BSNL યુઝર્સ માટે મોટી ચેતવણી, 20% સુધી મોંઘા થયા રિચાર્જ પ્લાન

BSNL વપરાશકર્તાઓ માટે મોટી ચેતવણી: જાણો કયા પ્લાન થયા મોંઘા

સરકારી ટેલિકોમ કંપની BSNL (ભારત સંચાર નિગમ લિમિટેડ) એ તેના પ્રીપેઇડ રિચાર્જ પ્લાનની કિંમતોમાં સીધો વધારો કર્યા વિના, તેમને ચુપચાપ મોંઘા કરી દીધા છે. કંપનીએ પ્લાનની કિંમત તે જ રાખી છે, પરંતુ તેની વૈલિડિટી (Validity) ઘટાડી દીધી છે, જેના કારણે ગ્રાહકોને હવે પ્રતિ દિવસના હિસાબે વધુ ચુકવણી કરવી પડશે. ટેલિકોમ સેક્ટરમાં ટેરિફ વધારાના સમાચારો વચ્ચે કંપનીનું આ પગલું ગ્રાહકો માટે મોટો આંચકો માનવામાં આવી રહ્યું છે.

BSNL એ 99, 107, 147, 153, 197, 439 અને 879 રૂપિયાના ઘણા લોકપ્રિય પ્લાનની વેલિડિટી ઘટાડી દીધી છે. સોશિયલ મીડિયા પર ઘણા યુઝર્સ BSNL પર ગ્રાહકોને ગેરમાર્ગે દોરવાનો અને ચાલાકી કરવાનો આરોપ લગાવી રહ્યા છે.

BSNL ના લોકપ્રિય પ્લાન પર વેલિડિટીનો પ્રહાર

BSNL 4G સર્વિસ લોન્ચ કરીને ગ્રાહકોને આકર્ષવાનો પ્રયાસ કરી રહી છે, પરંતુ વેલિડિટી ઘટાડવાની તાજેતરની નીતિથી લોકો ખૂબ જ નારાજ છે.

સોલર પેનલ હોવા છતાં આવે છે મોટું બિલ? આજે જ બદલો સફાઈની આ ભૂલ!

પોસ્ટપેડમાં સ્વિચ કરવાનું વિચારી રહ્યા છો? જાણો Airtel, Jio અને Viમાંથી કોનો એન્ટ્રી લેવલ પ્લાન છે તમારા માટે બેસ્ટ

નાના અને લોકપ્રિય પ્લાન સૌથી વધુ અસરગ્રસ્ત

• 107 રૂપિયા વાળો પ્લાન સૌથી મોટી કાપણીનો શિકાર બન્યો છે. તેની વેલિડિટી સીધી 28 દિવસથી ઘટાડીને 22 દિવસ કરી દેવામાં આવી છે, જેનાથી આ પ્લાન લગભગ 20 ટકા સુધી મોંઘો થઈ ગયો છે.

• 99 રૂપિયાના પ્લાનની વેલિડિટી 15 દિવસથી ઘટાડીને 14 દિવસ કરી દેવામાં આવી છે.

• 147 રૂપિયાના પેકની વેલિડિટી પણ 25 દિવસથી ઘટાડીને 24 દિવસ કરી દેવામાં આવી છે, જોકે તેમાં અનલિમિટેડ કોલિંગ અને 5GB ડેટા મળે છે.

મિડ-રેન્જ અને લોન્ગ-ટર્મ પ્લાનમાં પણ ઘટાડો

કંપનીએ માત્ર નાના પ્લાન જ નહીં, પરંતુ મધ્યમ અને લાંબા ગાળાના પ્લાનને પણ મોંઘા કર્યા છે:

• 153 રૂપિયા વાળા પ્લાનની વેલિડિટી 25 દિવસથી ઘટીને હવે 24 દિવસ થઈ ગઈ છે.

• 197 રૂપિયા વાળા પ્લાનની વેલિડિટી 48 દિવસથી ઘટાડીને 42 દિવસ કરી દેવામાં આવી છે.

• 439 રૂપિયા વાળા પ્લાનની વેલિડિટી 90 દિવસથી ઘટીને 80 દિવસ કરી દેવામાં આવી છે.

• 879 રૂપિયા વાળા લાંબી વેલિડિટીના પ્લાનમાં સૌથી વધુ 15 દિવસનો ઘટાડો કરવામાં આવ્યો છે, જેનાથી તે 180 દિવસને બદલે હવે 165 દિવસની સર્વિસ આપશે.

વેલિડિટી ઓછી થયા પછી, આ તમામ પ્લાનની પ્રતિ દિવસની કિંમત પહેલા કરતા ઘણી વધી ગઈ છે, જેના કારણે યુઝર્સમાં અસંતોષ વધી રહ્યો છે.