ઉપરાષ્ટ્રપતિ ચૂંટણી 2025: બી. સુદર્શન રેડ્ડીએ દાખલ કરી ઉમેદવારી, INDIA એલાયન્સ તરફથી જાહેર કરવામાં આવ્યા ઉમેદવાર
2025ની ઉપરાષ્ટ્રપતિ પદની ચૂંટણી માટે રાજકીય તાપમાન ચઢતું જઈ રહ્યું છે. INDIA (ઇન્ડિયા) એલાયન્સ તરફથી બી. સુદર્શન રેડ્ડીએ પોતાના ઉમેદવારી પત્ર ફોર્મલ રીતે દાખલ કરી દીધું છે. તેઓ મજબૂત દાવેદાર તરીકે ઉભરી આવ્યા છે અને તેમનો સીધો મુકાબલો હવે એનડીએ (NDA) તરફથી જાહેર કરાયેલા ઉમેદવાર સીપી રાધાકૃષ્ણન સામે થશે.
ઉમેદવારી પત્ર દાખલ કરતી વખતે બી. સુદર્શન રેડ્ડી સાથે કોંગ્રેસના મુખ્ય નેતાઓ સોનિયા ગાંધી અને રાહુલ ગાંધી પણ હાજર રહ્યા હતા. ઉપરાંત અન્ય મોટાં નેતાઓ પણ તેમની સાથે જોવા મળ્યા હતા, જેનાથી તેમના ઉમેદવારીને રાજકીય રીતે સંપૂર્ણ સમર્થન મળતું હોવાનો સંકેત મળે છે.
સુદર્શન રેડ્ડીએ અગાઉ રાહુલ ગાંધીના વખાણ કરતાં કહ્યું હતું કે તેઓ “શેરીઓને શાંત રહેવા દેતા નથી” અને દેશને આવા સંવેદનશીલ નેતૃત્વની જરૂર છે. તેમના આ નિવેદનોએ વિપક્ષની રણનીતિને વધુ મજબૂતી આપી છે. આ ચૂંટણી આગામી રાજકીય ગતિવિધિઓ અને ગઠબંધનોના ભાવિ માટે અત્યંત મહત્વપૂર્ણ સાબિત થશે. નામાંકન પ્રક્રિયા પૂર્ણ થયા બાદ હવે ચૂંટણીનો ખરો જંગ શરૂ થશે.
મળતી માહિતી અનુસાર, રેડ્ડીનો ફોકસ “સંવિધાનિક મૂલ્યોની રક્ષા” અને “લોકશાહીની મજબૂતી” પર રહેશે. બીજી બાજુ, એનડીએના ઉમેદવાર સીપી રાધાકૃષ્ણન પણ મજબૂત પૃષ્ઠભૂમિ ધરાવે છે અને ભાજપમાં મહત્વપૂર્ણ ભૂમિકા ભજવી ચૂક્યા છે.
હવે નજર છે કે આ ચૂંટણીમાં મતદારો – ખાસ કરીને સાંસદો – કોના વોટ કરશે. રાજકીય રસાકસી વચ્ચે 2025ની ઉપરાષ્ટ્રપતિ ચૂંટણી વધુ રસપ્રદ બનતી જઈ રહી છે.
