અફવાઓ અને ખોટી સલાહોથી બચવું છે? જૈનમ ગ્રુપનું આ નવું ‘મોર્ડન મેન્ટર’ બદલી નાખશે તમારું નસીબ!
આજના ઝડપી અને ડિજિટલ યુગમાં શેરબજાર અને નાણાકીય ક્ષેત્રે રોકાણ કરવું એ માત્ર પૈસા રોકવાની વાત નથી રહી, પરંતુ યોગ્ય સમયે સાચો નિર્ણય લેવાની એક કળા બની ગઈ છે. શેરબજારમાં રોકાણકારો અને ટ્રેડર્સ દરરોજ અસંખ્ય અફવાઓ, ટીપ્સ અને સલાહોના વંટોળમાંથી પસાર થાય છે. આવી સ્થિતિમાં, કઈ માહિતી સાચી છે અને કયો રસ્તો પસંદ કરવો, તે નક્કી કરવું ખૂબ મુશ્કેલ બની જાય છે. રોકાણકારોની આ જ મૂંઝવણ દૂર કરવા અને તેમને સાચી દિશા બતાવવા માટે, છેલ્લા ૨૨ વર્ષથી કાર્યરત અને દેશની અગ્રણી ફાઇનાન્સિઅલ સર્વિસિસ કંપની ‘જૈનમ ગ્રુપ’ એક નવો અવતાર લઈને આવ્યું છે.
જૈનમે તેની બ્રાન્ડ આઇડેન્ટિટીમાં મોટો બદલાવ કરીને પોતાને એક ‘મોર્ડન મેન્ટર’ (આધુનિક માર્ગદર્શક) તરીકે સ્થાપિત કર્યું છે. આ નવા રીબ્રાન્ડિંગ હેઠળ કંપનીએ ‘કલ જાનતે હૈં, કલ બનાતે હૈં’ નામનું એક વિશેષ બ્રાન્ડ કેમ્પેઇન લોન્ચ કર્યું છે. આ કેમ્પેઇનમાં બે શોર્ટ ફિલ્મોનો સમાવેશ થાય છે, જે રોકાણકારોને માર્કેટના નકામા શોરબકોરથી દૂર રાખીને સ્પષ્ટતા અને આત્મવિશ્વાસ સાથે નાણાકીય નિર્ણયો લેવામાં મદદ કરશે.
રોકાણકારોના રોજના જીવનને સ્પર્શતી બે વિશેષ ફિલ્મો
આ કેમ્પેઇનની સૌથી ખાસ વાત એ છે કે તેમાં કોઈ કાલ્પનિક દુનિયા નથી દેખાડવામાં આવી, પરંતુ સામાન્ય માણસના દૈનિક જીવનના પ્રસંગો વણી લેવાયા છે. આપણે અવારનવાર જોતા હોઈએ છીએ કે ચાની ટપરી પર, ઓફિસના કેન્ટીનમાં કે પછી ટ્રેન-બસમાં મુસાફરી કરતી વખતે લોકો શેરબજારની ચર્ચાઓ કરતા હોય છે. દરેક વ્યક્તિ પોતાની અલગ સલાહ આપતો હોય છે. જૈનમની આ બંને ફિલ્મો આ જ વાસ્તવિકતા પર આધારિત છે.
પ્રથમ ફિલ્મ: ‘અવાઝેં કઈ, ઇશારે કઈ’
આ ફિલ્મ આજના સમયની સૌથી મોટી સમસ્યા એટલે કે ‘માહિતીના અતિરેક’ (ઓવરલોડ) પર ધ્યાન કેન્દ્રિત કરે છે. આજે ઈન્ટરનેટ, સોશિયલ મીડિયા અને ન્યૂઝ ચેનલ્સ પર માહિતીનો કોઈ તોટો નથી, પરંતુ કઈ માહિતી કામની છે તે સમજવું અઘરું છે. ફિલ્મનો મુખ્ય સંદેશ છે – ‘હર ઇશારે પર ચલના, સમજદારી નહીં’. અર્થાત, બજારના દરેક સિગ્નલ કે અફવા પર પ્રતિક્રિયા આપવી જરૂરી નથી. અહીં જૈનમ એક માર્ગદર્શક તરીકે આવીને રોકાણકારને બિનજરૂરી બાબતોથી દૂર રાખી મોટા ચિત્ર (લાંબા ગાળાના લક્ષ્ય) પર ધ્યાન કેન્દ્રિત કરવા પ્રોત્સાહિત કરે છે.
બીજી ફિલ્મ: ‘રાસ્તે કઈ, દિખાને વાલે કઈ’
બીજી ફિલ્મ ટ્રેડિંગ અને રોકાણની વિવિધ વ્યૂહરચનાઓથી ઊભી થતી મૂંઝવણ પર પ્રકાશ પાડે છે. જ્યારે તમારી પાસે આગળ વધવાના અનેક રસ્તા હોય, ત્યારે દરેક રસ્તે ચાલવાને બદલે તમારા માટે સાચો રસ્તો કયો છે તે જાણવું જરૂરી છે. આ ફિલ્મ ‘ઝ્યાદા ટ્રેડિંગ નહીં, બહેતર ટ્રેડિંગ’ ના વિચારને મજબૂત કરે છે. તે દર્શાવે છે કે વારંવાર ખરીદ-વેચાણ કરવા કરતાં વિચારપૂર્વક અને ચોક્કસ હેતુ સાથે ટ્રેડિંગ કરવું વધુ ફાયદાકારક છે.
૨૨ વર્ષનો અનુભવ અને બજારનો બદલાતો મિજાજ
જૈનમ ગ્રુપના ચેરમેન એન્ડ મેનેજિંગ ડિરેક્ટર મિલન પરીખના જણાવ્યા મુજબ, છેલ્લા બે દાયકામાં ભારતીય ફાઇનાન્સિઅલ માર્કેટમાં અભૂતપૂર્વ પરિવર્તન આવ્યું છે. લોકો હવે પરંપરાગત બચત યોજનાઓથી આગળ વધીને શેરબજાર, મ્યુચ્યુઅલ ફંડ્સ અને અન્ય નાણાકીય સાધનો તરફ વળ્યા છે.
જૈનમે છેલ્લા ૨૨ વર્ષોમાં માર્કેટના ઘણા ઉતાર-ચઢાવ અને વિવિધ ચક્રો જોયા છે. આ લાંબા અનુભવે જ કંપનીને માર્કેટની બારીકાઈઓ સમજવામાં મદદ કરી છે. કેમ્પેઇનની મુખ્ય પંક્તિ ‘હમને કલ કો દેખા હૈ, તભી તો હમ કલ બનાતે હૈં’ આ જ અનુભવને રજૂ કરે છે. ભૂતકાળમાં મેળવેલું આ જ જ્ઞાન આજે રોકાણકારોના ભવિષ્યને સુરક્ષિત અને સમૃદ્ધ બનાવવામાં મદદરૂપ થઈ રહ્યું છે.
આજના રોકાણકારની જરૂરિયાત: પ્રોડક્ટ નહીં, સાચી દિશા
આજના સમયમાં રોકાણકાર વધુ જાગૃત અને ડિજિટલ બની ગયો છે. જૈનમના ચીફ બિઝનેસ ઓફિસર પુલક કુમાર સિંહનું કહેવું છે કે, હવે લોકો જાતે નિર્ણયો લેવા માગે છે અને વિવિધ એસેટ ક્લાસમાં રોકાણ કરી રહ્યા છે. તેથી, એક નાણાકીય સંસ્થા તરીકે કંપનીની ભૂમિકા માત્ર પ્રોડક્ટ્સ વેચવાની નથી રહી, પરંતુ લોકોને સાચો રસ્તો બતાવવાની બની ગઈ છે.
તેવી જ રીતે, કંપનીના ચીફ માર્કેટિંગ ઓફિસર ઐશ્વર્ય ગુપ્તા જણાવે છે કે, ફાઇનાન્સ ક્ષેત્રની જાહેરાતો મોટે ભાગે પ્લાન અને ફિચર્સ બતાવવા પૂરતી મર્યાદિત હોય છે. પરંતુ જૈનમના રિસર્ચમાં બહાર આવ્યું છે કે, ગ્રાહક સૌથી વધુ મહત્વ ‘સ્પષ્ટતા’ અને ‘સાચું માર્ગદર્શન’ આપતી સંસ્થાને આપે છે. આ કેમ્પેઇન ક્રિએટિવ એજન્સી ‘ડાઇકો એફએચઓ’ (Daiko FHO) ના સહયોગથી તૈયાર કરાયું છે અને ભારતના વિવિધ પ્રાંતો સુધી પહોંચવા માટે તેને હિન્દી, ગુજરાતી, અંગ્રેજી, મરાઠી, તમિલ, તેલુગુ, કન્નડ અને બંગાળી એમ કુલ ૮ પ્રાદેશિક ભાષાઓમાં રિલીઝ કરવામાં આવ્યું છે.
જૈનમ ગ્રુપનો મજબૂત પાયો અને વિશ્વાસપાત્ર સફર
સુરતથી શરૂ થયેલી જૈનમ ગ્રુપની આ સફર આજે સમગ્ર ભારતમાં વિસ્તરી ચૂકી છે. ૨૦૦૩માં સ્થાપિત આ કંપની આજે દેશની અગ્રણી પબ્લિક લિમિટેડ ફાઇનાન્સિઅલ સર્વિસિસ કંપનીઓમાંની એક છે.
- વિશાળ નેટવર્ક: દેશના ૩૦થી વધુ શહેરોમાં ૮૦થી વધુ સર્વિસ બ્રાંચો અને ૯૫૦થી વધુ ઓથોરાઇઝ્ડ પર્સન્સ (AP) નું મજબૂત નેટવર્ક.
- ગ્રાહક આધાર: ૪ લાખથી પણ વધુ સક્રિય ડીમેટ એકાઉન્ટ ધારકોનો વિશ્વાસ.
- માનયતા પ્રાપ્ત: NSE, BSE, MCX, MSE, NCDEX, NSDL, CDSL અને AMFI ની નોંધાયેલ સભ્ય.
- ઓલ-ઇન-વન સર્વિસિસ: ઇક્વિટી, ડેરિવેટિવ્ઝ, કરન્સી, કોમોડિટી, આઇપીઓ (IPO), પોર્ટફોલિયો મેનેજમેન્ટ સર્વિસિસ (PMS) અને મ્યુચ્યુઅલ ફંડ્સ સહિતની તમામ સેવાઓ એક જ છત નીચે.
જૈનમની આ શ્રેષ્ઠ કામગીરીને કારણે તેને MCX તરફથી ‘લીડિંગ મેમ્બર ઓફ ધ એક્સચેન્જ’ એવોર્ડ, BSE તરફથી ઈક્વિટી ડેરિવેટિવ્ઝમાં શ્રેષ્ઠ પ્રદર્શનના પુરસ્કારો અને HDFC બેંક તરફથી ‘બેસ્ટ ટેકનોલોજી એડપ્ટેશન એવોર્ડ’ પણ મળેલા છે. એટલું જ નહીં, વિશ્વના સૌથી મોટા નાણાકીય રોકાણ પાઠનું આયોજન કરીને કંપનીએ ‘ગિનિસ વર્લ્ડ રેકોર્ડ’ માં પણ પોતાનું નામ નોંધાવ્યું છે.
