વિદેશના ઍરપોર્ટ પર ખાસ કરીને અમેરિકા અને યુકેમાં ક્રિકેટર સહિતની સેલેબ્રિટીઍ કહેવાતા આકરા નિયમોનો ભોગ બનવું પડ્યું હોય તેવા ઘણાં સમાચારો આવતા રહે છે. પાકિસ્તાનના દિગ્ગજ ઝડપી બોલર વાસિમ અકરમ પણ તેનો જ ભોગ બન્યો છે. માન્ચેસ્ટર ઍરપોર્ટ પર તેની સાથે ગેરવર્તન કરીને તેને અપમાનિત કરાયો હતો.
Very disheartened at Manchester airport today,I travel around the world with my insulin but never have I been made to feel embarrassed.I felt very humiliated as I was rudely questioned & ordered publicly to take my insulin out of its travel cold-case & dumped in to a plastic bag pic.twitter.com/UgW6z1rkkF
— Wasim Akram (@wasimakramlive) July 23, 2019
અકરમે સોશિયલ મીડિયા પર પોતાનો અનુભવ શેર કરતા ટ્વિટ કર્યુ હતું કે ઍરપોર્ટ મેનેજમેન્ટે મારી ડાયાબિટીસની દવાઓને યોગ્ય રીતે ધ્યાને લીધી નહોતી. ડાયાબિટીસના દર્દીઓ માટેના ઇન્સ્યુલીન ઇન્જેક્શન કોલ્ડ કેસમાં મુકીને લઇ જવાના હોય છે. જા કે માન્ચેસ્ટર ઍરપોર્ટ મેનેજમેન્ટ દ્વારા તેને કોલ્ડ કેસમાંથી કાઢીને પ્લાસ્ટિકની બેગમાં મુકી દેવા માટે જણાવાયું હતું. અકરમ ૧૯૯૭થી ટાઇપ ૧ ડાયાબિટીસથી પીડાય છે અને તેના માટે તેણે પોતાની સાથે ઇન્સ્યુલિનના ઇન્જેક્શન રાખવા પડે છે.
તેણે લખ્યું હતું કે માન્ચેસ્ટર ઍરપોર્ટ પર જે થયું તેનાથી મારું દિલ તુટી ગયું છે. હું દુનિયાભરમાં ઇન્સ્યુલિનના ઇન્જેક્શન લઇને ફરું છું પણ અહીં જે થયું તેનાથી હું પ્રતાડિત થયો હોવાનું અનુભવું છું.