્રિમાસિક ગાળા (Q1 FY27) માં ખૂબ જ આકર્ષક અને મજબૂત નાણાકીય કામગીરી નોંધાવી છે. ચાળઝાળ ગરમી અને દેશભરમાં વીજળીની વધતી માંગ વચ્ચે કંપનીનો એકીકૃત ચોખ્ખો નફો (PAT) વાર્ષિક ધોરણે 47.2% વધીને ₹4,866.60 કરોડ ના સ્તરે પહોંચી ગયો છે.

કંપની દ્વારા જાહેર કરવામાં આવેલા આંકડા અનુસાર, માત્ર નફામાં જ નહીં પરંતુ આવક અને ઉત્પાદનમાં પણ મોટો ઉછાળો જોવા મળ્યો છે. ચાલુ વર્ષના પ્રથમ ત્રિમાસિકમાં કંપનીની કામગીરી અને તેની પાછળના મુખ્ય પરિબળોનો વિગતવાર અહેવાલ નીચે મુજબ છે:

આવક અને EBITDA માં નોંધપાત્ર વધારો

ગ્રાહકો અને ઉદ્યોગો તરફથી વીજળીની સતત વધી રહેલી માંગને કારણે કંપનીની કુલ આવકમાં મોટો ગ્રોથ જોવા મળ્યો છે:

42,000 કરોડના માર્કેટમાંથી 33% પ્લેયર્સ બહાર: ભારતીય સર્વેલન્સ ક્ષેત્રે મોટો બદલાવ અને 3 સ્ટોક્સ જેને થશે સીધો ફાયદો

શેરબજારમાં ધડાકો: સેન્સેક્સ 300થી વધુ પોઈન્ટ તૂટ્યો, નિફ્ટી 24,100ની નીચે સરક્યો

• કુલ આવક: Q1 FY27 માં કંપનીની રિપોર્ટેડ આવક 32.6% ના સુધારા સાથે ₹19,322.30 કરોડ થઈ છે, જે ગયા વર્ષના સમાન ગાળામાં (Q1 FY26) ₹14,573.70 કરોડ હતી.

• EBITDA: રિપોર્ટેડ EBITDA પણ 36.1% વધીને ₹8,369.09 કરોડ નોંધાયો છે, જે અગાઉના વર્ષે ₹6,149.83 કરોડ હતો.

• સતત કામગીરી (Continuing Basis): ઓપરેશન્સમાંથી મળતી આવક 28.1% વધીને ₹17,550.43 કરોડ અને Continuing EBITDA 21.6% વધીને ₹6,982.75 કરોડ થયો છે.

કંપનીના જણાવ્યા મુજબ, ઉચ્ચ ઓપરેટિંગ ક્ષમતા, વીજળીના વેચાણમાં થયેલો વધારો અને ટેરિફ રિયલાઇઝેશનમાં થયેલા સુધારાને કારણે આ શાનદાર પરિણામ શક્ય બન્યું છે.

રેકોર્ડબ્રેક વીજ માંગ અને પ્લાન્ટ પરફોર્મન્સ

વર્ષ 2026 ના ઉનાળા દરમિયાન સમગ્ર ભારતમાં કાળઝાળ હીટવેવના કારણે વીજળીની માંગ સર્વોચ્ચ સ્તરે પહોંચી હતી. મે 2026 માં દેશની પીક પાવર ડિમાન્ડ 270.8 GW ની રેકોર્ડ સપાટીએ પહોંચી ગઈ હતી. આ સમયગાળા દરમિયાન દેશમાં કુલ ઉર્જા વપરાશ 8.4% વધીને 485.4 બિલિયન યુનિટ (BU) થયો હતો.

અદાણી પાવરે આ તકનો પૂરતો લાભ ઉઠાવ્યો હતો:

1. વેચાણ વોલ્યુમ: કંપનીનું કુલ વીજ વેચાણ 16.9% વધીને 28.8 BU પર પહોંચ્યું છે (ગયા વર્ષે 24.6 BU હતું).

2. PLR અને ક્ષમતા: કંપનીની હાલની સ્થાપિત ક્ષમતા 18,330 MW છે. તેનો પ્લાન્ટ લોડ ફેક્ટર (PLF) જે ગયા વર્ષે 67% હતો, તે સુધરીને 77.9% થયો છે.

3. PPA અને ટેરિફ: પાવર પર્ચેસ એગ્રીમેન્ટ (PPA) હેઠળ વીજ વેચાણ 30.3% વધીને 24.5 BU થયું છે. ટેરિફ રિયલાઇઝેશન 8.5% વધીને ₹5.95 પ્રતિ kWh થયું છે, જ્યારે મર્ચેન્ટ પાવર રિયલાઇઝેશન ₹7.04 પ્રતિ kWh રહ્યું છે.

જયપ્રકાશ એસોસિએટ્સના એસેટ્સનું એક્વિઝિશન

ચાલુ ત્રિમાસિક ગાળા દરમિયાન અદાણી પાવરે કોર્પોરેટ ઇન્સોલ્વન્સી રિઝોલ્યુશન પ્રોસેસ (CIRP) હેઠળ જયપ્રકાશ એસોસિએટ્સ લિમિટેડના પાવર એસેટ્સનું સફળતાપૂર્વક અધિગ્રહણ કર્યું છે:

• 180 MW નો ચુર્ક થર્મલ પાવર પ્લાન્ટ હસ્તગત કરવામાં આવ્યો.

• જયપ્રકાશ પાવર વેન્ચર્સ લિમિટેડ માં 24% ઇક્વિટી હિસ્સો મેળવ્યો.

• પ્રયાગરાજ પાવર જનરેશન કંપની લિમિટેડ માં 11.49% હિસ્સો ખરીદ્યો.

આ ઉપરાંત, કંપનીએ મહારાષ્ટ્ર સ્ટેટ ઈલેક્ટ્રિસિટી ડિસ્ટ્રિબ્યુશન કંપની (MSEDCL) સાથે 25 વર્ષ માટે 1,600 MW વીજળી સપ્લાય કરવાનો મહત્વપૂર્ણ કરાર પણ કર્યો છે. આ વીજળી DBFOO મોડેલ હેઠળ સ્થાપવામાં આવનારા નવા અલ્ટ્રા-સુપરક્રિટિકલ પ્લાન્ટમાંથી પૂરી પાડવામાં આવશે.

૨૦૨૬-૨૭ થી આવકવેરામાં મોટા ફેરફારો: નાની ભૂલો માટે ભારે દંડમાંથી રાહત, જાણો ૭ નવા નિયમો

નોકરીયાત અને નિવૃત્ત લોકો માટે શ્રેષ્ઠ બચત વિકલ્પ છે પોસ્ટ ઓફિસ RD

45 GW ક્ષમતા તરફ ઝડપી પ્રગતિ

અદાણી પાવરે દેશમાં વધતી વીજ જરૂરિયાતોને પૂરી કરવા માટે તેની ઉત્પાદન ક્ષમતા વધારીને 45 GW (ગીગાવોટ) કરવાનો ભવ્ય લક્ષ્યાંક રાખ્યો છે. આ કેપેક્સ પ્રોગ્રામ ખૂબ જ ઝડપથી આગળ વધી રહ્યો છે:

• કોરબા ફેઝ-II (1,320 MW): આ સુપરક્રિટિકલ પ્લાન્ટ ચાલુ નાણાકીય વર્ષમાં જ કાર્યરત (Commissioned) થવાની ધારણા છે.

• મહાન ફેઝ-II (1,600 MW): આ પ્રોજેક્ટ Q1 FY28 માં શરૂ થશે અને જૂન 2026 સુધીમાં તેનું 88% થી વધુ કામ પૂર્ણ થઈ ચૂક્યું છે.

• રાયપુર અને રાયગઢ ફેઝ-II: આ બંને 1,600 MW ના પ્રોજેક્ટ્સનું કામ અનુક્રમે 62% અને 54% પૂર્ણ થઈ ગયું છે.

• મિર્ઝાપુર ગ્રીનફિલ્ડ પ્રોજેક્ટ: ઉત્તર પ્રદેશમાં 1,600 MW ના અલ્ટ્રા-સુપરક્રિટિકલ પ્લાન્ટનું કામ પણ શરૂ થઈ ગયું છે.

વિશેષ વાત એ છે કે, કંપનીની આગામી ક્ષમતામાંથી 87% ક્ષમતા માટે પર્યાવરણીય મંજૂરીઓ (Environmental Clearances) મળી ચૂકી છે અને 56% ક્ષમતા માટે લોંગ-ટર્મ PPA પહેલાથી જ સાઇન થઈ ચૂક્યા છે.

સીઈઓનું નિવેદન અને નાણાકીય સ્થિતિ

પરિણામો અંગે ખુશી વ્યક્ત કરતા અદાણી પાવરના સીઈઓ એસ બી ખ્યાલિયા એ જણાવ્યું હતું કે, “કંપનીએ તેના અત્યાર સુધીનો સૌથી વધુ ત્રિમાસિક ગાળાનો ઓપરેટિંગ નફો નોંધાવ્યો છે, જે અમારી કાર્યક્ષમતા અને મજબૂત પ્લાન્ટ પોર્ટફોલિયો દર્શાવે છે. અમે માત્ર થર્મલ પાવરમાં જ નહીં, પરંતુ હાઇડ્રો અને ન્યુક્લિયર (અણુ ઉર્જા) જેવા નવા ક્ષેત્રોમાં પણ પ્રવેશવાની યોજના બનાવી રહ્યા છીએ.”

મજબૂત બ્રાન્ડ અને ફાઇનાન્સ:

• ‘બ્રાન્ડ ફાઇનાન્સ’ દ્વારા અદાણી પાવરને $1.8 બિલિયનની બ્રાન્ડ વેલ્યુ સાથે “ઇન્ડિયાઝ મોસ્ટ વેલ્યુએબલ એનર્જી બ્રાન્ડ 2026” તરીકે જાહેર કરવામાં આવી છે.

• વિશાળ કેપેક્સ અને એક્વિઝિશન છતાં કંપનીએ વ્યાજ ખર્ચ પર નિયંત્રણ રાખ્યું છે. ફાઇનાન્સ કોસ્ટ માત્ર 5.19% વધીને ₹901.37 કરોડ રહી છે.

• 30 જૂન, 2026 સુધીમાં કંપનીનું કુલ દેવું ₹58,381.32 કરોડ અને ચોખ્ખું દેવું (Net Debt) ₹47,642.80 કરોડ નોંધાયું છે.