મોંઘા OTT સબ્સ્ક્રિપ્શનની ઝંઝટ ખતમ! Vi લાવ્યું માત્ર ₹35નું વાઉચર
આજકાલ સ્માર્ટફોન પર ફિલ્મો, વેબ સિરીઝ અને મનોરંજક વીડિયો જોવાનો ક્રેઝ ખૂબ જ વધી ગયો છે. લોકો પોતાની પસંદગી મુજબ અલગ-અલગ OTT પ્લેટફોર્મ્સનો ઉપયોગ કરે છે. કોઈને હિન્દી ફિલ્મો જોવી ગમે છે તો કોઈ પ્રાદેશિક (રિજિયોનલ) કન્ટેન્ટ અને નવી વેબ સિરીઝનો શોખીન હોય છે. પરંતુ સમસ્યા એ છે કે આ તમામ મનોરંજન માટે અલગ-અલગ પ્લેટફોર્મનું સબ્સ્ક્રિપ્શન લેવું પડે છે, જેના કારણે મોબાઈલ રિચાર્જ ઉપરાંત OTT પાછળ પણ મોટા પ્રમાણમાં નાણાં ખર્ચવા પડે છે.
આ જ સમસ્યાને ધ્યાનમાં રાખીને પ્રાઇવેટ ટેલિકોમ કંપની વોડાફોન આઈડિયા (Vi) દ્વારા પોતાના ગ્રાહકો માટે એક અત્યંત આકર્ષક ડેટા વાઉચર રજૂ કરવામાં આવ્યું છે, જેમાં માત્ર સામાન્ય કિંમતમાં ઇન્ટરનેટ ડેટાની સાથેસાથે મલ્ટિપલ OTT પ્લેટફોર્મ્સનો લાભ પણ મળી જાય છે.
માત્ર 35 રૂપિયામાં ડેટા અને મનોરંજનનો બેજોડ મેળ
Vi ના આ નવા ડેટા વાઉચર ની કિંમત માત્ર ૩૫ રૂપિયા રાખવામાં આવી છે. આ વાઉચર ની સૌથી મોટી ખાસિયત એ છે કે તે ગ્રાહકોને એક નહીં પરંતુ પોતાની પસંદગીના બે અલગ-અલગ OTT પ્લેટફોર્મ્સ પસંદ કરવાનો ઉત્તમ વિકલ્પ પૂરો પાડે છે. જો તમે પણ વધારાના ખર્ચ વગર મનોરંજન મેળવવા માંગતા હોવ, તો આ યોજના તમારા માટે ખૂબ જ ઉપયોગી સાબિત થઈ શકે છે. જો કે, આ વાઉચર ખરીદતા પહેલા તેની શરતો, વેલિડિટી અને ડેટા મર્યાદા વિશે પૂરી માહિતી હોવી અનિવાર્ય છે.
28 દિવસ સુધી મળશે બે પ્રીમિયમ OTT પ્લેટફોર્મ્સનું સબ્સ્ક્રિપ્શન
આ વાઉચર નું સૌથી મોટું આકર્ષણ તેની સાથે મળતું OTT સબ્સ્ક્રિપ્શન છે. ગ્રાહકો ‘Vi Movies & TV’ એપના માધ્યમથી તમારી પસંદગીના બે પ્રીમિયમ OTT પ્લેટફોર્મ્સ પસંદ કરી શકે છે. આ પ્લેટફોર્મ્સ પર હિન્દી, અંગ્રેજી તેમજ વિવિધ પ્રાદેશિક ભાષાઓનું શાનદાર કન્ટેન્ટ ઉપલબ્ધ હોય છે.
આ ઓપ્શન્સમાં Sony LIV, JioHotstar, Shemaroo અને ખાસ કરીને કોરિયન ડ્રામા (K-drama) ના શોખીનો માટે Playflix જેવા લોકપ્રિય વિકલ્પો સામેલ છે. સૌથી સારી વાત એ છે કે આ OTT સબ્સ્ક્રિપ્શનની વેલિડિટી પૂરા ૨૮ દિવસ (એક મહિનો) ની છે. મતલબ કે વાઉચર સાથે મળેલો ૭ દિવસનો ડેટા પૂરો થઈ ગયા પછી પણ, યુઝર્સ આગામી ૨૧ દિવસ સુધી મફતમાં પોતાના પસંદગીના OTT પ્લેટફોર્મ પર મનોરંજનનો આનંદ માણી શકશે. જો કે, આ સબ્સ્ક્રિપ્શન હેઠળ વિડિઓ કન્ટેન્ટ જોવાની સુવિધા માત્ર મોબાઈલ ઉપકરણો પૂરતી જ મર્યાદિત રહેશે.
૩૫ રૂપિયાના આ વાઉચર માં કેટલો ડેટા મળે છે?
Vi ના આ ૩૫ રૂપિયાવાળા નવા વાઉચર માં કંપની કુલ ૧ GB (ગીગાબાઈટ) હાઈ-સ્પીડ ડેટા ઓફર કરી રહી છે. આ ડેટાની વેલિડિટી ૭ દિવસની હોય છે. યુઝર્સના ફોનની ક્ષમતા અને વિસ્તારના આધારે તેમને 4G કે 5G ડેટા સ્પીડ મળે છે. જો ૭ દિવસના સમયગાળા દરમિયાન આ ૧ GB ડેટા પૂરો ન થાય, તો તે વ્યર્થ જાય છે અને વેલિડિટી પૂરી થતાંની સાથે જ બાકીનો ડેટા એક્સપાયર થઈ જાય છે.
આ વાઉચર કોણ વાપરી શકે? (જરૂરી શરત)
અહીં એ સમજવું ખૂબ જ જરૂરી છે કે Vi નું આ ૩૫ રૂપિયાવાળું વાઉચર કોઈ સ્વતંત્ર રિચાર્જ પ્લાન નથી. તે એક ‘એડ-ઓન વાઉચર ‘ (Add-on Voucher) છે. તેથી, આનો ઉપયોગ કરવા માટે યુઝર્સના મોબાઈલ નંબર પર પહેલેથી જ કોઈ સક્રિય પ્રીપેડ પ્લાન (જેની વેલિડિટી ચાલુ હોય) હોવો અનિવાર્ય છે.
જે લોકો પોતાના સ્માર્ટફોન પર વારંવાર ફિલ્મો અને વેબ સિરીઝ જોવાના શોખીન છે પરંતુ અલગથી મોંઘા OTT સબ્સ્ક્રિપ્શન્સ ખરીદવા નથી માંગતા, તેમના માટે આ ખર્ચાળ નહીં પરંતુ એકદમ કિફાયતી અને સ્માર્ટ વિકલ્પ સાબિત થઈ શકે છે.
