ગાંધીનગરમાં મુખ્યમંત્રી શ્રી ભૂપેન્દ્ર પટેલ સાથે ઓસ્ટ્રેલિયન હાઈ કમિશનર ફિલીપ ગ્રીનની મહત્વપૂર્ણ બેઠક

ઓલિમ્પિક ઇન્ફ્રાસ્ટ્રક્ચરના સસ્ટેનેબલ ઉપયોગ માટે ઓસ્ટ્રેલિયાના અનુભવનો લાભ લેવા ગુજરાત તૈયાર

ગાંધીનગર ખાતે મુખ્યમંત્રી શ્રી ભૂપેન્દ્ર પટેલે ભારત ખાતેના ઓસ્ટ્રેલિયન હાઈ કમિશનર શ્રીયુત ફિલીપ ગ્રીન સાથે મહત્વપૂર્ણ બેઠક યોજી હતી. આ બેઠકનો મુખ્ય હેતુ વર્ષ ૨૦૩૨માં બ્રિસ્બેન (ઓસ્ટ્રેલિયા) માં યોજાનારા ઓલિમ્પિક માટેના ઈન્ફ્રાસ્ટ્રક્ચર પ્લાનિંગના અનુભવનો લાભ ગુજરાતને આપવાનો છે. ગુજરાત ૨૦૩૬માં ઓલિમ્પિકની યજમાની કરવા માટે જે તૈયારીઓ કરી રહ્યું છે, તેમાં ઓસ્ટ્રેલિયાની સસ્ટેનેબલ ટેકનોલોજી અને પ્લાનિંગ નિર્ણાયક સાબિત થશે.

સ્પોર્ટ્સ ઇકોસિસ્ટમ અને ઉચ્ચ પ્રશિક્ષણ

બેઠકમાં ઓસ્ટ્રેલિયાએ ગુજરાતના ખેલાડીઓને વૈશ્વિક સ્તરે તૈયાર કરવા માટે અનેક પ્રસ્તાવો રજૂ કર્યા છે:

• ઉચ્ચ પ્રશિક્ષણ: સ્વિમિંગ, પેરા એથલીટ્સ અને હાઈ પર્ફોમન્સ સેન્ટરના નિર્માણમાં ઓસ્ટ્રેલિયન એક્સપર્ટ્સ ગુજરાતને માર્ગદર્શન આપશે.

• ડિકન યુનિવર્સિટી: ગિફ્ટ સિટીમાં કાર્યરત આ યુનિવર્સિટીમાં સ્પોર્ટ્સ સાયન્સ, સ્પોર્ટ્સ બિઝનેસ અને રિસર્ચ માટે ‘સેન્ટર ઓફ એક્સલન્સ’ શરૂ કરાશે.

• આવાસ સુવિધા: ઓલિમ્પિક દરમિયાન તૈયાર થનારા આવાસોનો ખેલ સ્પર્ધા પૂર્ણ થયા બાદ વિદ્યાર્થી હોસ્ટેલ અને સામાન્ય નાગરિકોના નિવાસ માટે કેવી રીતે ઉપયોગ કરવો તે અંગે ઓસ્ટ્રેલિયા તેનું ‘સસ્ટેનેબલ મોડલ’ શેર કરશે.

રિન્યુએબલ એનર્જી અને મહિલા સશક્તીકરણ

રમતગમત ઉપરાંત, ઊર્જા ક્ષેત્રે પણ બંને રાષ્ટ્રો વચ્ચે સહયોગ ગાઢ બનશે:

૧. સોલાર ટ્રેનિંગ: પંડિત દીન દયાળ એનર્જી યુનિવર્સિટી (PDEU) માં ૨૦૦૦ લોકોની ક્ષમતા સાથેની સોલાર રૂફટોપ ટ્રેનિંગ ફેસિલિટી વિકસાવવામાં આવી રહી છે.

ગાંધીનગરના લોકભવન ખાતે ભવ્ય રાજ્યસ્તરીય ‘સંસ્કૃત સન્માન સમારોહ’નું આયોજન

ગાંધીનગર સિવિલ હોસ્પિટલ ખાતે એક માસ માટે ‘વર્લ્ડ ઓરલ હેલ્થ મંથ’ની ઉજવણી

૨. ગ્રીન એનર્જી: રિન્યુએબલ એનર્જી ટ્રાન્ઝિશનમાં ઓસ્ટ્રેલિયા પોતાની ટેકનિકલ કુશળતાનો લાભ ગુજરાતને આપશે.

૩. વેપાર અને ઉદ્યોગ: વાઈબ્રન્ટ સમિટના માધ્યમથી જેમ્સ એન્ડ જ્વેલરી, ફાર્મા અને ટેક્સટાઈલ ક્ષેત્રે પણ ભાગીદારી વધારવા પર ભાર મૂકવામાં આવ્યો હતો.

મુખ્યમંત્રીશ્રીએ માર્ચ-૨૦૨૬માં યોજાનારા ડિકન યુનિવર્સિટીના પ્રથમ પદવીદાન સમારોહનું આમંત્રણ પણ સ્વીકાર્યું હતું. આ સહયોગથી ૨૦૩૬ ઓલિમ્પિકમાં ગુજરાતના ખેલાડીઓ ઉજ્જવળ દેખાવ કરશે તેવી અપેક્ષા વ્યક્ત કરી હતી.