હાઈ બ્લડ પ્રેશરના દર્દીઓ માટે કુદરતી વરદાન સમાન આ પીણું ઘરે જ બનાવો

હૃદયના સ્વાસ્થ્ય માટે એક સરળ રીત: બીટરૂટ જ્યુસને બનાવો તમારી રોજની આદત

આજના સમયમાં હૃદયરોગના હુમલા (Heart Attack) માત્ર વડીલો પૂરતા મર્યાદિત રહ્યા નથી. નાની ઉંમરના યુવાનો જીમમાં, ડાન્સ ફ્લોર પર કે કામના સ્થળે અચાનક હૃદયરોગનો ભોગ બની રહ્યા છે. ઊંઘનો અભાવ, બેઠાડુ જીવન અને માનસિક તણાવ આ માટે જવાબદાર છે જ, પરંતુ આપણો ખોરાક આમાં સૌથી મોટી ભૂમિકા ભજવે છે. જાણીતા લાઈફસ્ટાઈલ એક્સપર્ટ લ્યુક કુટિન્હોએ હૃદયના સ્વાસ્થ્યને સુધારવા માટે એક અત્યંત અસરકારક અને કુદરતી પીણું સૂચવ્યું છે – બીટરૂટનો રસ (Beetroot Juice).

બીટરૂટ જ્યુસ પાછળનું વિજ્ઞાન

બીટરૂટમાં કુદરતી રીતે જ નાઈટ્રેટ્સ (Nitrates) ભરપૂર માત્રામાં હોય છે. જ્યારે આપણે આ રસ પીએ છીએ, ત્યારે આપણું શરીર આ નાઈટ્રેટ્સને ‘નાઈટ્રિક ઓક્સાઈડ’ માં રૂપાંતરિત કરે છે. આ એક એવો પરમાણુ છે જે રક્તવાહિનીઓને ફેલાવવામાં (Vasodilation) અને રક્ત પ્રવાહને સરળ બનાવવામાં મદદ કરે છે. પરિણામે, હૃદય પરનું દબાણ ઘટે છે અને હૃદયરોગનું જોખમ ઓછું થાય છે.

બીટરૂટ જ્યુસ પીવાના ૫ મુખ્ય ફાયદા

૧. બ્લડ પ્રેશરનું નિયંત્રણ: અનેક અભ્યાસો સૂચવે છે કે દરરોજ ૨૦૦ થી ૫૦૦ મિલીલીટર બીટનો રસ પીવાથી હાઈ બ્લડ પ્રેશરમાં નોંધપાત્ર ઘટાડો થઈ શકે છે. તે ધમનીઓને લચીલી બનાવે છે. ૨. હૃદયરોગના હુમલાથી રક્ષણ: તે હૃદયમાં રક્ત પરિભ્રમણને સુધારે છે અને ધમનીઓમાં ચરબી (Plaque) જમા થવાની પ્રક્રિયાને ધીમી કરે છે, જે સ્ટ્રોક અને એટેક અટકાવવામાં મદદરૂપ છે. ૩. કુદરતી ચમકતી ત્વચા: બીટરૂટ લોહીને શુદ્ધ કરે છે. તેમાં રહેલા વિટામિન-સી અને એન્ટીઑકિસડન્ટ ખીલની સમસ્યા ઘટાડે છે અને ચહેરા પર કુદરતી લાલપ (Glow) લાવે છે. ૪. પાચનશક્તિમાં વધારો: બીટમાં પુષ્કળ ફાઈબર હોય છે, જે પાચનક્રિયાને વેગ આપે છે અને કબજિયાત જેવી જૂની સમસ્યાઓથી છુટકારો અપાવે છે. ૫. સ્ટેમિનામાં વધારો: એથ્લેટ્સ અને કસરત કરતા લોકો માટે આ જ્યુસ એનર્જી ડ્રિંક જેવું કામ કરે છે, કારણ કે તે સ્નાયુઓ સુધી ઓક્સિજન પહોંચાડવામાં મદદ કરે છે.

કેન્સર સામે વૈજ્ઞાનિકો જંગ જીત્યા: નવી દવા સ્વાદુપિંડના દર્દીઓનું આયુષ્ય બમણું કરશે

એસીમાં સૂતી વખતે સાંધા જકડાઈ જાય છે? જાણો ડોક્ટર પાસેથી તેનું અસલી કારણ!

કેવી રીતે બનાવશો ‘હાર્ટ-હેલ્ધી’ ડ્રિંક?

લ્યુક કુટિન્હોના જણાવ્યા મુજબ, બીટરૂટના રસને વધુ અસરકારક બનાવવા માટે તેમાં થોડું આદુ ઉમેરીને મિક્સ કરો. આ મિશ્રણને ગાળી લો અને તેમાં સ્વાદ મુજબ લીંબુનો રસ તથા કાળા મરીનો પાવડર ઉમેરો. લીંબુમાં રહેલું વિટામિન-સી બીટના પોષક તત્વોને શરીરમાં શોષવામાં મદદ કરશે.

દિવસ દરમિયાન ૨૦૦ થી ૫૦૦ મિલીલીટર રસ પીવો પર્યાપ્ત છે. જો તમને કિડનીમાં પથરીની સમસ્યા હોય, તો બીટરૂટનો ઉપયોગ કરતા પહેલા ડોક્ટરની સલાહ લેવી હિતાવહ છે.